1/ #  Mesup 31/3, Ủy ban bhap bini tỉnh Ninh Thuận peih bruk padang ngak  Dự án Đập hạ lưu sông Dinh. Ni lac danak dak prong pahadar 25 thun padang tỉnh ( 1/4/1992 – 1/4/2017) song 42 thun peih paha Ninh Thuận (16/4/1975-16/4/2017). Danak dak Đập hạ lưu sông Dinh hu ngak piah pacang cakak njom mbak, kayua ia ndik di bhum taneh 2 gah krong  Dinh; ngak jeng danao ia taba hu dung tích labaih 3,5 triệu m3 piah pabak ia pala drak, ia pandar  ka bhap bini tapen krong Dinh,  pabak ia ka dom khu công nghiệp gah merong di tỉnh. Tong abih phun jien ka danak dak lac 700 tỷ đồng, tuk vak padang ngak  23 bilan.

2/  Ndom biai ka bruk “ngak cà phê lagaih saong biến đổi khí hậu” kayua pasak pachreih nông pakat negar peih tabiak di tỉnh Gia Lai mesup harei 31/3 pachreih hu labaih 250 urang lac urang nông saong dom chuyên gia, doanh nghiệp dalam gah ngak nông hu mbaok tame. Tapa nan, dom  urang nông  dom tỉnh Tây Nguyên saong dom chuyên gia, doanh nghiệp dalam gah ngak nông hu ginum meyai ka dom jalan ngak chip pambuak tal ilamut iek glang, khak drak, ia pruh, pacang cakak halak halin palai kaik.

3/ Kapul pasang iek liên ngành tỉnh Lâm Đồng  daok duah mboh dom janih mứt oh thau asal ngak ja  mứt Đà Lạt piah pablei ka tuai. Tapa pasang iek labik pablei salih  mứt ĐL di labik Thương xá Latulip,  gah chức năng duah mboh labaih 160 kg mứt dom janih oh thau asar di nyu. Meng akaok thun tal ni, Gah chức năng tỉnh Lâm Đồng song ban Đà Lạt bhian pasang iek song langyah catang dom bruk bleik saleik dalam pablei salih abih di nyu nan lac gah pablei salih pandap ka tuai du lịch.

4/ hadei di tuk rah tabiak bruk iken metai ralo di  danao thủy lợi Từ Vân huyện Bàu Bàng, tỉnh Bình Dương dalam dua harei 20 saong harei 21/3 meng bloh, karja palei hu pambuak saong gah chức năng mek mẫu, payua duk iek. Tapa nan brei mboh makna ikan metai lac kayua chất lượng ia di danao njauk ô nhiễm. Halau ia di danao njauk ô nhiễm kayua ia nerak sinh hoạt di bhap bini daok jaik danao tathuak tabiak, taphia di nan langik tasik salih barau ba tal kurang o-xy dalam ia. Anak bruk nan, urak ini karja palei saong dom gah pambuak tal patagok bruk pathau khan, pasang iek langyah tal labik bruk tathuak ia oh ka tapa xử lý di dom cơ sở raong glang tapen danao.  

5/  # Yaom lac dok dalam tuk tabung glong bilan thu, min urang njauk pandiak tabia kdrah di TRà Vinh dok rah tabiak rilo song hu 2 urang metai. Kuhira tal tuk vak ni Trà Vinh hu labaih 200 urang ruak tame sang iek ruak, rilo jang 19 urang dut song tuk vak ni thun dahlau. Makna ba tal ruak tagok khang kayua njom mbak, yau nan ye urang bhian khik  ia hajan pabak ka bruk pandar, min takik sangka tal bruk pametai lăng quăng. Tui jalan ba taibak, harei 1/4 , Trà Vinh meda pametai lăng quăng, pruh jru khử trùng di  45 xã, phường, ban sit rilo labik hu srih jit ruak. 

6/ harei 30/3, UB bhap bini tỉnh Cà Mau hu harak pandar Công ty Xây dựng - Thương mại – Du lịch Công Lý peih ngak dom jalan pasiam veik glai metai tui jalan di gah chuyên môn. Dahlau nan, di bilan 10/2016, gah chức năng cà mau hu jaik 8 ha glai phòng hộ kayua Công ty Xây dựng - Thương mại – Du lịch Công Lý pah, khik iek nyu metai. Hadei di tuk hu tacei pato pasiam veik, 50% taneh nan hu pasiam veik, taneh glai metai daok jaik 4ha. Sở ngak nông saong patagok palei pala Cà Mau hu đền xuất UB bhap bini tỉnh ini brei adat Công ty Xây dựng - Thương mại – Du lịch Công Lý mek ataong abih phun metai. Hadei di nan, doanh nghiệp buh jien tabiak pala veik, tui bruk tui iek di jabat chức năng dalam thun 2017.

