1 # Hu dom inem mek jayak Điện Biên Phủ, yaok thun tỉnh Điện Biên taduan raok meng 400 tal 500 rimbang tuai damuai dalam negar, duanya mai rivang ma-in. Tapa pasang iek brei mboh, tukvak tapa, dalam tỉnh oh ka hu urang halei ngak suan adat hukum ngan haong bruk kinh doanh du lịch. Tukvak anak tal,  ngành brei thau patui veik pambuak bruk catang haong dom gah chức năng patagok bruk pasang iek bruk ngak du lịch, piah duah mboh saong xử lý samar drah meyah hu urang ngak negar langiu peih ngak bruk suan adat hukum dalam tỉnh.

2# Tỉnh Thừa Thiên - Huế birau patabiak harak dom angan danak dak khin urang buh jien tame ngak meng thun 2016 tal thun 2020, nan lac 30 danak dak pablei salih, du lịch, công nghiệp chế biến, ngak cơ sở hạ tầng. kuhrai taong abih tih labiah 70.000 tỷ đồng. Dalam nan hu rilo danak dak praong gah du lịch yau padang khách sạn, labik padeih padei tapen tasik, khu đô thị An Vân Dương, khu kinh tế Chân Mây – Lăng Cô…Tỉnh Thừa Thiên - Huế jeng hu ba tabiak rilo jalan ngak brei daong jien je, trun jien pandar taneh, jien pah taneh…ka doanh nghiep.

3 # Cục Công nghiệp puk palei – Mentri Công thương pambuak haong Sở Công thương Quảng Ngãi bahrau peih pakak Nyaom darak parang iek pandap công nghiệp palei pala siam geih labik gah Kreh negar saong Tây Nguyên thun 2016. Nyaom darak parang iek pandap công nghiệp palei pala siam gheih labik gah kreh negar saong Tây Nguyên thun ini hu peih ngak pak tỉnh Quảng Ngãi meng harei 14 tal harei 20/7 ngan haong bruk hu mbaok di 600 gian hàng dalam  249 doanh nghiệp dalam labik saong dom tỉnh, bal dalam negar. Dom janih pandap hu mbaok dalam mbang nyaom darak ini nan lac dom janih pandap công nghiệp palei pala siam gheih di dom puk palei yau; ngak tabiak kaya glai, thủ công mỹ nghệ, jhik pet, takhaok kalik, pandap panda kaya pandar dalam sang, mac moc, kaya mbang menyum.

4# Sở Du lich ban Đà Nẵng daok brei in saong brei  saoh tapuk Quy tắc ứng xử brei ka tuia rivang main du lich di dom labik du lich công cộng yau mbakng radaih pui, mblang kapal haok, labik daok padeih padei, mbang huak pak ini. Bộ quy tắc in sit gap pan tangin, hu gam tui thaot binguk saong lang tui panuac Trung Quốc, Hàn Quốc. Tapa Bộ quy tắc nan piah tuia damuai dalam nan hu tuia Trung Quốc, Hàn Quốc brei pagheih bruk daok dang, ndem meyai, nao mai hu ilamu, bruk hagait najuk ngak atau oh ngak tuk mai Da Nang hu thaot binguk biak mekre yau: buh hareik tame thùng, dang cang tui talei gauk, oh cuic ia pabah ban glai ban glo, juai veik dom pandap parang tuk rivang iek dalam muyim, brei labik daok atau plaih jalan ka urang kumei, urang taha umo, uranaih nao dahlau…

