1 # Tây Giang lac huyện bhum ceik di tỉnh Quảng Nam, hu tal 96% menuac lac urang bangsa Cơ-tu. Piah khik ramik saong patagok iamu Cơ-tu, rilo sang bac di labik ini hu ba ilamu Cơ-tu tame pato.

          2/  # Ủy ban bhap bini huyện Ninh Sơn, tỉnh Ninh Thuận peih ngak sarak  ka 02- di rajaei ka bruk dong ngak nong piah pasiam veik  bruk pala drak bhum taneh njauk khat lihik kayua bala song jit ruak. Tui nan, huyện tacei pato dom jabat đơn vị puk palei  padang Hội đồng pasang iek adat di điểm a và b, khoản 3, Paka 6 di sarak piah ngak biên bản pasang iek , duah thau tanut khat lihik, bruk caong daong di yaok boh sang.

  3# Hội Liên hiệp urang kumei huyện Dương Minh Châu, tỉnh Tây Ninh bahrau peih mbang khan  bruk pacang caga pablei salih  menuac  tapa biên giới ka urang jakar, hội viên saong urang kumei xã Bàu Năng thau. Tapa nan, urang hu khan brei thau bruk pablei saih menuac tapa biên giới tukvak jaik di ini, jalan piah thau kol pablei saih menuac. Urang pathau khan hu pabak ilamu ka urang kumei tuk tok pasang likei negar lingiu, jalan langyah meyah mboh yau drei daok njauk urang pachot ba nao pablei.

      4/  #Chi cục hacih saat pandap mbang –di Sở Y tế tỉnh Bến Tre bahrau tabiak harak taong phat hành chính Công ty ngak lisei huak công nghiệp Phú Lộc di xã Mỹ Thạnh, huyện Giồng Trôm, 25 triệu đồng kayua caik rah tabiak bruk njauk jru mek pandap mbang. Dahlau nan cala pandiak harei 27/5, hu labaih 40 urang ngak di Công ty TNHH MTV JY VINA di xã Mỹ Thạnh, huyện Giồng Trôm, tỉnh Bến Tre ba tame sang iek ruak cấp cứu hadei di tuk mbang pandap mbang di Công ty Phú Lộc. Makna ba tal bruk nan  hu sang iek ruak đa khoa Nguyễn Đình Chiểu lac njauk jru mek pandap mbang.

  5 #Amuk Phạm Thị Diệu, Bí thư Đảng ủy phường 1, ban sit Giá Rai, tỉnh Bạc Liêu brei thau, kuhria tal harei 30/6, taong abih dom sang daok di labik mbuan glut jaleih dalam phường hu ba pandap panda drap ar nao daok di labik karei. Meng ini al puac thun,  Bạc Liêu tame bian hajan ribuk, mbuan glut jaleih takai kraong, bhap bini njauk caik hatai sangka, piah plaih  metai, lihik.
          6/ # Urak ni, ruak pandiak tabiak darah di tỉnh Bình Thuận mboh dok tagok. Anak bruk ni, langiu di dom jalan tui iek, langyah dom sruh jit ruak, gah  Y tế Bình Thuận dok jhul pakhang bruk pathau khan piah pachreih ba bhap bini  pacang caga jit ruak pandiak tabiak darah.

7# Urak ini, di tỉnh Kiên Giang, ruakpandiak tabiak darah mboh yau daoktagok khang, hu ilo menuac njauk tame sang iek ruak. Tui kuhria mboh dahlau di gah Y tế, urang njauk dom ruak pandiak tabiak darah dalam tỉnh daok hu rilo jang dalam dom bilan anak tal. Panuac meng Pasak pacang caga ruak tỉnh Kiên Giang brei thau, urak ini dalam tỉnh 395 mbang urang njauk ruak pandiak tabiak darah, dalam nan hu 10% urang praong, oh hu urang haei metai, rilo jang 12 mbang duk saong dom bilan ini thun dahlau.

Patui di ni dom khau tin dunya :

8# Ủy viên Châu Âu iek gah urang nhập cư Đi-mi-tơ-ri Avra-mô-pô-lốt brei thau, Liên minh Châu Âu halan hatain dong ka  Italia patrun naong trak gah bruk urang nhập cư song tị nạn, dalam tuk negar ni dok hu panuac ieu bruk dong  meng dom  negar di EU karei  taduan urang nhập cư Châu Phi.

9# Akaok mintri ngak Nông Nam Phi Sen-dê-ni Đô-oa-na khan lac taneh ia ini hu am cuh klaak 260 ribau drei menukada piah pacang cakak virút cúm H5N8 daok pambak praong. Nam Phi hu jit cúm menuk ada tamuh tabiak di 2 bein raong glaong, saong uak njom mbak meng cim glai.

        10   # Quân đội I-rắc  khan lac dom kol khủng bố di (IS) hu jhul tabiak truh ban Mô-xun. Tui nan, dom kol khủng bố oh dok jalan halei palih ruah langiu di bruk yar tangin taduan lah, bruk hu mbaok di kol IS di  I-rắc oh daok tra. Bruk mek veik sang megik Nuri di Mô-xun lac sa ja yah praong di I-rắc dalam bruk mesruh piah peih paha  meng tangin kol IS dalam luac 8 bilan tapa. /.