1 # Harei 13/4, Kapul urang ngak bruk di Ban tacei pato Tây Nam bộ kayua ong Nguyễn Trung Hiếu – Phaok Akaok Ban tacei pato Tây Nam bộ dang akaok kapul hu mai rivang saong tadhau ayuh Tết Chôl Chnăm Thmây di bhap bani bangsa Khmer pak tỉnh Bạc Liêu. Tapa nan, kapul hu alin brei pandap Tết ka dom baha saong dom urang jakar padeih hưu, urang hu angan je dalam bhap bani bangsa takik, dom baoh sang sarak saong baoh sang kathaot urang bangsa Khmer piah bui sambai raok Tết  Chôl Chnăm Thmây thun 2017.

2/ Bình Định hu labaih 6.300 kapal ikan, dalam nan hu labaih 3.500 kapal công suất praong labaih 90 CV. Thun 2016, Ủy ban bhap bini tỉnh Bình Định hu mbaoh tangin brei labaih 2.700 kapal ikan ginup điều kiện tut angan mbang tui sarak bảo hiểm tui Nghị định 67 ka dom sarak patagok kaya ikan. Min, tal urak ini, cty Bảo hiểm Pjico barau blei  hu  765 kapal ngan saong yaom jien labaih 32 tỉ đồng. 

3 # Page mesup harei 13/4,  apui khuah di trang trại raong pabui  di sang ong Đinh Đức Vinh, palei Boòng Boong 2, xã Chư Răng, huyện Ia Pa. Mbang khuah nan oh hu urang halei njauk hagait, min khat lahik prong abih nan lac drap ar, ngak ka labaih 1.000 drei pabui metai. Gah chức năng daok duah thau makna ba tal mbang khuah jeng yau tacei pato po trang trại xử lý drei pabui metai piah plaih ô nhiễm môi trường.

4/ Thun 2016 lac thun ka 3 gam gam Bà Rịa – Vũng Tàu tagok labik xếp hạng tanut merak gauk (16/63), dang ka 3/8 tỉnh, ban di bhum Đông Nam bộ (hadei Bình Dương saong ban raya Hồ Chí Minh).  Meng điểm abih tih lac 60,5, Bà Rịa - Vũng Tàu meng labik dang ka 18 thun 2015 hu yam tagok dang ka 16, daok dalam nhóm “siam”. 

5 # Dua bến radaih prong di bal raya Hồ Chí Minh lac bến xe  miền Đông saong  miền Tây bahrau brei thau bruk duh ka lễ harei 30/4 saong 1/5. Tui kuhria yaom vé tukvak ini meda tagok meng 20 – 40% dut haong harei karei. Dom bến radaih jeng hu caga radaih, phù hiệu,caga rami ramik lệch tuyến… tui kuhria hợp đồng 60 sruh radaih buýt piah caga pajeng ba tuai damuai tuk tabung glaong. Bruk khik caga an ninh trật tự, pacang caga khuah patuh, pambuak haong công an pak nan, cảnh sát giao thông, thanh tra giao thông… piah grap tanat bruk nao mai di dom labik bến radaih jeng hu patagok.

6/ Kuhria tal kreih bilan 4, yaom pablei cuah tagok jang dua mbang, atau jaik 3 mbang duk saong akaok bilan 2. Yaom lac tagok yaom yau nan, min cuah jeng daok kurang. Yaom cuah kanyikk daok hu pablei jaik 500.000 đồng/m3, tagok 2,5 mbang duk saong yaom klah lac 200.000 đồng/m3. Drei Yau nan, cuah njuk jeng tagok,  meng 150.000 đồng/m3 tagok 350.000 đồng/m3. Cuah san lấp jeng tagok jang dua mbang, meng 90.000 đồng/m3 jeng 180.000 đồng/m3. 

7 # Sở Ngak nong saong patagok palei pala tỉnh Đồng Nai bahrau peih bruk mboh tangin pambuak bruk blei pabui ka urang raong glang di Công ty MM Mega Market Việt Nam saong labaih 400 baoh sang raong pabui VietGAHP pak Đồng Nai, sanya blei labaih 30.000 drei pabui VietGAHP. Tui harak pambuak bruk, urang raong njauk raong tui jalan hacih sa-at, an toàn, tui danak dak raong pabui VietGAHP, saong hu dom jabat chuyên môn brei harak chứng nhận VietGAHP. Pabui njauk klauk jru pacang caga ginup abih, hu asal  brei thau mai meng halei. Tuk pablei pabui njauk bấm thẻ di tangi, teik trak meng 90 – 110 kg...

Patui di ini dom khau tin dunya:

8/ Hãng ngak kapal haok  ATR di châu Âu harei 13/4 brei thau hu ngak salah bloh bruk pablei 20 kapal haok yaom jaik 536 triệu USD ka hãng kapal haok Iran Air. Ini lac hãng kapal haok barau abih mek hu bruk pablei salih saong Iran hadei di tuk dom lệnh trừng phạt dunya hu yah klak tui thỏa thuận hạt nhân thun 2015. 

9 # Dang anak bruk chỉ trích di menuac sia kayua kateik greik khang sa urang tuai trun kapal haok,ành khách trun kapal haok biak thô bạo, Akaok điều hành (CEO) hãng kapal haok Mỹ Iu-nai-tựt E-lai Ô-xca Mu-nô hu sanya lac oh caik ka bruk ini rah tabiak tra. Ong Mu-nô khang panuac lac, hãng ini oh daok ba dom urang thực thi pháp luật angaok kapal haok piah pandar hành khách blei  blaoh saong ba-yar jien ka kapal haok trun truh kapal haok tra.

10/ Gah y tế dunya barau brei thau, brei hu dom salih barau biak praong dalam bruk khik kajap jalan pabak ia hacih saong vệ sinh dalam dunya, brei thau lac jaik 2 tỉ menuac urak ini daok pandar ia njom nerak. Ia menyum njauk ô nhiễm tui kuhria ngak brei labaih 500 ribau urang metai yaok thun saong lac makna ba tal dom janih ruak nhiệt đới takik hu ndom tal yau ula pui jalan tung paruac, ruak sán máng saong ruak pandik meta./.