7/   #  Tukvak  4tuk mesup harei 31/3, sa mbang radeih ginuh gauk di angaok jalan rah tabiak  di gah Nam cầu vượt jalan pasei  Bắc - Nam di jalan roya 1A labik tapa xã Hải Chánh, huyện Hải Lăng, tỉnh Quảng Trị. Dahlau di nan, tuk dok peih radeih angaok jalan roya  1A tui gah Nam - Bắc, radaih tải 89C 059.13 ginuh tame biển báo gah hanuak  lan can bê tông cầu vượt. Hadei di tuk ginuh, radeih tải tableik nao gah akaok akaok tatua saong khut trak, 2 kon anak di radeih tải  klaoh tabiak ,bình dầu radeih tải suak tabiak, camin pacah abih. Hadei di tuk bala rah tabiak gah chức năng huyện Hải Lăng, tỉnh Quảng Trị  hu mbaok chip di labik nan piah langyah song duah thau makna ba tal bala.

Patui di ini dom khau tin dunya:

8/ Rajaei Ixraen harei kabroi, hu brei tapa bruk padang ngak labik định cư di Bờ Tây akaok meti hadei di labaih 20 thun. Jabat di Thủ tướng Ixraen Ben-ja-min Nê-tan-ya-hu tabiak panuac brei thau bruk padang ngak sang định cư barau di Bờ Tây hadei di mbang nyaom nội các an ninh taneh ia ini. Bruk padang ngak labik định cư barau di Bờ Tây hu Ixraen ba tabiak tok sa harei hadei nyaom meyai pakat glaong di abih Liên đoàn Ả-rập di Gioóc-đa-ni jhul pakhang jalan ngak 2 karja ka bruk mesruh gauk dui atah yaok pluh thun di Ixraen saong Palestin. Bruk ngak ini jeng ngak brei tavak tavaiy khang ngan saong dom kham merat barau di Tổng thống Mỹ Đô-nan Trăm dalam bruk  padang hòa bình Trung Đông. Urak ini oh ka hu phản ứng di gah karja Mỹ.

  9/    # Campuchia song  Nga hu mbaoh tangin tame sa harak thỏa thuận ka bruk pandar năng lượng hạt nhân kayua bruk siam mekre dalam tuk vak anak tal  di ban ine Mát-xcơ-va (Moscow), Nga. Pok panuac di mbang taom gaok di harei 30/3,  Quốc vụ khanh mintri  Ngoại giao song pambuak bruk dunya Campuchia Úc Bô-rít (Ouch Borith) di ban ine Phnôm Pênh, Thứ trưởng Ngoại giao Nga I-gô Mô-gu-lốp (Igor Morgulov) brei thau, dalam thun ni  2 negar meda mbaoh tangin tame  7 thỏa thuận pambuak bruk, dalam nan hu thỏa thuận ka bruk pandar năng lượng hạt nhân kayua bruk siam mmekre. Dom thỏa thuận ni hu mbaoh tangin  di mbang nyaom ka  10 di Ủy ban 2 rajai Nga-Campuchia di bilan 7 atau bilan 8 anak tal di  Mát-xcơ-va.

10/ Đại sứ Mỹ di Liên hợp quốc Ních-ki Ha-lây harei 30/3 ndom lac, TQ brei ngak ralo jang piah pacap Triều Tiên padeih dom danak dak tên lửa saong hạt nhân di drei. Amuk jeng brei thau, Tổng thống Đô-nan Trăm hu ndom tabiak bruk ini dalam mbang taom pakat glaong di abih saong akaok negar Trung Quốc Tập Cận Bình di adit tal. Đại sứ Mỹ di Liên hợp quốc Ha-lây jeng brei thau, karja di Tổng thống Đô-nan Trăm oh daok kiên nhẫn anak yaok bruk thử hạt nhân saong tên lửa đạn đạo di Triều Tiên jeng yau dom bruk thử hu peih ngak dalam tukvak jaik ini di  Trieu Tien./.