5 # Cụm công nghiệp Đắc Lộc, xã Vĩnh Phương, bal Nha Trang, tỉnh Khánh Hòa hu ba tame ngak meng thun 2010 min tal harei ini jeng oh ka hu Sang mac xử lý aia neriak pataom. Dom sang mac xí nghiệp bal thei thei xả thải ba tal bruk ô nhiễm dhul, sap rol, mùi mbau. Thượng tá Bùi Thiều, Phaok akaok Duk  Cảnh sát pacang cakak tội phạm ka môi trường, Công an tỉnh Khánh Hòa brei thau: “Tui quy định nan lac hoàn thiện atau dom doanh nghiệp ba tame ngak ye drei njauk hu hệ thống xử lý aia thải pataom, tuk bo dom urang nan ccaong khin pagam tame ye labik halei piah pagam. Dalam quyết định di Uỷ ban bhap bani tỉnh jeng brei adat peih ngak ngan haong điều kiện nan lac sa-ai njauk ngak hệ thống xử lý ta-eng aia thải dahlau di tuk tuh tabiak môi trường. Tui adat hukum drei pandar njauk xử lý gah pathau khan, pato pakai”

6# Gam saong bruk brei thau jit ruak bạch hầu di huyện Đồng Phú, urak ini, bruk cakak caga labik hu jit ruak daok hu Viện Pastuers ban raya HCM saong gah  y tế Bình Phước daok ngan dalam sami samar. Pasak caga ruak tỉnh Bình Phước brei 100 kg Cloramin B ka huyện Đồng Phú piah pruh hacih labik daok di dom palei hu ruak; gam brei jru menyum caga ruak ka 500 urang di 2 xã hu jit ruak. Dom janih jru, vaccin, pandap y tế hu ba mai sumu piah pacang caga ruak. 10 ribau mbang vaccin hu ba mai brei klauk caga ruak dahlau ka bhap bini.

7 # Mentri Pato megru brei thau 6/6 thí sinh di đội tuyển Việt Nam nao pakacah Olympic Toán dunya thun 2016, thei jeng mek hu Huy chương nan lac: 1 Huy chương Ameh, 4 Huy chương pariak saong 1 Huy chương bal. Olympic Toán dunya thun 2016 peih tabiak pak Hồng Kông (Trung Quốc) meng harei 6 tal harei 16/7 ngan haong bruk hu mbaok di 602 thí sinh, mai meng 109 negar saong bhum taneh, dalam nan hu 280 adei mek hu Huy chương meblah 46,5% số thí sinh hu mbaok tame. Kapul nyaom Việt Nam mek hu taong abih giải, dang ka 11/109 saong ka 2 Đông Nam Á hadei Singapore.

Tiếp theo là tin thế giới:

          8# Rilo taneh ia brei hu jala pacang caga an ninh hadei mbang patuh phao di ban Nit-x ( Nice) negar Prang, ngak metai takik di nyu 80 urang. Jabat karja gah bruk ngak dunya di rajaei negar Ca-na-đa kakei bhap bini  taneh ia ini pak ia Prang njauk brei pacang caga bruk nan oh thau tuk halei. Italia jeng brei jhul pakhang bruk pacang caga labik taphi negar Prang, dom radaih oto meng negar Pháp tame Italia njauk pasang iek tani tanat abih.

9 # Dom urang jakar ngoại giao Nga saong Thổ Nhĩ Kỳ hu van njaom biai pak Mát-xcơ-va piah ginum biai ka bruk pasiam veik pambuak bruk nao mai di dua negar. Mnetri Ngoại giao Nga brei thau, talei rohim pambuak dua negar daok pasiam veik hadei di sự cố Thổ Nhĩ Kỳ cuh laik sruh kapal haok di Nga dalam bilan 11 thun dahlau. Dua gah daok ginum biai jalan pasiam veik talei pambuak bruk nao mai dua gah, dalam nan hu pambuak pagam veik haong đối thoại chính trị, patagok hợp tác kinh tế, thương mại jeng yau daong pahla saong ilamo. 

10# Hạ viện Mỹ birau brei tapa 2 hukum ba tabiak dom jalan áp đặt barau ngan saong Iran, tha thun hadei di tuk njauk gauk langyah hu  bruk hạt nhân. Dom jalan ngak  nan hu ba tabiak sa harei hadei tuk Hạ viện Mỹ mbaok tangin tame Dự luật pakauk blei ia trak meng Iran./.