# Patui veik mbang ngak bruk pak Tây Nguyên, page harei 20/6, pak bal Buôn Ma Thuột, tỉnh Đắc Lắc, Thủ tướng Nguyễn Xuân Phúc pan akaok Nyaom biai ka dom jalan ngak pasiam veik khang kajap bhum taneh Tây Nguyên piah pacang biến đổi khí hậu, tukvak 2016 – 2020. Brei panuac pak nyaom biai, Thủ tướng Nguyễn Xuân Phúc ndom lac, khaol drei jah tak glai biak ralo ba tal patrun mblang taneh, ngak jeng sa mạc hóa, thu lagu pak bhum taneh Tây Nguyên. Thủ tướng ndom lac njauk hu sarak piah ka urang pala glai  saong khik iek glai siam. 

#/ Mesup Harei 20/6, di HN mintri LĐTB song XH peih mbaok diễn đàn uranaih ASEAN mbang ka 4 hu angan “ sa ASEAN sa meta mong ka uranaih”. Mai pataom mbakhu Phó Thủ tướng Vũ Đức Đam song dom urang lambaok, dom uranaih meng mai 8 negar dalam ASEAN.

# Pahadar 91 thun Harei Báo chí cách mạng Việt Nam (21-6), page harei 20/6, Ủy viên Bộ Chính trị, akaok Ủy ban Trung ương Mặt trận Negar Việt Nam Nguyễn Thiện Nhân hu mai rivang, tadhau ayuh urang pal akaok, urang jakar, urang vak, urang daok ngak bruk pak Cổng thông tin điện tử Raja-ei. Ong Nguyễn Thiện Nhân caong khin kapul nyaom pal akaok, urang vak, urang ngak bruk di Cổng thông tin điện tử Raja-ei meda hu ralo sáng tạo, khang hatai tui bruk, rik daong dak padang Raja-ei dak harei dak tantu, cambaih laih, hu kein laba, nan lac talei pambuak siam di Raja-ei saong bhap bani.

# Mesup harei 20/6 di khu 2- Khu mblang bein sajarah, ilamu bangsa, phường Long Bình, Quận 9, ban raya Hồ Chí Minh, hu peih pakak Đền thờ song Lễ giỗ Đức Lễ Thành Hầu Nguyễn Hữu Cảnh. Đền thờ Đức Lễ Thành Hầu Nguyễn Hữu Cảnh hu padang ngak di angaok taneh prong labaih 7.440 m vuông, song yaom jien abih tin labaih 80 tỷ đồng. Hadei di 14 bilan padang ngak, urak ni dự án hu ngak salah bloh , dalam nan hu đền chính, nhà điều hành, cổng tam quan, văn bia, hồ nước, jalan nội bộ...Ni hu mong lac labik pato pakai hatai anit ranam taneh ia song lac labik rivang me-in, duah thau ka sajarah ilamu bangsa.

# Thành đoàn Hà Nội pambuak haong Ban Bangsa, Sở Y tế Hà Nội bahrau peih bruk mboh tangin tame danak dak pambuak bruk peih ngak saong pasang iek ruak, tacei jalan iek glang pren yava, brei jru ka bhap bani bangsa takik pak dom huyện Thạch Thất, Quốc Oai saong huyện Chương Mỹ (Hà Nội). Danak dak hu peih ngak di 4 labik, ngan haong bruk hu mbaok di 50 y bác sỹ ranaih Bal ine hu mbaok tame pasang iek ruak, tacei jalan iek glang pren yava, brei jru ka 1.200 urang bangsa takik, uranaih hu rai diuk kan kandah di dom xã bhum ceik dalam 3 huyện.

#/ Danak dak “Ngak iek danak dak Sữa học đường dalam tỉnh Nghệ An thun bac  2015- 2016” hu peih ngak meng bilan 12/2015. Tal tuk vak ni, Nghệ An hu 50% anek saih tiểu học song mầm non dalam tỉnh hu peih ngak danak dak ini. Tapa jiak 6 bilan, đề án hu peih ngak di 17/21 huyện, ban sit song hu mbaok di labaih 215 ribau anek saih ( samu 50% anek saih dalam tỉnh). Tong abih phun jien piah peih ngak danak dak nan lac labaih 53 tỷ đồng, dalam nan công ty TH dong 30 tỷ đồng.

# Meng patagok bruk daong ba ka urang kamei metian njaom HIV nan ye Sóc Trăng iek ruak hu siam ka yaok pluh urang mbuan njaom mbak HIV meng amaik tapa anek. Pasak Pacang cakak HIV/AIDS tỉnh Sóc Trăng brei thau: Puac thun 2008 Sóc Trăng hu duk tư vấn xét nghiệm pak Sang iek ruak Đa khoa Sóc Trăng. Tal harei ini, hu labaih 60.000 urang kamei metian mai tư vấn, xét nghiệm HIV, dalam nan hu labaih 200 urang dương tính hu mbaok tame điều trị pacang caga njaom mbak HIV/AIDS meng amaik tapa anek. 

Patui di ni dom khau tin dunya:

#/ Takik di abih 20 urang metai song lahik dalam mbang ia ndik  ia sua khang rah tabiak di gah Tây Nam TQ dalam puac adit tapa. jaik 2 triệu urang gaok kan kandah meng mbang ia ndik ia sua ini. tui kuhria  mboh dahlau, dom labik meng gah barak trun gah Tây  Nam di TQ daok hu dom mbang hajan khang dalam 2 harei anak tal. Urak ni TQ dok khik cảnh báo sambo katam kayua bala di rilo labik dalam negar.

# Hu 3 urang metai saong 45 urang karei njauk rambuis dalam dom mbang taong poh gauk bahrau rah tabiak di cảnh sát saong gru pato hu mbaok tame mbang trun jalan pak Mê-hi-cô. Dalam dom thun tapa, yaok ribau gru pto Mê-hi-cô trun jalan biểu tình piah cagar veik bruk raja-ei negar ini cap khik Tổng thư ký di Hội liên hiệp giáo viên (CNTE), ong Rô-ben Nu-nê  (Ruben Nunez) ngan haong panuac lac tham nhũng, rao jien, meng akaok adit dahlau. Ralo urang pachreih tui ong  Rô-ben Nu-nê ndom lac, mbang cap khik ini hu pambuak pagam tal bruk patagok áp lực di Raja-ei Mê-hi-cô tagok sarak salih bahrau bruk pato megru daok meriak gauk pak negar ini.

#/ Harei 20/6 lac harei Tị nạn dunya, harei lễ dunya piah paglong akaok sahaneng ka bruk di  urang tị nạn di dunya. Yaok harei di dunya hu yaok ribau urang klah sang danaok, palei negar kayua mesuh metak, srau kadau song kan kathaot, ngan song hatai khin duah hu sa rai duik siam mekre jang di labik dok karei. Min angaok jalan nao tal dom labik nan, rilo urang metai. Rilo bruk piah pahadar harei ni hu rah tabiak grauk labik di dunya piah paglong akaok sahaneng di bhap bini ka urang tị nạn song di cư/.