1#/ Meng thun bac 2017-2018, tỉnh Nghệ An peih prong danak dak ia tasau sang bac piah pabak dinh dưỡng song dom vi chất dong pacang caga lavang lavaih ka uranaih umo mầm non song tiểu học, tapa nan paglaong thaik thaot ka rairah harei hadei di dam dara uraniah tỉnh Nghệ An. Tỉnh hu pachreih ba UB bhap dom huyện, ban sit, ban prong, dom xã, phường, dom sang bac mầm non, tiểu học dalam tỉnh song amaik ame anek saih halan hatain tut angan hu mbaok tame danak dak ia tasau sang bac.

2/ Kadung jien Thiện Tâm (Tập đoàn Vingroup) pambuak bruk saong Hội Chữ thập đỏ tỉnh Thái Bình peih bruk alin hadiah limo pajaih menek ka dom baoh sang gaok kan kandah dalam huyện Vũ Thư, tỉnh Thái Bình.  Tui nan, 55 drei limo pajaih hu kadung jien Thiện Tâm alin ka dom baoh sang kan kathaot saong jaik si kan kathaot di 4 xã Đồng Thanh, Hồng Lý, Xuân Hòa và Việt Hùng di huyện Vũ Thư piah daong jalan ngak mbang, tani tanat rai diuk saong pamaong tal patagok kinh tế khang kajap ka baoh sang gaok kan kandah.

3#/ Danak dak sang mac ia thải Vĩnh Niệm hu padang ngak di mblang taneh praong labaih 17 ha di phường Vĩnh Niệm, quận Lê Chân song công suất di tuk vak sa lac 36.000m3 sa harei.Phun jien buh tabiak ngak labaih 277 tỷ đồng song 1 tỉ 360 triệu Yên Nhật. Danak dak hu padang ngak meng bilan 5/2016, tui kuhria  hu ngak salah bloh di bilam 12/2017. Piah ngak njauk tukvak saong khik hu chất lượng, dom urang thầu dok pataom pren yava, menuac ngak, pandap panda piah  ngak njauk tui harak pambuak bruk.

4/ Hadei di tuk rah tabiak bruk môi trường tasik tal urak ini, pasak Quan trắc Tài nguyên saong môi trường tỉnh Quảng Bình jeng hu peih bruk dut iek chất lượng ia tapen takai tasik yaok adit 2 mbang. Bruk ngak ini piah tui iek, taong yaom chất lượng ia tapen takai tasik di 5 labik dom mblang tasik Quảng Phú, huyện Quảng Trạch; Nhật Lệ, ban sit Đồng Hới; Quảng Thọ, ban sit Ba Đồn; mblang tasik Đá Nhảy, huyện Bố Trạch saong Hải Ninh, huyện Quảng Ninh.

5#/ Kapul khik ramik kadung jien pok meyaom tài năng urang kamei Việt Nam (di  kapul Liên hiệp urang kamei Việt Nam) peih bruk palih ruah song pok brei giải thưởng urang kamei Việt Nam thun 2016 ka muk Đỗ Ngọc Thanh Phương, akaok Chi cục tiêu chuẩn - đo lường song chất lượng (di Sở Khoa học song công nghiệp Đồng Nai) kayua hu thành tích xuất sắc dalam bruk pacang caga gian lận xăng menyek. Tui kuhria, bruk pok meyaom hu peih ngak di harei 18/10 di pasak urang kamei song patagok Kapul urang kamei VN ( ban ine HN)

6/ Tal urak ini, yaom lac ia sua gah angaok tuh mai tỉnh Đồng Tháp biak takik min tỉnh jeng kham merat jhul samar tukvak dom công trình tathuak ia sua di Tiểu dự án pasiam veik dom jalan kraong tathuak ia sua saong pabak ia pruh ka bhum Đồng Tháp Mười ngan saong 3 công trình lac: kênh Cái Cái, kênh Tân Công Chí - Đốc Vàng Hạ, kênh Kháng Chiến daok dalam dom huyện Tân Hồng, Tam Nông, Thanh Bình saong ban sit Hồng Ngự. Dom công trình hu yaom jien buh tame ngak 313 tỷ đồng.

7#/ Harei 10/10, cảnh sát môi trường song dom gah pagam tal bruk nan di  ban sit Phan Thiết peih bruk pasang iek cơ sở tương ớt di muk Nguyễn Thị Trinh, palei Tiến Hòa, xã Tiến Thành. Di labik ni, gah chức năng duah mboh rilo janih tapung lạ hu sambo katam patih, nâu meriak, hồng caik dalam dom thung katak piah ngak tương ớt. Dom chất ni oh thau cambaih asar di nyu. Cơ sở ni ngak di Phan Thiết, min nhãn mác angaok pandap vak lac ngak di Long Khánh, Đồng Nai.

Patui di ini dom khau tin dunya:

8/ Dom urang metai dalam mbang jaleih sang tuk mesup 10/10, di ban Ôn Châu, tỉnh Chiết Giang, gah timur TQ tagok tal 22 urang. Jaik 800 menuac di kapul daong duah urang njauk bala hu tamat bruk duah tuk sa tuk harei 11/10, hadei di tuk ba hu 28 urang tabiak truh labik jaleih. Tok hu 6 urang patuah daok diuk dalam mbang bala ini saong urak ini daok hu điều trị di sang iek ruak.

9#/ Thủ tướng Đức An-giê-la Méc-ken (Angela Merkel)  harei 11/10, brei thau ka pok jien dong 27 triệu euro ka Ni-giê. Negar di  Tây Phi ini, lac labik padeih takai ka 2 di mbang nao rivang 3 negar châu  Phi piah jhul pakhang dom jalan pacang khủng bố song cakak bruk urang nduac tame châu âu.

10/ Gah y tế dunya WHO  barau jao harak công nhận CPC lac taneh ia oh daok hu ruak giun chỉ bạch huyết. Ruak giun chỉ bạch huyết atau daok ieu lac ruak brah takai limen ngak jhak khang tal pren yava menuac sia di dom taneh ia nhiệt đới saong jaik nhiệt đới angaok dunya. Di CPC, dom thun dahlau daih, ruak ini bhian mboh di dom tỉnh gah brak CPC daok taphia  Tây Nguyên (VN) min urak ini ruak ini hu CPC pacang cakak abih./.