1/ Tame Tết thun anek sak menuk 2017, Uỷ ban bhap bini tỉnh Quảng Trị hu buh tabiak meng kadung jien karja tỉnh 20 tỷ đồng ka Công ty cổ phần Tổng công ty Thương mại Quảng Trị song Công ty Trách nhiệm hữu hạn một thành viên Thương mại Dịch vụ Sài Gòn- Đông Hà nyim blei pandap khik piah panda panda, khik  tani tanat yaom kaom tuk tết. Dom DN peih bruk pablei pandap lưu động, ba pandap Việt mai tal palei pala, bhum atah bayah pablei ka mik va

2/ Sa quầy pandap di darak pasak ban Quảng Ngãi pachreih hu bruk sangka di ralo urang. Nan lac quầy pandap di dom adei khuyết tật di pasak raong pato uranaih khuyết tật Võ Hồng Sơn, huyện Nghĩa Hành, tỉnh Quảng Ngãi. Pandap parang pablei kayua dom adei ngak tabiak.

3/ Chi cục khik ramik darak pasa tỉnh Bình Định bahrau am klak dom tang vật suan adat hukun hu cap mek dalam thun 2016. Dom pandap am klak mbang ni yaom abih tih jiak 5 tỷ đồng, dalam nan hu dom janih pandap ngak mblah tui dom pandap hu angan je, pandap cấm, pandap tapa harei pandar, pandap  nhập lậu oh thau asar di nyu, oh khik hu chất lượng, oh ginup điều kiện pablei di darak pasa.

4/ Piah khik kajap pandap hacih pabak ka darak pasar dalam tuk tết, kapul ngak bruk liên ngành thú y tỉnh Bà Rịa - Vũng Tàu hu peih bruk nao pasang iek dom labik sik ngak ralo menuk ada, athur raong. Di dom labik sik ngak ralo praong, kapul pasang iek pandar po dom labik ba tabiak harak chứng nhận asal athur raong, harak pasang iek jit di jabat thú y, pasang iek bruk vệ sinh, pruh jru dahlau, dalam saong hadei tuk sik ngak ralo, dom bruk ka vệ sinh thú y. dom thao tác sik ngak ralo, meyah duah mboh urang halei ngak sung meda lập biên bvan3 vi phạm hành chính, pacap po cơ sở padeih ngak.

5/ Dalam tuk tết thun anek sak menuk 2017, meyah gaok bruk hagait pagam tal pandap oh hacih saat, kém chất lượng... urang meda ieu phome tal 08 39 301 714 piah khan brei thau. Ni lac leik điện thoại jalan talei pandiak taduan mek panuac  khan ka chất lượng pandap mbang di ban raya HCM

6/ Cà Mau hu thau tal lac puk palei hu ralo janih pandap hu angan. Abih di nyu nan lac, di tukvak puac thun, lac tabung glaong piah mikva bhum taneh puac taneh ia kuhria caga dom pandap di bhum palei duh ka tết. Taong abih dom palei ngak ikan thu hu angan labik ini daok jar var kuhria caga pandap piah pablei ka mikva dom bhum palei dalam taneh ia. Thun ini, pandap takik, dom ikan thu tagok yaom glaong.

7/ Tui mintri Y tế, urak ni, sang iek ruak vệ tinh hu peih prong tal dom tỉnh, ban. 22 sang iek ruak lac dom sang iek ruak đầu ngành di TƯ, bhian tacei ba kỹ thuật  ka 98 sang iek ruak vệ tinh di tỉnh. Di dom sang iek ruak di huyện  song xã, dom Sở Y tế tỉnh, ban hu jhul pakhang bruk ba bác sỹ sang iek ruak, pasak y tế huyện mai pasak y tế xã ngak bruk meng 1 tal 2 harei yaok adit, saong daok brei bác sỹ di pasak y tế xã nao ngak bruk di sang iek ruak huyện piah paglong ilamu ngak bruk.

Patui di ini dom khau tin dunya:

8/ Di Praha, Đại sứ quán Việt Nam di Cộng hòa Séc hu peih bruk taom mbaok urang dang akaok dom sang bac Đại học Séc tuk akaok thun barau 2017 piah ginum meyai jalan jhul pakhang talei pambuak bruk di VN saong Séc dalam gah pato megru. 

9/ Thủ tướng Băng-la-đét Shếch Ha-xi-na bahrau ni dalam mbang taom gaok akaok mintri Ngoại giao Mi-an-ma U Kio Tin hu panuac lac Mi-an-ma taduan mek veik dom urang Islam bangsa takik  Rô-hing-ga nduac tapa Băng-la-đét tuk vak meng bloh. Mi-an-ma hu panuac sinya meda taduan veik labaih 2 ribau urang di negar ni nduac tapa Băng la đét. Min, ni lac biak takik duk saong 300 ribau urang  Mi-an-ma dok duik rai di Băng la đét.

10/ Tổng thống Thổ Nhĩ Kỳ Tay-ip Éc-đô-gan saong Tổng thống Nga Vla-đi-mia Putin hu điện đàm, ginum meyai bruk peih praong sa lệnh padeih cuh di Xyri. Thổ Nhĩ Kỳ saong Nga daong ka dom gah đối lập gauk dalam bruk mesruh gauk di Xyri. Min, dua taneh ia jaik di ini hu dang tabiak hòa giải ka sa lệnh padeih cuh di Xyri, peih jalan ka dom bruk ginum biai sron mbon jaik tal di Ca-dắc-xtan./.