1#/ 9 bilan tap, tỉnh Quảng Bình raok labaih 1,8 triệu tuai, trun 23% dut song tuk vak ni thun dahlau, tuai ndih veik trun jiak meteh dut song thun dahlau. Tong abih yaom jien mek hu meng bruk du lịch tru 1/3. Tỉnh QB peih bruk pathau khan, yaih khan thaot binguk, iek prong bruk pataogk dom janih pandap du lịch hu ilamu karei di drei.  Ong Nguyễn Hữu Hoài, Chủ tịch Ủy ban bhap bini tỉnh Quảng Bình brei thau:

Anak meta, Sở DL brei duah thau cambaih bruk di dom cơ sở, dom labik du lịch, abih di nyu nan lac dom labik lưu trú, dom khách sạ, piah khan  tagok  tỉnh song mintri ilamu thể thao song DL, pok panuac tagok rajaei dalam bruk dong bayar khat lihik kayua Formosa, jhui caik ka dom cơ sở lưu trú, dom  cơ sở du lịch laik tame kan kandah.

2/ Tui UB bhap bini tỉnh Khánh Hòa, phun tỏi hu asal di pulao Lý Sơn (tỉnh Quảng Ngãi) hu bhap bini labik ini ba tame pala iek di xã Ninh Vân, ban sit Ninh Hòa, tỉnh Khánh Hòa meng 10 thun ini mai. Urak ini phun tỏi Lý Sơn nyu lagaih saong langik tasik, taneh riya di dom bhum tapen tasik di puk palei saong brei năng suất glaong. Tui kuhria, tỏi Lý Sơn pala di Khánh Hòa brei laba labaih 200 triệu đồng yaok ha sa vụ.

3#/ Kuhria tal bilan 9 thun ni, dom DN Phú Yên hu rik dong tame kadung jien karja jiak 1.000 tỉ đồng. Rilo danka dak peih ngak hu siam lagaih, abih di nyu nan lac dong bruk ngak tani tanat ka labaih 50 ribau menuac di palei pala. Meng akaok thun tal ni tỉnh hu labaih 294 DN tut angan tame padang bahrau, ngan song phun jien labaih 2.700 tỷ đồng, nan ye abih tih DN dok ngak bruk labaih 2.700 doanh nghiệp.

4/ Urak ini dalam tỉnh Bình Dương hu labaih 24.590 doanh nghiệp dalam taneh ia tut angan tame ngak bruk ngan saong yaom phun jien abih tih labaih 181.000 tỷ đồng gam saong jaik 2.800 doanh nghiệp negar langiu ngak bruk ngan saong yaom phun jien abih tih labaih 25 tỷ USD. 9 bilan di akaok thun 2016, kinh tế - XH di tỉnh Bình Dương daok tani tanat saong khik kajap di taut tăng trưởng glaong.

5#/ Thun 2016, tỉnh AG palih ruah hu 85.281 urang nong joi pakat tỉnh, huyện song xã, song 107 kapul nyaom ngak mbang pablei salih joi. Tong abih jien mektame di urang nong joi pakat tỉnh thun ni lac labaih 7.000 tỷ đồng, boh sang urang nong joi pakat tỉnh duah hu jien takik di abih lac labaih 108 triệu đồng dalam sa thun yaok boh sang, boh sang duah hu jien glong di abih 25 tỷ đồng sa baoh sang sa thun, dong tagok jien duah hu ka sa urang dalam tỉnh. Dom boh sang urang nnog ngak mbang palei salih naih joi pakat tỉnh hu tacei jalan dong ka labaih 266.000 boh sang kan patagok bruk ngak mbang song dong padang ngak palei pala bahrau

6/ Kuhria tal tukvak ini, urang nông tỉnh Bạc Liêu hu yuak labaih 57.000 ha padai Hè Thu,  năng suất mek hu meng  5,5 tấn tal 6 tấn/ha, abih tih sản lượng dalam vụ mek hu labaih 330.000 tấn. Min, kayua thun ini langik tasik oh lagaih di puac vụ, ngak kan kandah dalam bruk yuak jeng yau pablei, yaom kaom trun  nan ye ralo baoh sang ngak padai oh hu laba. Ngan saong yaom padai that di drak trun tagok meng 4.000 tal 4.300 đồng sa kg, trun 200 đồng duk saong akaok vụ, min biak kan duah hu urang blei. Urak ini ralo sản lượng vụ padai hè thu di tỉnh ini hu urang nông pambu, khik veik cang hu yaom.

7#/ Labaih 2 bilan ni mai, yaom li u thu di tỉnh Tiền Giang tagok khang veik, urang nong pala li u bui sambai. Urak ni dom urang blei tal bein blei  li u thu yaom 80.000 - 100.000 đồng sa pluh- 12 boh, tagok jiak 2 mbang dut song tuk vak kreik bilan 8 thun ni.Ni lac yaom li u thu glong di abih meng akaok thun tal ni

Patui di ini dom khau tin dunya:

8/ Giám đốc Hội đồng An ninh negar bang Sabah, Rodzi Md Saad, harei 14/10 brei thau cap hu 143 urang Philippines saong 15 urang Indonesia nhập cư sung hukum tame Malaysia  tapa mban ini. Dom công dân Philippines  cap kreik nan umo meng 13 tal 55 thun, dalam nan hu 118 likei saong 25 kamei. Taong abih dom urang nhập cư sung hukum ini urak ini daok kreik piah điều tra.

9#/ TQ dok lac negar dang akaok châu Á ka urang tỷ phú bahrau dalam thun 2015 song jiak yam tame tuk vak panduan ba drap ar akaok meti di dom rai tỷ phú. Dalam 113 urang Châu Á jeng tỷ phú dalam thun 2015 ( meblah 54$ urang tỷ phú bahrau di dunya) ye hu tal 80 urang TQ, song umo  tui kuhria lac 53 thun. Labaih 50% dalam dom tỷ phú bahraunan, ngak mbang dalam dom bruk yau  công nghệ, bán lẻ song sang danaok

10/ Ngak bruk ca melam oh ngak patagok bruk mbuan njauk ung thư tasau di urang kamei. Nan lac panuac di dom gah ilamu Anh hadei di tukpeih bruk ruah duah barau saong pasang iek veik sa ruah duah meng dom thun ini mai ndom lac ngak bruk ca melam lac jalan ba tal ung thư , dalam nan hu ung thư tasau. Dalam sa ruah duah barau ini, dom urang ilamu hu peih ngak abih tih 10 mbang ruah duah di 1,4 triệu urang kamei, taphia di nan langyah dom ruah duah di Mỹ, TQ, Thụy Sĩ saong Hà Lan. Yaom lac yau nan, dom urang ruah duah jeng hu panuac lac hu biak ralo kadha mbuan ngak jhak tal pren yava ngan saong dom urang ngak bruk  melam./.