1 # Thủ tướng raja-ei bahrau mboh tangin phê duyệt Khung sarak ka bồi thường, daong brei, tái định cư hạng mục padang ngak hầm đèo Cù Mông saong hạng mục peih prong hầm jalan kabak Hải Vân dalam Dự án đầu tư padang ngak hầm jalan kabak tapa Đèo Cả-Quốc lộ 1, tỉnh Phú Yên saong tỉnh Khánh Hòa tui jalan pambuak bruk BOT. Tui đề án hu mboh tangin phê duyệt, Công ty cổ phần Đầu tư Đèo Cả  hu adat brei peih prong hầm jalan kabak tapa đèo Hải Vân praong 4 jalan radaih.

2/ Dalam tukvak 2007 - 2012, rajaei Ailen hu daong ka rajaei VN 43 triệu Euro; tukvak 2013 - 2015, daong ralo di abih 13,29 triệu euro (yaok thun 4,43 triệu euro), patagok abih tih yaom daong tal 56,29 triệu euro, hu rik daong saong rajaei VN peih ngak bruk patrun kathaot di bhum bhap bini bangsa takik tapa jalan ngak di danak dak 135.

3 # Tui tacei pato di Bộ Thông tin saong truyền thông, tukvak padeih papar sap truyền hình analog salih tapa truyền hình số hóa mặt đất dalam tỉnh Khánh Hòa meng harei 31/12/2017. Gam haong nan, bruk daong brei akaok thu ka dom baoh sang kathaot dalam tỉnh Khánh Hòa jeng daok hu caik hatai saong peih ngak tui đề án.

4/ Thun 2016, tỉnh Bắc Kạn hu daong 145 tỉ đồng blei harak BHYT ka 224.623 urang kan kathaot, urang bangsa takik, uranaih umo ala 6 thun saong dom urang sarak karja. Gah y tế tỉnh Bắc Kạn jeng hu peih ngak siam bruk iek ruak ka urang kan kathaot, daong palagaih ka bruk ngak harak gar hành chính, hu ginup jru, vật tư, pandap, trang thiết bị di dom labik y tế, paglaong bruk iek ruak ka bhap bini.

5 # Yam tame bilan taong ikan thun 2017, urang taong ikan dom xã bhum tasik di tỉnh Nghệ An thei jeng chreih chai tuk taong mek hu dom janih kaya ikan dalam aia hu yaom kinh tế glaong ngak jeng pren khang ka urang taong ikan tabiak tasik. Langik tasik siam laghaih ka bruk  taong ikan, haei di 5-7 harei nao tasik urang taong ikan dom xã Tiến Thủy, Quỳnh Long, Quỳnh Nghĩa taong mek hu ralo kaya ikan yau ikan  hố, ikan đốm, ikan trích saong bạc má. Kuhria rah tapa yaok gilai taong mek hu 15 – 30 tấn ikan dom janih, brei jien mek tame yaok rituh triệu đồng.

6/ Dom tỉnh Tây Nguyên urak ini hu 962.116 drei limo, kabau. Urak ini, dom tỉnh Tây Nguyên jeng daok jhul khang bruk peih ngak dom danak dak raong praong, dalam nan, pataom tame tacei pato peih ngak danak dak pasiam tapon limo, ralo meng lac tapon limo lai, pala hareik raong kabau, lomi. Taphia di nan, padang dom sarak patagok raong glang praong, patagok tapon athur di dom labik lagaih piah raong praong jeng sa pren khang di bhum Tây Nguyên.

7 # Ngan haong kadha “Yêu thương mong manh”, Sài Gòn Melam harei car bilan 4 langiu di bruk pataom dom kadha daoh gheih ka bruk meyut meyau,daok ba mai ka urang mong iek sân khấu mekre meta tapa dom sap daoh: Họa Mi, Ngọc Sơn, Sơn Tuyền,  Kasim Hoàng Vũ, Đoan Trang, Yến Trang, Yến Nhi… Danak dak kayua VTV9 saong Jet Studio pambuak gauk peih ngak. Danak dak hu papar riyak tukvak 20 tuk harei car, 15/4 angaok VTV9.

Patui di ini dom khau tin dunya:

8/ Dom urang khoa học jia lac, maong gah lingiu mboh yau sa bhum taneh klak  tasaoh, ia bulan di sao Thổ - Enceladus meda jeng sa labik hu bruk diukrai.

9 # Hãng công nghệ Apple daok cakrok patagok sa kỹ thuật ba mbuan laghaih dalam bruk mong iek ruak me-ik saradang tapa hệ thống cảm biến quang học. Kênh truyền hình CNBC di Mỹ bahrau brei thau: dự án hu peih ngak tui hatai sahneng di urang padang tabiak Apple - Steve Jobs, tapa cảm biến quang học pandar angaok dom thiết bị công nghệ yau đồng hồ thông minh piah duk dom  thay đổi sinh lý karei di gauk yau chỉ số đường huyết. 

10/  Tập đoàn Dữ liệu dunya (IDC) barau ba tabiak panuac kuhria mboh dahlau lac, Trung Quốc dalam tukvak tal  jeng daok khik kajap labik dang lac darak pasar robot praong abih saong patagok samar abih dunya. Labaih 800 doanh nghiệp pabak dom pandap song dịch vụ dalam dom gah yau điện tử, cơ khí, hóa học saong dịch vụ y tế di TQ padang hu nền tảng khang kajap piah kuhria caga ka bruk nâng cấp./.