1 # Meng akaok bilan klau ini, yaok ribau sruh radaih ô tô di Honda Việt Nam (HVN) blei meng Thái Lan hu tame cảng SPCT - Hiệp Phước (bal raya. HCM). Ini lac dom radiah akaok meti dalam nan hu Honda CR-V, Accord saong Jazz hu mbang tui yaom kak je blei tame 0%, saong hu ginup abih dom harak chứng nhận ka dom  kiểu radaih ô tô kayua Jabat Khik iek giao thông jalan mbak Thái Lan brei. Yau nan min, bruk mehit lac yaom kaom trun yaok rituh triệu đồng sa sruh tok lac “tạm kuhria” tui yaom thuế mai 0%, daok yaom biak di nyu yau habar tal tukvak ini jeng oh ka thau hu.

2 # Mintri  LĐ,TB&XH pambuak bruk song kapul Plan International Việt Nam bahrau peih bruk jao giải chung kết bruk pakacah  ngak phim katut ka bruk siam mekre diuranaih kamei labik công cộng song tuk nao mai di angaok  radeih công cộng dalam ban.  Tapa nan, Ban peih bruk hu jao  giải ka  16 kadha gheih di abih. Tui mban  Ban peih bruk, tapa bruk pakacah oh lac piah dom auyh ranaih umo brei mboh bruh naih gheih vak kịch bản, ngak phim, bo kadha prong jang  lac peih tabiak jalan ka dom ayuh ranaih umo ba gauk tame ngak brei salih bahrau sa ban siam mekre ka uranaih kamei song siam mekre ka menuac sia..

   3 # Ong Phan Thanh Hải, akaok Pasak Khik iek inem mek Cố đô Huế bahrau brei thau, daok peih ngak dự án padang ngak veik 2 labik khik iek angaok inem mek Kỳ Đài. Hadei di tuk ngak blaoh, dua labik ini hu brei bruk meng kan mai nan lac brei ka dom urang khik iek Kỳ Đài, saong khik piah dom pandap ka bruk  khik caga inem mek.

           4 #Pambuak  tal bruk Công ty TNHH MGA Việt Nam eng drei padang ngak suan hukum rup patau Bà Chúa Xứ dalam labik inem krung sajarah danh thắng pakat negar  núi Sam di ban  Châu Đốc (tỉnh An Giang) ngak pandik hatai  bhap bini song tuai damuai atah jaik. Ong Trần Quốc Tuấn, Phó Chủ tịch Ub bhapbini  ban  Châu Đốc brei thau  hu tabiak bruk taong phat 30 triệu đồng  Công ty MGA. Urak ni danak dak ni dok hu po đầu tư yah klaak

5 #  Sở Pato megru bal raya HCM bahrau hu harak payua ka dom labik pato pakai ka bruk peih ngak dom kadah di harei Dunya Haniem phol 20/3 ngan haong kadha “Anit ranam saong klah rabha”. Tui nan, dom sang bac pathau khan, paglaong akaok saneng, trách nhiệm di urang jakar khik iek, gru pato, urang ngak amaik ame saong anek saih kaa dak rai sajarah, makna di Harei Dunya Haniem phol; ngan saong thông điệp di Liên Hợp Quốc; chủ đề, angan iew saong dom bruk ngak di Việt Nam dalam Harei Dunya haniem phol 20/3...

Patui di ni dom khau tin dunya:

6 # Hadei di tuk Mỹ tabiak truh thoả thuận pambuak bruk xuyên Thái Bình Dương (TPP), 11 taneh ia dok veik njauk gauk brei salih TPP meng thoả thuận bahrau ka  talei pambuak bruk taong abih gahh  song tiến bộ xuyên Thái Bình Dương (CPTPP).

7 # Pak tỉnh Chăm-pa-xắc di CHDC bhap bani Lào bahrau rah tabiak nyaom biai pataom iek veik mbang tabung glaong pagui, mek tội phạm pablei salih menuac Việt Nam - Lào - Cam-pu-chia. Pak nyaom biai, dom gah taong yaok lac, bruk peih  mbang pagui mek tội phạm pablei salih manuac  thun 2017 rik daong tame bruk pacang cakak saong ngak patrun bruk patagok di janih tội phạm ini.

8 # Canada brei thau bruk padang  jabat  xúc tiến đầu tư bahrau hu angan jabat đầu tư Canada, piah patagok bruk dui pachreih dom urang đầu tư negar langiu. Akaok mintri pablei salih Canada Fran Cois-Philippe Champagne brei thau, Rajaei Canada brei buh tabiak 218 triệu đô-la Canada (CAD), labaih 170 triệu USD, dalam 5 thun tal ka jabat ni./.