1 # Dom harei tapa, karja saong bhap bani huyện Bình Sơn, tỉnh Quảng Ngãi daok duh hatai anak bruk Công ty Cổ phần Bột - Giấy  VNT 19 peih bruk taduan mek veik 50 héc ta glai la-u aia di xã Bình Phước piah ngak kavei padang aia duh ka bruk ngak b-ar. Glai la-u dauk mbak yaok rituh thun ini hu mong yau “hala phổi hijao” di Khu Kinh tế Dung Quất. Bruk tỉnh Quảng Ngãi taduan mek veik rilo mblang taneh glai dauk mbak brei ka doanh nghiệp daok ba mai ralo panuac karei di gauk dalam menuac sia.

2/ Sang bac trung cấp bruk ngak dam dara bangsa  - bhum ceik Quảng Nam barau peih bruk tamat saong jao 74 urang bac jhik công nghiệp ka 3 doanh nghiệp dalam saong langiu tỉnh. Tui bruk ba tabiak, thun 2017, tỉnh Quảng Nam hu peih tal pato jhik công nghiệp saoh ka jaik 300 urang lac anek kamuan bhap bini dom bangsa dalam tỉnh. Bruk ngak ini oh lac pabak menuac ngak gah jhk ka dom doanh nghiệp bo daok rik daong ba bruk ngak, patagok jien mek tame ka bhap bini bhum ceik.

3 # Ủy ban bhap bani bal raya Hồ Chí Minh bahrau tabiak bruk parabha janih chất thải rắn sinh hoạt pak nguồn. Tui nan, tal thun 2020, taong abih dom hareik thải sinh hoạt meng dom quận, huyện hu parabha dahlau di tuk dul pataom. Piah ngak hu mục tiêu ini, biak caong khin hu dom jalan ngak đồng bộ dalam luac quá trình dul pataom, pajeng ba, xử lý hareik thải. Tui thông tin di Sở Tài nguyên saong Môi trường, yaok harei, dalam bal raya hu jaik 7.500 tấn hareik thải sinh hoạt.

4/ Sang ong Điểu Vem, bangsa S’tiêng daok di xã Lộc Hòa, huyện Lộc Ninh, tỉnh Bình Phước daok hu 3 ha amriah kalu, sa ha padai saong raong 20 dri limo piah pandar nerak ngak khak hữu cơ ka bein phun. Meng labik tok di ngak tui ilamu meng kan, baoh oh ralo, hadei dom mbang pasram megru, baoh sang ong thau pandar kỹ thuật tame ngak nan ye phun tabiak baoh ralo. Yaok thun baoh sang ong mek tame labaih 200 triệu đồng hadei di tuk kaoh bloh phun jien buh tame ngak.

5 # Tukvak pahadar 127 thun harei menek chủ tịch Hồ Chí Minh (19/5/1890 - 19/5/2017), harei 18/5 anak tal, pak pasak nghệ thuật Âu Cơ, Hà Nội, Báo Văn hóa pambuak haong dom jabat pambuak pagam peih ngak danak dak nghệ thuật hu angan iew lac “pandap bilan 5 pok brei ka Wa”. Danak dak hu dom kadha daoh nao gam haong thun bilan, pok meyaom Chủ tịch Hồ Chí Minh – urang pal akaok gheih ghang di Đảng saong bhap bani drei, Urang gru prong di cách mạng Việt Nam, Anh hùng peih paha bangsa, danh nhân ilamo dunya. 

6/ “Puac saong bac luac rai tui kreih camin hadah di Wa Hồ” lac asal kadha harei pataom hu peih tabiak di harei 19/5 di miuyim Hồ Chí Minh. Ini lac sa bruk ngak di “Đề án patagok ilamu puac dalam bhap bini tal thun 2020,  pamaong tal thun 2030”. Dom bruk ngak nan lac: Pakacah thiếu nhi dak dalikan tui tapuk, ndom biai nao mai, taom gaok tác giả, tác phẩm “Dom kreih camin takre puac tapuk saong eng drei bac samar Hồ Chí Minh” saong bhap bini.

7# Pak bal raya Hồ Chí Minh daok rah tabiak danak “Dom harei văn học Châu Âu 2017” ngan haong ralo bruk ngak. Ini lac mbang ka dua bruk ngak ini hu peih peih prong dalam bal raya.  “Dom harei Văn học Châu Âu 2017” thun ini, hu mbaok di 8 taneh aia mai meng Châu Âu nan lac: Anh, Áo, Đan Mạch, Đức, Phái đoàn Wallonia-Brussels (Bỉ), Pháp, Thụy Điển saong Italia. Taphia di nan, danak daok hu labaih 40 bruk ngak karei yau meyaih khan tapuk, parang iek, puac tapuk, giao lưu, nyaom biai, chiếu phim.

Patui di ini dom khau tin dunya:

8/ Tui lệnh di tòa án hình sự Thái Lan, abih tih hu labaih 6.000 trang mạng saong tài khoản angaok Gu-gồ (google), Diu-tút (youtube) saong Phây-xơ-búc hu dom asal jhak, suan hukum Thái Lan. Phây-xơ-búc tok ngak palahik labaih meteh dom asal jhak angaok trang mạng ini. Tui urang cầm quyền Thái Lan, lệnh di tòa án oh hu Phây-xơ-búc peih ngak catang yaom lac urang hu pachreih jabat ini ngak

9 # Dalam dom bruk ngak kayua môi trường, harei 11/5,  jaik sa rituh urang halar hatian saong vận động viên ndik ceik hu jak gauk rami ramik hareik thải pak labik gah bahrak tabeng ceik E-vơ-rét (Everest) (sap puk palei iew lac Qomolangma), daok di kreh Khu tự trị Tây Tạng, tây nam Trung Quốc saong Nê-pan.

10/ Chủ tịch Cu Ba Ra-un Cát-xtrô hu taom gaok lambaok di Lực lượng Vũ trang tự do Quốc gia (ELN) saong Lực lượng vũ trang Cách mạng (FARC) Cô-lôm-bi-a di ban ine La Ha-ba-na (Havana). Ini lac bruk kham merat dang tabiak pambuak bruk di Cu Ba  piah duah jalan sron mbon padeih mesruh metak dui atah dom pluh thun tapa di Cô-lôm-bi-a./.