1/ Pahadar 62 thun harei gru jru VN ( 27/2/1955- 27/2/2017), harei 23/2, LĐLĐ ban Hà nội peih bruk taom mbaok song pok meyaom jiak 100 gru jru naih gheih, dom kreik camin hadah gah y đức dalam bruk iek glang song khik caga pren yava ka bhap bini, dom urang nan hu rilo rik dong dalam bruk patagok y tế di ban HN.

2/ Piah caga pacang cakak jit cúm menuk ada, tỉnh Lai Châu hu patabiak công điện pandar dom sở, ban, ngành kapul nyaom, karja dom pakat di puk palei patagok dom jalan ngak, pacang cakak klaoh menuk ada oh thau asal tame puk palei. Langiu bruk yêu cầu brei khik kajap an toàn ka tapol menuk ada labaih 1,2 triệu drei dalam tỉnh, tỉnh sangka tal bruk khik iek menuk ada pajeng meng dom tỉnh karei tame, abih di nyu nan lac khik catang menuk ada nhập lậu tapa pabah mbang negar saong Vân Nam, TQ.

3/ Bác sỹ Tôn Thất Thạnh, Giám đốc pasak y tế dự phòng Đà Nẵng brei thau, meng akaok thun 2017 tal ni, dalam ban ĐN hu 1.210 urang ruak pandiak tabiak darah, rilo jang 223 mbang dut song tuk vak ni thun 2016. Anak bruk rah tabiak kan kandah di ruak, gah y tế ban ĐN brei patagok bruk tui iek dom urang ruak pandiak tabiak darah, dut ie drah, samar duah tabiak ruak.

4/ Báo NT pambuak saong duk pato megru ban Phan Rang – Tháp Chàm peih bruk alin hadiah paok jien bac Quỹ Thiện Tâm ka dom adei anek saih kan kathaot bac naih joi dalam ban. Dalam thun bac 2016 – 2017, ban Phan Rang – Tháp Chàm hu 14 adei hu taduan paok jien bac di Quỹ Thiện Tâm di tập đoàn Vingroup ngan saong yaom daong jien bac daa 500 ribau đồng sa bilan. Dalam mbang ini, yaok adei hu taduan 5 bilan jien bac ngan saong yaom jien 2,5 triệu đồng; abih tih yaom jien hu lain lac 35 triệu đồng. 

5/ UB bhap bini tỉnh Bình Thuận hu panuac likau mintri Công An, mintri Jien padai dong jien caik camera tui iek bruk nao amai angaok jalan dalam tỉnh. Ni lac bruk njauk ngak piah patrun bruk radeih ginuh gauk. Jalan ngak ni gam khi hu siam mekre, jien buh tabiak ka dự án jaik 20 tỷ đồng. Ni lac bruk njauk ngak dalam tuk dok srau kadau ka bruk giao thông urak ni.

6/ Hội Doanh nghiệp pandap Việt Nam chất lượng glaong barau brei thau angan 588 doanh nghiệp mek hu angan pandap VN chất lượng glaong 2017. Ini lac thun ka 21 rah tabiak bruk  duah thau,palih ruah pandap VN chất lượng glaong. Đồng Nai hu 32 doanh nghiệp mek hu angan pandap VN chất lượng glaong thun 2017. Mbang jao giải hu rah tabiak di harei 2/3/2017 di ban raya HCM.

7/ Tui Viện Quy hoạch Thủy lợi gah merong, bruk langik tasik  di dom bilan akaok thun ni rah tabiak kan kandah, brei samar pacang caga ribuk, áp thấp nhiệt đới, hijan khang, ia sua, hangin khang gam saong ribuk, ngak kan kandahtal dom labik dalam tỉnh AG. Kayua yau nan ye, AG oh iek lap tal bruk rah tabiak di pandiak thu, njom mbak, peih bruk pacang caga biến đổi khí hậu dalam bilan thu thun ni song dom thun anak tal, hu rilo jalan ngak khik caga siam mekre ka bruk pala drak song mbang ngui daok dang.

Patui di ini dom khau tin dunya:

8/ Tổng thống In-đô-nê-sia Giô-cô Uy-đô-đô brei thau hu ginum meyai ka dom bruk nao khik iek haong  Ô-xtrây-lia di Biển Đông, tuk ong hu mbang taom gaok  Thủ tướng Ô-xtrây-lia Mác-com Tơn-bun di puac adit ini.

9/ Dom urang ilamu di sang bac Đại học Im-pe-ri-ơ (Imperial), Luân Đôn, negar Anh bahrau brei thau bruk roh duah ka yaom glaong di njam patam boh karaoh ngan song pren yava song umo thun di anek menuac. Tapa roh duah mboh lac, yaok urang prong brei mbang 10 phần njam patam boh karaoh yaok harei (lac labaih 800 g) ye biak siam ka rup pabhap song meda pacang cakak hu jiak 8 triệu urang metai avar yaok thun.

10/ Harei 23/2, sa mbang megei baoh taneh 4,6 độ ríchte hu ngak megei ralo labik gah meraong Philíppin.Viện Núi lửa saong Địa chấn Philíppin brei thau mbang megei baoh taneh rah tabiak tuk 9 tuk 50 harei 23/2 tui mong puk palei, ngan saong tâm chấn atah ban Đa-vao 9 kilômét saong dalam 15 kilômét. Tui Viện Núi lửa saong Địa chấn Philíppin,mbang megei baoh taneh ini oh ngak thei metai saong oh khat lahik trak./.