1/ Peih ngak danak dak padang ngak palei pala bahrau, thun 2016 UB bhap bini huyện Mường La, tỉnh Sơn La hu parabha 3 tỷ đồng phun jien buh tabiak ka dom danak dak thun 2015 ba tapa. Dong pandap panda ka 56 sang ilamu xã, bản, ngan song phun jien labaih 2 tỷ đồng, brei 44 drei limo binai, yaom 440 triệu đồng ka dom boh sang kan kathaot, dong 13.000 tấn xi măng, ngak hu labaih 65 km jalan mbak puk palei, brei tabiak angan jiak 700 jalan mbak nao mai tal puk palei di dom xã, atah abih tih labaih 100 km.

2/ Piah duh ka bruk nao mai di bhap bini dalam tuk tết nguyên đán thun 2017, langiu dom gu radaih pui brak – meraong saong dom radaih pui khu đoạn, gah jalan pasei hu patagok dom radaih pui di dom jalan hu menuac nao mai ralo. Harei 12/1, Công ty Cổ phần pajeng ba jalan pasei Bei Gon khan lac brei pabak dom  đoàn tàu meng bei Gon tal Quảng Ngãi saong talap veik, Bei Gon nao Nha Trang. Camabih laih nan lac, tuyến Bei Gon – Quảng Ngãi – Bei Gon tăng cường radaih pui  SQ6 meng Bei Gon nao Quảng Ngãi di dom harei 20, 22, 24, 26, 30/1, harei 1, 3, 5, 7/2 saong meng Quảng Ngãi mai Bei Gon dom harei 31/1, 2, 4, 6, 8/2. Tuyến Bei Gon – Nha Trang tăng cường radaih pui SNT4 harei 28/1. 

3/ Piah ba jalan ngak mbang suai lavik ka urang kathaot, jia kathaot di Sóc Trăng patruh kathaot khang kajap, danak dak patagok limo ia tassau di Sóc Trăng hu mbaok di kapul Heifer Việt Nam (peih ngak meng 7/2014 tal bilan 6/2019) hu jao 4000 drei limo pajaih ka 2000 boh sang, tuk camereip ngak bruk tui nyaom di danak dak saong meda hu labaih 6000 boh sang karei hu mbang tui gián tiếp, saong yaom phun jien lac 88 tỷ đồng, dalam nan, Heifer Việt Nam dong  20 tỉ đồng, kadung jien karaj tỉnh Sóc Trăng dong  20 tỉ đồng song dom boh sang hu mbaok tame đối ứng 48 tỉ đồng.

4/ Peih ngak bruk “Taong abih bhap bini jum pataom dak padang raidiuk ilamu” pambuak saong padang ngak aplei pala barau, mbaok meta palei pala di huyện Châu Phú, An Giang hu salih barau biak cambaih laih. Tal urak ini, Châu Phú padang hu 12 mô hình “Tổ ngak sang pahala, XH” saong 5 “Tổ ngak jalan palei pala”, pachreih hu ralo bhap bini hu mbaok tame rik daong jien, drap ar, yaom labaih 3 tỉ đồng saong labaih 10.000 harei lao động piah ngak sang saong pasiam veik 13 mbaik tatua, tuh cuah, patau pacang gluh saong tuh bê tông jalan  palei  atah jaik 93km.

5/ Peih ngak bruk patrun kathaot, dalam thun 2016, dalam tỉnh Bạc Liêu hu jak ba padang ngak 121 boh sang anit ranam. Taphia di nan, Bạc Liêu hu dong bruk ngak bahrau ka labaih 20.800 urang ngak, pato bruk ngak ka labaih  16.730 urang song ba 300 urang nao negar langiu ngak bruk

6/ Thun 2016, tỉnh Trà Vinh hu daong sản xuất, patagok bruk ngak ka jaik 5.000 baoh sang bhap bini Khmer kan kathaot ngan saong yaom jien jaik 31 tỉ đồng piah peih ngak yaok rituh mô hình pala drak, raong glang. Nan lac mô hình salih meng ngak padai oh hu kein laba tapa pala ratak haluk angaok taneh cuah, mô hình pablak 2 vụ padai 1 vụ njam patam; mô hình raong limo limeh saong menek… hu daong cơ hội piah bhap bini Khmer hu palih ruah janih phun pala,  patagok jien mek tame, rik daong ngak patrun kathaot khang kajap saong daong cơ hội yam tagok ngak kaya meda ka dom baoh sang bhap bini Khmer.

7/ Nyaom darak pasa Xuân Giảng Võ thun 2017 hu rah tabiak meng harei 17-24/1/2017 di Cung văn hóa hữu nghị Việt Xô, Hà Nội.Nyaom darak pasa Xuân Giảng Võ thun 2017 hu labaih 300 DN, cơ sở pablei salih di 35 tỉnh, ban dalam negar yau, ngan saong 500 gian hàng parang tabiak dom janih pandap di palei saong pandap di dom bhum palei yau: dom janih boh kayau gah merong, kaya ikan, dom janih ia mesin di Nha Trang, Phú Quốc, Phan Thiết… Dom pandpa mbang hu angan je yau Cốm palei Vòng, hành tỏi Lý Sơn, Cam Cao Phong, gốm sứ, mây tre.

 Patui di ini dom khau tin dunya:

8/ Mblang kapal haok Hi-thrâu di ban ine Luânđôn (Anh) brei klak 80 mbang par kayua mboh dahlau lac hu tuyết laik saong ngin khang. Urang brei panuac mblang kapal haok praong abih taneh ia Anh brei thau, urang hu klak 6% dalam 1.350 mbang par tal saong tabiak truh Hi-thrâu saong kakei tuai damuai brei pasang iek veik mbang par ngan saong hãng kapal haok dahlau tuk nao tal mblang kapal haok.

9/ Dom balik cấp cứu dalam sang iek ruak di Prang dok dang anak bruk quá tải urang ruak tame sang iek ruak kayua jit cúm tamuh tabiak dalam thun ni. Tui gah y tế, tong abih dom bhum di Prang jeng gaok bruk nan. Akaok mintri y tế Prang Ma-ghi-son Tu-ghên-nờ (Marisol Touraine) brei thau, jit ruak thun ni dok rah tabiak rilo song gah y tế negar ni dok peih ngak dom jalan ngak piah pacang cakak jit ruak pambak praong.

10/ Đặc phái viên Liên hợp quốc di Xyri Sta-phan đờ Mi-xtu-ra brei thau, lệnh padeih cuh di Xyri yau daok hu ngak tui min bruk daong pahala jeng oh ka nao tal hu dom labik njauk pacang cakak, labik pandap mbang menyum daok kurang khang./.