1#/ Văn phòng Mban tacei jalan pacang caga bala song dong duah urang njauk bala tỉnh BT hu tabiak panuac brei caga ia sua di krong Lũy, huyện Bắc Bình, tỉnh Bình Thuận.  Harei 10/10 huyện Bắc Bình daok daok pasang iek dom labik daok di bhap bini dalam dom bhum taneh beir, tapen krong Lũy song dom krong chaoh sit dalam huyện, dom bhum bhian njauk ia dauk, glut jaleih taneh piah hu jalan panduan ba, khik caga siam mekre ka bhap bini,  kuhria caga dom pandap panda, menuac urang piah samar pacang cakak, panduan nao labik karei, caga daong cứu nạn, pacang caga ia sua dalam huyện

2/ Meng akaok thun tal ini, gah cảnh sát giao thông tỉnh Điện Biên hu peih bruk pathau khan tapak di 7 sang bac, 93 jabat đơn vị, 225 phường, xã, palei ngan saong labaih 30 ribau mbang urang hu mbaok saong mbaoh tangin tame sanya oh ngak suan hukum jalan mbak. Thượng tá Vũ Tiến Dũng, akaok Jabat Cảnh sát giao thông, Công an tỉnh Điện Biên daok brei thau lac: “Kol dahlak kham merat pambuak bruk piah pathau khan, pato pakai hukum ka an toàn jalan mbak, dalam nan sangka pathau khan di dom puk palei bhum atah bayah, cụm dân cư, tapen jalan roya”.

3#/ Sang bac ĐH Y dược Huế bahrau taduan dự án blac dreih chỉnh hình brei saoh ka uranaih jaoh jo di dom tỉnh gah kreik negar. Dự án kayua kapul  Rotaty International (Đài Loan) dong tapa kapul lingiu rajaei Zhishan Foundation, peih ngak dom dự án dong gah pato megru, y tế song patagok bhap bini. Dự án meda blac dreih ka 200 uranaih jaoh jo, ruak bẩm sinh, sang biak kan kandah di dom tỉnh gah kreik negar. Dong pandap panda pacang ruak  ka uranaih song pandap panda phục hồi chức năng di sang iek ruak sang bac đại học Y Dược Huế. Tong abih yaom jien di dự án lac 67 ribau đô la Mỹ

4/ Pasak y tế dự phòng tỉnh Đắc Lắc barau padang 4 kapul nao pasang iek labaih 200 labik klauk jru caga ruak dalam tỉnh. Dom asal hu pasang iek dalam mbang ini lac labik klauk jru, trang thiết bị, menuac urang saong bruk padang jalan peih var klauk jru. Tapa pasang iek tuk camereip brei mboh, tok hu 55% dom labik dalam tỉnh ginup điều kiện klauk jru. Ngan saong dom labik oh pabak hu yêu cầu, kapul pasang iek hu tacei pato dom jalan pasiam veik, taphia di nan pasram megru ka taong abih dom urang jakar hu mbaok tapak tame bruk klauk jru.

5 #/ “Bruk rao radeih, dán decal dong duah bruk ngak ka dam dara palei pala” hu  Tỉnh Đoàn Bà Rịa-Vũng Tàu peih ngak di xã Kim Long, huyện Châu Đức hu jiak sa thun ni mai. Ni lac mô hình dong bruk ngak ka dam dara palei pala mbang camereip hu peih ngak di tỉnh Bà Rịa-Vũng Tàu. Mô hình ni hu padangg ngak di taneh prong labaih 300m2  di tổ 38, palei Hoàng Long, xã Kim Long (huyện Châu Đức), saong yaom jien abih tih 110 triệu đồng, kayua  Tổng công ty Bia - Rượu - Nước giải khát Sài Gòn song Công ty Xây dựng - Dịch vụ Tâm Trí dong brei

6/ Mintri kế hoạch saong đầu tư brei ba tame hạn mục daong ka tỉnh Cà Mau phun jien 80 tỷ đồng piah peih ngak dom dự án pacang cakak, pasiam patakik pandiak bhang saong njom mbak. Tui nan, tỉnh Cà Mau brei samar ngak salah dom harak gar tui quy định piah đầu tư 10 dự án; dalam nan cambaih laih hu dự án pasiam veik, paglaong, peih praong mạng lưới ia pataom, padang ngak danao caik ia angaok pulao Hòn Khoai, padang ngak dom công trình yau cống pacang cakak mbak khik ia taba saong kuac rok kraong ribaong piah pabak ka bhap bini saong patagok sản xuất. 

7#/ Harei 10/10, dom urang pakacah radaih juak yam tame pakacah cự ly tính giờ urang kamei 30 km song likei 40km, dalam harei pakacah ka 2 di giải vô địch radeih juak likei, kamei pakat negar. Dom urang pakacah radaih juak nan njauk pakacah 9  cự ly cá nhân song đồng đội, kuhria, kuhria tukvak, rút 500m song  xuất phát đồng hàng di likei saong di kamei piah meblah mek 18 bộ huy chương. Giải hu tamat di mesup 16/10, hadei di tuk dom urang likei pakacah xuất phát đồng hàng atah160 km.

Patui di ini dom khau tin dunya:

8/ mesup harei 10/10, 4 baoh sang glaong 5 tal di sa KCN di ban Ôn Châu (Wen Zhou), tỉnh Chiết Giang, gah timur Trung Quốc jaleih saong lum labaih 20 urang daok dalam nan. Hadei di tuk rah tabiak bala, phaok Thủ tướng Trung Quốc Trương Cao Lệ hu tacei urang dang akaok tỉnh Chiết Giang jeng yau urang dang akaok ban Ôn Châu samar duah jalan ngak daong dom urang daok gar dalam đống đổ nát, pasiam dom khut khat. Kuhria tal 11 tuk jala 10/10, hu 9 urang hu ba tabiak truh đống đổ nát, dalam nan 4 urang metai. Urak ini gah daong duah urang njauk bala daok duah dom urang daok gar, saong duah thau makna ba tal bala.  

9#/ Harei 9/10 ribuk khang song hangin khang tuh tame bang Víc-to-ri-a (Victoria)  di negar Ôxtrâylia, ngak takik di abih 1 urang metai song (cakak) ngak lihik  điện di labaih 100 ribau boh sang di bang ni

10/ Thủ tướng Đức An-giê-la Méc-ken daok nao rivang dom taneh ia châu Phi piah langyah bruk urang di cư. Dalam mbang padeih takai akaok meti di Ma-li, thủ tướng Đức Méc-ken brei thau, bruk praong lac padang talei pambuak bruk ka patagok saong daong quân sự. Amuk ndom lac, quân sự saoh oh ba mai sron mbon saong an ninh, taphia di nan ieu peih ngak ginup thỏa thuận sron mbon hu mbaoh tangin meng bilan 5 thun bloh saong brei mboh duh hatai ka bruk di gah brak Ma-li./.