1/ Mban tuyên giáo tỉhn ủy Bình Thuận pambuak song Pasak brei thau bruk pathau khan Ban Tuyên giáo Trung ương peih bruk pasram megru nghiệp vụ bruk pathau khan cambuai thun 2016 ka jiak 300 urang pathau khan pakat tỉnh, urang pathau khan adat hukum pakat tỉnh, urang dang akaok ban tuyên giáo, tuyên huấn dom huyện, thị, thành ủy, đảng ủy trực thuộc, MT, dom kapul nyaom chính trị XH dalam tỉnh. Ni lac tuk piah ka dom urang pathau khan taom gaok ndom nyai nao mai, klah rabha dom ilamu gheih, jalan ngak siam, langyah dom tavak tavaiy dalam bruk ngak di đơn vị, puk palei. 

2/ Jaik 750 mbaik súng săn dom janih hu bhap bini ba nộp ka công an tỉnh Lào Cai meng akaok thun tal ini. Hu yau nan meng hu bruk  jhul pakhang pathau khan, jak ba bhap bini ba nộp phao ndao, pandap patuh. Tui taong yaom di công an tỉnh, dalam tukvak peih ngak, công an xã, huyện saong jabat cảnh sát khik iek hành chính ka trật tự XH công an tỉnh hu pambuak bruk khang kajap saong dom puk palei piah peih ngak.

3/ Ong Nakatomi Kazuhide, Tổng giám đốc Tập đoàn Hisamitsu Nhật Bản hu nao rivang song ngak bruk song urang dang akaok tỉnh ĐN song cong khin peih prong bruk ngak mbang di ĐN. Tui ong Nakatomi Kazuhide, dom sản phẩm, jru tavoa di kapul nyaom ngak bruk di VN hu rilo urang pandar jia hatai song palih ruah, blei pandar. Urak ni, kapul Hisamitsu Nhật Bản dok khin peih prong ngak mbang di ĐN piah patagok pandap pablei di darak pasa VN song pablei tabiak negar langiu

4/ Pasak ba pandar ilamu công nghệ - sở khoa học công nghệ Hải Phòng daok peih ngak bruk pandar năng lượng ia harei: hệ thống điện ia harei  pandar brei kapal ikan, dom labik pulao atah. Jalan điện ia harei pambuak saong jalan điện di dom sang glaong, labik sản xuất. Meng bruk jalan điện pambuak tame lac jalan daong ka dom labik sản xuất, jabat, baoh sang pandar điện meng dom blah pin ia harei, patrun pandar điện lưới. Tapa nan, trun hu jien điện yaok bilan, trun hu dom  kanjah jhak meng dom sang mac nhiệt điện tagok môi trường.

5/ Viện sốt rét Ký sinh trùng-Côn trùng Trung ương di mintri Y tế dok patagok bruk pacang caga  sốt rét thun 2016 song 2017  di tỉnh Bình Phước. 10 bilan tapa, BP hu jiak 1000 urang ruak sốt rét, jeng labik hu urang ruak glong abih di taneh ia. Bruk njauk dut hatai lac hu labaih 300 urang kháng jru chủng falciparum (phan-xi-pha-rum). Ni lac sa chủng sốt rét biak kan kandah mbuan ba tal sốt rét ác tính, ba tal metai biak  glong

6/ Hadei di tuk hu Thủ tướng Nguyễn Xuân Phúc njauk hatai, minti lao động  - TB saong XH barau brei thau lịch padeih tết nguyên đán 2017. Cambaih laih, urang jakar, công chức, viên chức saong urang lao động  di dom jabat hành chính, sự nghiệp, tổ chức chính trị - XH hu padeih tết Âm lịch 2017 meng harei 26/1 tal 1/2/2017 (nan lac meng harei 29 tal abih 5 bingun tết). Yau nan, tuk padeih tết nguyên đán 2017, công chức, viên chức hu padeih 7 harei gam.

7/ Mintri ilamu thể thao song du lịch hu pok lễ hội Đền Cửa Ông lac sa inem krung phi vật thể pakat negar gam song 16 inem krung phi vật thể karei di  negar . . Lễ hội Đền Cửa Ông lac sa dalam dom lễ hội prong di tỉnh Quảng Ninh hu peih ngak harei 3-2 ( saka ia bilan) yaok thun, ngan song 2 binah lễ song hội. Đền Cửa Ông di phường Cửa Ông, ban Cẩm Phả, hu karja brei angan lac inem krung sajarah dak rai ilamu pakat negar. Đền Cửa Ông pok kakuk  Đức ông Hưng Nhượng Đại Vương Trần Quốc Tảng- lac sa vị tướng naih gheih dalam saman patao Trần, anek ka 3 di Hưng Đạo Đại Vương Trần Quốc Tuấn, hu buh pren tame mbang tong pateok khol khamang Nguyên Mông abhap  XIII. 

 Patui di ini dom khau tin dunya:

8/ Harei 25/11, tui sa pathau khan  kapul ruah duah Gallop di Hàn Quốc,  urang  pachreih tui Tổng thống Hàn Quốc Pắc Cưn-hê trun daok 4% dalam tuk khủng hoảng chính trị dak harei dak khang di taneh ia ini. Ini lac tanut pachreih tui biar di abih meng dahlau tal ini di bhap bini brei ka tổng thống hu bhap bini pok ngak.

9/ Thủ tướng Hungary Vích-to Ô-ban (Viktor Orban) hu panuac khan lac rajaei Hungary miễn thị thực  suai livik ka urang Ukraina song pachreih tui dom kham merat di negar jiak tapen tame Liên minh châu Âu (EU). Thủ tướng Ô-ban ndom lac Hangary iek prong chủ quyền di Ukraina song halan hatain dong ka negar dok jiak tapen ni khik caga chủ quyền di drei./.

10/ Sa mbang megei baoh taneh khang 7 độ ríchte rah tabiak melam karoi (tui mong VN) di langiu tasik TBD saong ngak megei dom taneh ia TRUNG Mỹ. Pasak cảnh báo riyak praong TBD di Mỹ hu cảnh báo saong dom taneh ia dalam khu vực hadei di tuk megei baoh taneh rah tabiak. Min, tui panuac barau abih Reuters brei thau meng pasak cảnh báo TBD ye bruk riyak praong hu tapa nao./.