1/ Meng jiak 420 ribau ha glai, tỉnh Yên Bái hu ngak rilo jalan piah pacang caga khuah glai dalam bilan pandiak. Gah tui iek glai tỉnh hu padang veik jiak 1.500 kapul nyaom pacang caga khuah glai di cơ sở, peih bruk brei ka jiak 80.000 boh sang jiak glai song tapen glai tut angan tame harak sanya khik caga glai.

2/ UB bhap bini ban sit Hội An, tỉnh Quảng Nam brei miễm jien haraktame rivang iek ka tuai mai riavng iek harei 4/12/2016 tuk pahadar 17 thun ban klak Hội An hu UNESCO brei angan lac inem krung ilamu dunya (4/12/1999 - 4/12/2016). Taphia di nan, ban sit Hội An jeng peih ralo danak dak, bruk ngak ilamu, giải trí chreih chrai brei ka bhap bini saong tuai damuai tuk mai tal ban klak Hội An.

3/ Di ban Cần Thơ mintri ngak nong song patagok palei pala peih ngak danak dak Chống chịu khí hậu tổng hợp song jalan ngak mbang khang kajap bhum taneran krong CL tuk vak 2016-2021. Danak dak hu peih ngak di 9 tỉnh bhum taneran krong CL song hu mbaok tapak di mintri ngak nong song patagok palei pala, mintri Kế hoạch - Đầu tư song mintri Tài nguyên song Môi trường, ngan song pok jien buh tabiak labaih 384 triệu USD, samu 8.577 tỷ đồng. Danak dak kayua gilang pariak dunya dong.  

4/ Dalam tỉnh Đồng Nai urak ini hu 22 cơ sở bảo trợ xã hội langiu công lập, urak ini daok raong ba 1.340 urang dalam bảo trợ XH. Tukvak tapa, dom labik bảo trợ XH langiu công lập hu taduan, khik iek saong iek glang tani tanat ka vật chất, tinh thần dom đối tượng bảo trợ XH oh hu gauk gar ike glang, daong palagaih ka urang bảo trợ dalam umo nao bac hu nao tal sang bac, hu iek ruak định kỳ, pato bruk ngak saong ba bruk ngak tuk praong tagok, rik daong gam saong karja khik kajap rai diuk ka dom đối tượng XH dalam tỉnh.

5/ Melam  1/12 di công ty Trách nhiệm Hữu hạn Yakin Sài Gòn, Khu công nghiệp Bắc Đồng Phú (ban sit Tân Phú, huyện Đồng Phú, tỉnh Bình Phước)

Labaih 120 urang ngak ba tame sang iek ruak dalam tuk dok taglaoh taaok, var drei medhil kayua njauk jru mek hadei di tuk mbang ca melam. Hadei di tuk rah tabiak bruk, kapul pasang iek di Chi cục hacih saat pandap mbang tỉnh Bình Phước hu samar pambuak bruk song Công an tỉnh Bình Phước song dom gah chức năng nao ngak bruk song lambaok Công ty Trách nhiệm Hữu hạn Yakin Sài Gòn piah duah thau, ngak brei cambaih laih bruk nan.

6/ Ralo jalan iek ruak ung thư barau yau xạ trị meng vi cầu phóng xạ, pakaih hạt phóng xạ hu cập nhật,  klah rabha di nyaom meyai pacang cakak ung thư ban raya HCM mbang ka 19. Rah tabiak dalam 2 harei 1 saong harei 2/12, nyaom meyai mbang ini jeng brei thau dom kỹ thuật iek ruak barau ba mai kết quả njauk khích lệ yau kỹ thuật vi phẫu tái tạo talah hadei blaic daraih ung thư talah di sang iek ruak ung Bướu ban raya HCM; blaic daraih nội soi bướu trung thất di sang iek ruak Chợ Rẫy. Kuhria rah tapa yaok thun taneh ia hu meng 135.000 tal180.000 urang njauk ruak ung thư barau saong meng 95.000 tal 130.000 urang metai kayua ung thư.    

 7/ Mboh dahlau ka bruk  langik tasik bilan 12 ni, Pasak dự báo Khí tượng Thủy văn Trung ương brei thau, dalam dom bilan ni langik liar meda tagokkhang; dom tỉnh gah barak meda hu meng 4 tal 5 mbang langik liar. Dom tỉnh gah kreik negar, abih di nyu di labik bhum Trung saong Nam Trung Bộ meda hu langik liar  song hajan khang. Kayua yau nan ye, labik ni brei caga dom mbang hajan khang meda rah tabiak ia sua song glut jaleih taneh di bhum ceik, ia dauh di bhum beir. Labik Nam Trung bộ kayua hu  áp thấp xích đạo meng tasik tame ngak hajan mbaih, hajan khang rilo di meteh akaok di bilan.

Patui di ini dom khau tin dunya:

8/ Hu 284.000 menuac di dom taneh ia dalam Liên minh châu Âu (EU) likau daok di Anh dalam 6 bilan akaok thun ini, tukvak dahlau tuk rah tabiak bruk trưng cầu dân ý di Anh ka bruk tabiak truh Liên minh châu Âu (EU), atau daok ieu lac Brexit. Ini lac tanut glaong di abih kuhria meng dahlau mai. Abih tih urang di cư tal Anh nan lac 335.000 urang, glaong jang duk saong 100.000 urang bo rajaei taneh ia ini sanya taduan mek.

9#/ NB bahrau am chuh klak 230 ribau drei menuk hadei di tuk duah mboh chủng menuk ada mbuan njom mbak di dom trang trại di gah barak negar ni. Oh lac di NB, Hq jeng dok huac vi rút menuk ada pambak khang di rilo puk palei di negar ni. Urang jakar HQ khan lac hu am chuh klak 3% dalam tong abih menuk ada di negar ni piah pacang cakak jit ruak menuk ada H5N6 dok pambak prong di rilo trang trại dalam negar.

10/ Tổng thống bahrau hu pilih ruah di Mỹ,. ong Đô-nan Trăm brei thau ong hu đề cử tướng thủy quân lục chiến padeih hưu Giêm Ma-tít gilac veik ngak akaok mintri QP. Ong Giêm Ma-tít dane angan kayua jalan đối thoại cứng rắn, hu ilamu chiến trường di I-rắc saong Áp-ga-ni-xtan saong oh hu hatai jia  I-ran. Tổng thống  Trăm brei thau, ong hu ba tabiak panuac khan ka bruk đề cử ini di  harei 5 bilan 12 tal./.