1/ # Ban bangsa tỉnh Trà Vinh pambuak song Ban tuyên giáo Tỉnh uỷ peih  pato pasram dom sarak ka labaih 400 urang lac urang hu angan je dalam bhum urang bangsa  Khmer dalam tỉnh. Tapa nan piah dong ka urang hu angan je thau piah khan veik ka mik va. Tapa nan hu khan brei thau bruk patagok kinh tế - xã hội song an ninh Quốc phòng; bruk peih ngak danak dak brei taneh dok,  sang dok  , dong duah bruk ngak, pabak ia pandar hacih ka mik va bangsa takik kan thaot di Thủ tướng rajaei.

  2/ Phòng Cảnh sát jalan mbak, jalan pasei di công an tỉnh Quảng Ninh hu duah mboh saong cap mek 1.600 kg ngao, oh hu harak gar. Dom ngao nan mai meng TQ, kayua Nguyễn Đình Phúc pataom blei di dom urang ddaok di ban sit Móng Cái piah ba tame palei pablei. Kapul khik iek darak pasar ka 4 hu ngak biên bản vi phạm hành chính saong phạt pô pandap 8 triệu đồng. Taphia di nan cap kreik, palahik taong abih dom ngao angaok nan tui adat hukum.

3/ #Yaom lac hu dom gah  chức năng brei thau  dahlau, thun ia sua mai avar jang saong glaong jang dut song rilo thun . Min rilo boh sang urang nong di dom labik dalam tỉnh An Giang oh caik hatai pang tui bo daok trun pajaih padai Thu Đông avar. Kuhria tal tuk vak ni di  ấp Vĩnh An, xã Vĩnh Hội Đông hu jiak 60 boh sang pala di langiu ar pacang ngan song taneh prong jiak  70 ha padai Thu Đông njauk khat lihik, dalam nan hu labaih 95% taneh dauh ia dalam, meda lihik abih.

4/ Meng akaok thun tal ini, dalam taneh ia hu labaih 80 ribau urang njauk ruak pandiak tabiak drah (ralo jang labaih 33% duk saong thun  2016) dalam nan hu 22 urang metai. Tui kuhria mboh dahlau, tukvak anak tal, rauk daok hu rilo jang kayua daok dalam bilan hajan. Lingiu di nan, tuk sinh viên dom sang bac ĐH, CĐ tame bac, mai daok di dom ký túc xá, sang trọ ralo…. Jeng mbuan ngak ka rilo menuac njauk ruak jang.

5/ # Bác sỹ Nguyễn Quang Vinh, Khoa Nhiễm – Thần kinh sang iek ruak Nhi đồng 1, ban raya Hồ Chí Minh brei thau, tuk vak jiak di ni hu rilo uranaih mai sang iek ruak  Nhi đồng 1 piah iek ruak kayua mboh handaok mbaok, megei meta, megei dhung saong ta aokk . Dom bác sỹ brei thau uranaih njauk hội chứng TIC. Main game, iek phon tangin atau iek  tivi biak rilo lac sa makna ba tal  TIC di uranaih.

6/ Mesup harei 10/8, dalam tuk ngak jalan Lê Hữu Trác, ban sit Quảng Ngãi, tỉnh Quảng Ngãi, gah padang ngak duah mboh ralo candaih patau klak. Tuk camereip, dom chuyên gia khảo cổ học ndom lac dom candaih patau ini di ilamu champa hu meng abhap X tal XI. Urang dang akaok tỉnh Quảng Ngãi hu tacei pato brei padeih ngak piah dom gah chức năng pasang iek duah thau saong hu jalan kuac mek, duh ka bruk ruah duah saong khik ramik pandap klak.

7/ # Tui pasak khik ramik inem krung Cố đô Huế, meng harei 1/9/2017 meda blei harak tame iek Hoàng cung Huế (Đại Nội) ka tong abih tuai damuia yaom  150.000 đồng/urang/sa mbang. Yaom harak nan dahlau daih lac 150.000 đồng sa urang negar langiu song 120.000 đồng ka tuai Việt Nam. Menuac daok di Thừa Thiên - Huế hu trun meteh yaom harak tame  iek dom inem krung Cố đô Huế meng harei 1/9/2017.

Patui di ini dom khau tin dunya:

8/ Hu abih tih 20 tấn baoh njom mek hu pablei tabiak di Đan Mạch, taneh ia barau abih hu gam tame bruk bê bối baoh mai meng Hà Lan daok pambak praong di châu âu. Jabat thực phẩm saong thú y Đan Mạch brei thau hu pataom mek veik 20 tấn baoh ini, taphia di nan khan brei bhap bini thau lac pren yava urang pandar oh jhak hagait kayua tapa pasang iek hàm lượng hóa chất phi-prô-nin hu dalam baoh di tanut biar.

9/  Tổng thống Mỹ Đô-nan Trăm brei thau, bruk pandar biak rilo jru cadu pandik hu chất gây nghiện meda jeng sa bruk praong njauk ngak chip di taneh ia, saong brei thau lac karja dokngak dom janih tài liệu piah pataibak bruk khẩn cấp di negar ngan song bruk ni. Bruk ni meda dong patagok dom pren khang song dong langyah bruk menyum jru cadu pandik gây nghiện.

10/ Liên minh châu Âu (EU) hu brei thau dom jalan trừng phạt pabak ngan saong TT, pambuak tal dom bruk thử tên lửa jaik di ini di taneh ia ini. Tui nan, 9 urang saong 4 thực thể barau hu pabak tame angan trừng phạt, dalam nan hu gilang pariak ngoại thương TT./.