1  # Thủ tướng rajaei Nguyễn Xuân Phúc bahrau mbaoh tangin brei ngak danak dak  " Dong urang kamei padang mbang ngui tuk vak 2017-2025". Jalan ngak di danak dak lac tal thun 2025, 90% urang jakra Hội chuyên trách dom pakat hu mbaok peih ngak danak dak hu paglaong ilamu dong urang kamei padang mbang ngui, tagok bruk ngak mbang pablei salih,   70% hội viên urang kamei hu pathau kha, paglong akaok sahaneng ka bruk ngak, padang mbang ngui, dong ka 20.000 urang kamei peih bruk padang mbang ngui, padang ngak  1.200 tổ hợp tác/hợp tác xã ka urang kamei khik ramik; 100.000 doanh nghiệp di urang kamei bahrau padang hu tacei jalan ngak, dong patagok doanh nghiệp.

2/ Bruk “Tết ka urang kan kathaot saong urang njauk jru mek klik kruoc” kayua Hội Chữ thập đỏ Việt Nam peih ngak meng thun 2013 – 2017 hu jak ba, alin hadaih jaik 10 triệu paok pandap ngan saong yaom jien labaih 3.400 tỷ đồng. Dalam bruk bayar dhar phon, iek glang urang hu buh pren yava, urang njauk jru mek klik kruoc, dom pakat hội hu daong ka jaik 1.500 triệu mbang urang ngan saong yaom jien abih tih labaih 218 tỷ đồng.    

3 # Hajan ia sua dom harei tapa ngak khut khat trak di  tỉnh Lai Châu, hu 3 urang metai song khat lihik drap ar tagok tal yaok pluh tỷ đồng. Urak ni di tỉnh Lai Châu dok hu hajan mbiah tal hajan khang di rilo labik, ngak ka yaok rituh boh sang dok di bhum atah bayah dok laik tame kan kandah, tu kdom boh tatua, jalan mbak nao mai duah dalam ia song njuak ia  ba seik

4/ Ngak tui tacei pato di rajaei, bruk khik iek, pasang iek bruk mek cuah, randiah sung hukum di puk palei hu tỉnh Kon Tum peih ngak khang saong langyah catang. Ong A Nhã, phaok akaok duk Tài Nguyên saong Môi trường huyện Đăk Glei, brei thau: “Piah patakik bruk mek cuah sung hukum, duk jeng hu tham mưu huyện biak ralo văn bản tacei UB bhap bini dom xã, ban sit pasang iek, taong phạt ngan saong dom baoh sang mek cuah oh ka hu brei adat”. 

5/ # Di ban Vũng Tàu (tỉnh Bà Rịa - Vũng Tàu), Hội đồng đội Trung ương bahrau peih  Nyaom biai pataom iek veik  bruk Đội song bruk uranaih  thun bac 2016 - 2017.  Thun bac meng bloh, Hội đồng Đội  dom tỉnh, ban dalam negar kết nạp hu 1,4 triệu đội viên bahrau, yaih khan ka Đoàn  jiak 8.000 đội viên naih gheih.  Jhul pakhang rilo bruk piah tagok bruk pato pakai đạo đức, jalan diukrai, pasram lý tưởng cách mạng ka uranaih.

6/ Sở Lao động Thương binh saong xã hội tỉnh Tiền Giang brei thau, meng akaok thun tal ini, hu 3 mbang rah tabiak jaik 20 urang cai nghiện ma túy di labik cai nghiện xã Tam Hiệp, huyện Châu Thành nduah tabiak trại. Min dom urang  nduac tabiak trại hu urang jakar khik iek cơ sở cai nghiện saong dom ngành, kapul nyaom puk palei jak ba mai cai nghiện veik. Makna ba tal bruk nduac tabiak trại di labik cai nghiện ma túy di tỉnh lac labik daok oh siam, paga pacang oh khang … oh k hu buh jien tame ngak ka nyu kajap. 

7/ # Uỷ ban bhap bini ban sit Châu Thành , tỉnh Tây Ninh bahrau peih bruk tabiak mbaok Hợp tác xã rong menuk hacih saat  Nhân Hoà. Jalan ngak di Hợp tác xã  piah tagok số lượng menuk rong yaok bilan meng 8-10 ribau drei, hu ngak tui jalan sinh học, patrun takik di abih phun jien buh tame piah hu kein liba glong, pandap oh labaih kháng sinh, oh hu jit ruak; hareik rong glang hu xử lý,oh ngak kanyah jhak tal môi trường.

Patui di ini dom khau tin dunya:

8/ Công bố ba tabiak angaok tạp chí Nây-chơ brei thau, dom urang khoa học Mỹ ngak iek hu siam vắc-xin pacang cakak ung thư klik. Janih vắc-xin pacang cakak ung thư klik ini hu angan lac NeoVax, hu tal 20 janih pacang ung thư. Oh yau dom janih vắc-xin meng kan pacang cakak jit ruak, vắc-xin NeoVax lac piah pacang cakak bruk gilac veik di dom tế bào ung thư klik ác tính hadei tuk dom u hắc tố hu blac daraih klak nao.

9/ # Urang dang akaok  hải quan Hồng Kông (Trung Quốc) khan lac bahrau chap mek hu sa bruk buôn lậu bala limen prong abih dalam labaih 30 thun tapa, lac 7.200 kg, hu yaom labaih 72 triệu đô la Hồng Kông ( samu 9,22 triệu đôla Mỹ). Bala limeni ni hu pandauk dalam dom boh paoap caik ikan liar, hu duah mboh dalam sa công-tơ-nơ (container) mai meng negar  Ma-lai-xi-a.

 10/ Akaok mintri Ngoại giao Indonesia, Rết-nô Mác-xu-đi brei thau Thổ Nhĩ Kỳ brei trục xuất 430 urang Indonesia kayua dom urang nan duah jalan nao tapa Syria dalam 2 thun tapa. Panuac ini hu ba tabiak hadei sa mbang nyaom dua gah di akaok mintri Retno saong akaok mintri Ngoại giao Thổ Nhĩ Kỳ  dalam mbang nao rivang di Tổng thống Joko Widodo harei 6/7./.