1/  # Hadei di ribuk ka 10, rilo kapul nyaom, menuac urang, đơn vị dok dalam song langiu negar hu mai rivang song song dong ka urang bhum goak bala meng langik tasik di tỉnh Quảng Bình samar pasiam veik khat lihik hadei di  ribuk. Urak ni, Ủy ban Mặt trận negar  Việt Nam tỉnh Quảng Bình taduan hu labaih 12 tỷ đồng di rilo kapul nyaom , menuac urang dok dalam song langiu  tỉnh dong ka mik va gaok bala meng langik tasik dok dalam tỉnh. Pok jien dong ni hu parabha tal dom puk palei njauk khat lihik. Anak meta,tỉnh brei daong dahlau ka mik va pasiam veik labaih  240 boh sang jaleih, yaok baoh sang jaleih abih hu dong 40 triệu đồng.

  2/ Gah pacang buôn lậu Bộ đội Biên phòng tỉnh Quảng Trị barau cap khik radaih pajeng 1 tấn meteh saradang nhập lậu. Tuk camereip, urang peih radaih angan Nguyễn Duy Thạnh daok di khu phố 8, phường 1, ban Đông Hà, tỉnh Quảng Trị taduan drei lac po pandap, saradang ini mai meng Thái Lan hu pajeng meng biên giới mai bhum taneran pablei ye njauk cap kreik.

3. # Pagam tal bruk tah glai di huyện An Lão, gah Cảnh sát Điều tra Công an tỉnh Bình Định bahrau khởi tố vụ án, khởi tố bị can song brei adat chap kreik dalam tuk vak  4 bilan ngan song 2 nghi can. 2 urang nan  lac: Nguyễn Văn Ry, umo 42 thun,  dok di Gia An Đông, xã Hoài Châu Bắc, song Phan Dễ, umo 57 thun, dok di An Đỗ, xã Hoài Sơn, jeng dok di huyện Hoài Nhơn piah patui bruk duah thau ka duh “palai pajoa glai” tui paka 189 Bộ Luật hình sự.

4/ Tỉnh Ninh Thuận hu rajaei buh brei labaih 7 ribau tỷ đồng padang ngak hệ thống thủy lợi Tân Mỹ, tal urak ini,  hu ngak salah hạng mục akaok meti nan lac – dập dâng saong dom ribaong praong. Hệ thống thủy lợi Tân Mỹ ngak salah hu pabak bruk pandar ia ka bhum gah brak tỉnh Ninh Thuận, lac bhum njauk pandiak bhang khang abih dalam tỉnh.

5/  # 15 thun tapa, bruk ngak di dhar gilang pariak sarak  karja tỉnh Đăk Nông oh padeih patagok, phun jien pabak ka boh sang kan song dom urang dalam sarak karja dak harei dak tagok, tỷ lệ patagok tui kuhria yaok thun hu labaih  15%, tagok phun jien brei sre urak ni lac 2.147 tỷ đồng.Tapa phun jien di gilang pariak sarak karja  rai duik  bhap bini hu siam tagok, dong tani tanat bruk kinh tế - xã hội di puk palei,  boh sang kan di tỉnh patrun, meng 33% (thun 2004) trun dok 19,2%.

6/ Tòa án bhap bini tỉnh Đắk Lắk barau peih mbang xét xử sơ thẩm bruk hình sự saong taong phạt urang dahlau daih ngak dalam kapul khik iek trật tự đô thị 8 thun daok gut ka duac pachot meblah mek drap ar. Hu thau, urang nan lac Nguyễn Quốc Chinh, ndih tapui thun 1960, daok di phường Tân Thành, ban sit Buôn Ma Thuột, tỉnh Đắk Lắk. Abih tih yaom jien bo Chinh pachot, meblah lac 640 triệu đồng.

  7/ # Gah chức năng ban Biên Hòa, tỉnh Đồng Nai bahrau pasang iek song mboh sa labik sik pabui dok kuhria sik ngak rilo pabui njauk ruak laka cambuai tapaok kakau di phường Long Bình, ban Biên Hòa. Kapul pasang iek  hu ngka harak biên bản, peih bruk chap mek am cuh klak tong abih pabui nan chip dalam harei, piah klak nyaih pambak jit ruak laka cambuai tapok kakau tabiak  gah langiu. Gah chức năng tỉnh Đồng Nai dok peih bruk duah thau cambaih laih asar di pabui piah thau bhum hu jit, hu jalan pacang cakak jit, pacang caga njom mbak.

Patui di ini dom khau tin dunya:

8/ Dom urang ngak praong bol bala di HQ saong TQ peih bruk ndom meyai nao mai dua gah, dalam tuk bruk tranh cãi ngoại giao dua taneh jeng daok dui atah, pambuak tal bruk HQ peih Hệ thống phòng thủ tên lửa tầm glaong tukvak puac abih di Mỹ.

9/  # Thủ tướng Nhật Bản Shinzo Abe song urang dang akaok 10 negar palao kaoh  di Thái Bình Dương njauk hatai tagok talei pambuak bruk dalam langyah bruk biến đổi khí hậu, patrun patakik dom bala saong dom kadha bo 2 gah gaok cuang kandah.

  10/ Indonesia paglaong cảnh báo ceik pui Agung di pulao Bali tagok tanut báo động hadei di tuk yaok rituh mbang megei rah tabiak gam gam ngak duh hatai ka bruk huac lac ceik pui ini medeih tagok mbang akaok meti hadei di 50 thun./.