1#/ Ub bhap bini tỉnh Thừa Thiên - Huế hu harak brei parabha pok jien 400 tỷ đồng meng jien payua di tu3nh, brei ka dom huyện Phong Điền , Quảng Điền, Phú Vang, Phú Lộc song ban sit Hương Trà piah tạm ứng dahlau ka bhap bini meteh yaom jien bồi thường khat lihik kayua bruk môi trường tasik

2/ Meng thun 2011 tal ini, Hội liên hiệp urang kamei tỉnh Nam Định hu ieu pataom, brei mesraiy labaih 130 tỷ đồng, daong ka labaih 9.000 urang kamei kan kathaot, jaik si kan kathaot dalam tỉnh mesraiy patagok kinh tế, patruh kan kathaot khang kajap. Pasak pato bruk ngak di hội liên hiệp urang kamei tỉnh peih 325 tal pato bruk ngak ka labaih 10.000 urang hội. hadei di pato, jaik 9.000 adei saai hu bruk ngak saong jien mek tame tani tanat. Hội urang kamei dom pakat jeng peih ralo tal pasram megru ilamu ngak mbang pablei salih, pandar công nghệ thông tin tame sản xuất ka labaih 3.000 urang kamei po doanh nghiệp.

3#/ Meng akaok thun tal ni, dalam tỉnh Đăk Nông hu jiak 440.000 urang hu BHYT, meblah labaih 82% menuac dalam tỉnh. Bruk ini glong jang 2% dut song quy định di BHYT VN ngan song tỉnh Đắk Nông tui jalan peih ngak BHYT tong abih bhap bini meng ni tal thun 2020. Dalam nan, Nyaom dom urang hu kadung jien karja dong taong abih yaom jien blei thẻ BHYT nan lac sang kan, sang urang bangsa takik song sang dok dalam labik biak kan kandah, dom urang karei karei tui quy định di hukum BHYT hu jiak 330.000 urang.

4/ Di ban raya HCM, bruk bayar jien bilan hưu saong trợ cấp bảo hiểm XH urak ini hu peih ngak di 24 quận, huyện tapa jalan bưu điện. Ngan saong dom urang ruak kik, umo labaih 80 thun atau lão thành cách mạng hu bưu điện bayar di sang. Urak ini bruk bayar jien bilan hưu daok iek tui địa chỉ hộ khẩu, nan ye daok ralo labik oh ka lagaih ka dom urang daok di labik karei oh njauk saong hộ khẩu. Bưu điện ban raya HCM daok kham merat, tal thun 2017, bhap bini hu palih ruah labik bưu điện dalam ban piah mek jien hưu.

5#/ Ban bangsa ban Cần Thơ bahrua peih tal pasram megru, pabak sarak hukum ka urang hu angan je dalam mik va bangsa takik ban Cần Thơ thun 2016. 280 urang hu angan je dalam bhap bini mik va bangsa takik mai hu mbaok. Dalam 3 harei, meng harei 12 tal 14/10, dom urang hu angan je hu  pang dom chuyên đề. Dom sarak di Đảng hukum di karja ka bruk bangsa song patagok KTXH bhum mik va bangsa takik, labik dang, bruk ngak di urang hu angan je dalam bhap bini bangsa takik

6/ Urak ini, yaok harei gilang tapuk tỉnh Cà Mau taduan jaik 200 mbang urang mai puac tapuk. Min, dom urang mai dom gilang puac tapuk patrun jaik 30% duk saong dahlau diah. Piah patagok jang bruk di gilang tapuk, daong palagaih ka urang puac tapuk,, gilang tapuk hu peih ralo bruk ngak duh ka bruk puac tapuk dalam bhap bini yau: tu tapuk di động, tu tapuk baoh sang, tu tapuk but pajaih. Dalam tỉnh tuk camereip hu padang 10 tu tapuk baoh sang; bruk ini hu iek lac hu kein lagaih saong daok hu peih praong.

7#/ Pachreih tui bilan tabung glong “ Kayua urang kan “ meng harei 17/10 tal 18/11/2016, Tỉnh ủy Kiên Giang tacei pato dom pakat ủy đảng, sở, ban , ngành, MT negar, dom kapul nyaom XH kham merat pachreih tui song peih ngak siam bruk jak ba, padang ngak “ kadung jien kayua urang kathaot” piah iek glang ka urang kathaot. KG urak ni hu 41.200 boh sang kan song jiak 155.500 urang, meblah 9,7% boh sang dalam tỉnh, labaih 13.700 jiak kan kathaot  ngan song 52.950 urang, meblah 3,2%. Piah trun kan kathaot khang kajap tuk vak ni, tỉnh hu jalan ieu pataom labaih 3.291 tỷ đồng peih ngak  tui jalan patrun kathaot.

Patui di ini dom khau tin dunya:

8/ 41 urang kamei negar langiu, dalam nan hu 26 urang kamei VN, hu daong tabiak truh sa labik mại dâm trá hình di Ban-đa Bô-ta-ních, Klang, di ban ine Kuala Lumpur di Malaysia, hadei mbang đột kích di cảnh sát tame nam Klang di harei 12/10. Dom urang kamei ini umo meng 18 tal 35 thun, lac nạn nhân di bruk pablei menuac, njauk kol jhak ba tame ngak kumei me-in di labik giải trí ini. Bruk ini daok hu cảnh sát duah thau, phân loại saong langyah. 

9 #/ 85 negar hu payua dom tác phẩm piah meriak GAUK  tranh tượng vàng Oscar 2017 ka hạng mục “"Phim nyai sap negar langiu gheih di abih” Mbang cameteip  Yemen hu mbaok tame angan dom negar hu lambaok tame meriak gauk di hạng mục hu angan je ni. Nan lac tác phẩm điện ảnh "I Am Nojoom, Age 10 and Divorced" di đạo diễn urang Yemen Khadija al-Salami. Ni lac sa tác phẩm phẩm brtei mboh biak cambaih laih bruk tảo hôn di negar ni./. 

10/ Facebook barau tabiak mbaok mạng XH brei ka gah văn phòng hu angan "Facebook Workplace". Sản phẩm barau ini dreih yau  mạng XH Facebook saong pataom tame bruk pambuak urang pandar saong mạng lưới đồng nghiệp di công sở. "Workplace" hu pabak ginup tính năng phổ biến abih di Facebook. Tapa nan, đồng nghiệp dalam sa công ty meda pandar "Workplace" piah klah rabha hatai sahneng,, tài liệu atau trao đổi trực tuyến song gauk, peih dom mbang nyaom nội bộ trực tuyến atau tui iek meng atah var thuyết tình di kapul điều hành tapa "Facebook Live"./.