1# Dok dalam labik Nam Tây Nguyên - tỉnh Lâm Đồng lac sa bhum  dâu tằm prong abih di negar song taneh pala labaih 5.000 ha. Dalam dom thun jiak di ni, urang nong samar peih prong taneh, ngak tui dom jalan rong bahrau, meng nan paglaong chất lượng, sản lượng song jien mek tame ka urang nong.

2/ Salam uan Vu lan thau dhar phon amaik ame saong tết Trung thu 2017, barau ini, kapul ngak pahala Tín Thác ban raya  Hồ Chí Minh pambuak saong kapul urang sup meta ban sit Đồng Xoài, tỉnh Bình Phước peih bruk alin hadaih 125 paok pandap ka urang di kapul sup meta saong urang jaoh jo dalam ban sit Đồng Xoài.

          3# Lac tỉnh patagok khang gah ngak cong, pachreih hu rilo urang ngak mai daok song ngak bruk, meng lavik mai ĐN lac labik pandiak ka bruk kurang sang bac mầm non. Thun bac 2017 – 2018, tỉnh hu jiak 172.000 anek saih mầm non. Min, Đồng Nai urak ni hu labaih 290 sang bac mầm non công lập song langiu  ngoài công lập, bahrau pabak hu ka labaih 50.000 kamuan. 

4/ Ban sit Sa Đéc, tỉnh Đồng Tháp hu taneh pala bingu kiểng labaih 485 ha ngan saong labaih 2.000 janih. Kuhria rah tapa, yaok ha pala bingu kiểng laba hu labaih 200 triệu đồng sa thun. Jien mek tame meng bruk pala bingu kiểng lac yaok rituh tỷ đồng, rik daong biak ralo dalam bruk patagok kinh tế di ban sit Sa Đéc.

5# Dalam bilan Hè Thu 2017, dom  huyện bhum ia ndih gah timun tỉnh Tiền Giang trun pajaih hu labaih 42.000 ha. Bilan Hè Thu jeng hu labaih 2.000 ha hu dom doanh nghiệp mbaoh tangin pambuak bruk blei veik abih tui mô hình “mblang padai prong”. Meng akaok vụ tal ni, urang nong labik ni yuak hu labaih 30.000 ha song năng suất tui kiuhria meng  60 tal 62 tạ/ha. 

6/ Tỉnh Trà Vinh daok ieu urang buh jien tame ngak 17 dự án công nghiệp hỗ trợ ngan saongyaom phun jien buh tame ngak  abih tih 1.955 tỷ đồng di dom  khu công nghiệp saong kinh tế di tỉnh, tukvak 2017-2025. Tỉnh ieu buh jien tame ngak dahlau dom sang mac ngak phụ tùng, jamriah, ngak bạc đạn, khuôn mẫu, ngak saong lắp ráp pandap điện.

7# Mban pacang caga  bala meng langik tasik song dong duah urang gaok bala  tỉnh Cà Mau brei thau, gah Bộ đội Biên phòng Cà Mau sraong daong hu 7 thuyền viên dalam mbang kram kapan di angaok tasik harei 13/9. Kuhria meng akaok thun tal ni, Cà Mau hu 25 kapan kram, 16 urang metai, 14urang laik trun tasik lihik song 7urang  njauk rambuac.

Patui di ini dom khau tin dunya:

8/ Tổng thống Mỹ Đô-nan Trăm meda tapa rivang NB di akaok bilan 11 tal piah ginum meyai saong Thủ tướng Xin-dô A-bê. Dalam sa bruk karei, Thủ tướng Xin-dô A-bê saong Tổng thống Đô-nan Trăm meda ginum meyai gah langiu nyaom meyai Đại hội đồng Liên hợp quốc di Niu Yóoc di adit hadei piah ginum biai dom bruk caga ka mbang nao rivang di ong Đô-nan Trăm. 

9# Hải quân Thái Lan brei thau bruk ba labaih  100 urang kamei sĩ quan bán quân sự di Thủy quân lục chiến Hoàng gia tal dom  tỉnh gah merong negar ni piah dong ka bruk an ninh song dom bruk pambuak talei rohim haong bhap bini. Bruk ni tui kuhira hu peih ngak dalam thun 2018 song ni lac mbang camereip dom urang kamei lin hu pato pasram siam mekre hu ba tal dom tỉnh gah merong negar Thái Lan.

10/ Ban ine Paris di prang hu jao quyền dang tabiak peih thế vận hội bilan hè 2024. Bruk ini hu Uỷ ban Olympic dunya - IOC brei thau dalam mbang nyaom di ban ine Lima di Peru harei 14/9 ./.