1/ Di sang pahadar Tổng Bí thư Lê Duẩn  di  xã Triệu Thành, huyện Triệu Phong, tỉnh Quảng Trị, Kapul pachreih baC tỉnh Quảng Trị hu jao 110 pok jien bac ka dom anek saih yam tapa kan kandah bac da-a naih joi. Dom pok jien bac hu jao mbang ni di kadung jien bac “ Mầm xanh” kayua amuk Nguyễn Thị Vân, duik di aruah Tổng Bí thư Lê Duẩn song kapul pachreih bac  tỉnh Quảng Trị padang tabiak meng thun 2008.

2/ Pahadar 20 thun padang veik tỉnh saong 42 thun harei peih paha Quảng Nam (24/3/1975- 24/3/2017),  di miuyim tỉnh Quảng Nam, UB bhap bini tỉnh peih parang iek jak jeng gah kinh tế - xã hội tỉnh. Parang iek yaih khan jaik 130 kadha di urang hội Văn học Nghệ thuật tỉnh Quảng Nam saong urang hội di dom klup kapul nhiếp ảnh di dom puk palei dalam tỉnh. Dalam nan, labaih 40 kadha mek hu ralo giải thưởng dalam taneh ia saong dunya.

   3/ Harei 23/3 di ban sit Gia Nghĩa, Sở Ilamu TT song DL pambuak bruk song tỉnh đoàn Đăk Nông peih giải việt dã kayua pren yava bhap bini thun ni. Mbang pakacah hu mbaok di 1000 urang jakar, công nhân viên song  dam dara di phường Nghĩa Trung, ban sit  Gia Nghĩa, song labaih 200 vận động viên mai meng dom sở, ban ngành di tỉnh Đăk Nông. Bruk pakacah piah jak ba bhap bini pasram thể dục thể thao, pachreih tui bruk jak ba “ Tong abih bhap bini pasram rup pabhap tui jalan Wa Hồ prong uranam” 

4/ Hadei di labaih 3 adit peih ngak bruk “Bilan dam dara 2017”, tal urak ini, dam dara tỉnh BT tuh bê tông hu 4 jalan mbak palei pala yaom jaik 400 triệu đồng, pataom mek saong am cuh klak labaih 15 tấn nerak, pala jaik 2.000 phun kayau. Taphia di nan, pasiam veik saong padang ngak 6 baoh sang ka urang kan kathaot ngan saong yaom jien jaik 200 triệu đồng.

5/ Bến Tre hu labaih 70.000 ha taneh pala liu, năng suất hu labaih 560 triệu boh sa thun.Min kayua njom mbak meng thun bloh nan ye liu nyu ka ieu jhung, lingiu di nan, lac kayua lac boh li u that bhian hu yaom, urang nong paik mek avar, nan ye, năng suất li u thu trun meng  50-60%.  Dalam tuk nan, dalam tỉnh hu 10 DN ngak lisei li u nạo sấy, blei labaih 500 triệu boh li u yaok thun. Kayua yau nan ye, urak ni rilo sang mac ngak li u dalam tỉnh daok kurang nguyên liệu biak trak, mbuan si ba tal padeih ngak. 

6/ UB bhap bini tỉnh Trà Vinh barau payua harak caong mintri jien padai, mintri ngak nông saong patagok palei pala pasang iek daong phun jien 76 tỷ đồng piah pacang cakak pandiak bhang saong mbak  ka sản xuất dalam bilan pandiak 2017, Urak ini Trà Vinh hu trun pajaih jaik 60.000 ha padai đông xuân, dalam nan hu jaik meteh daok kurang ia biak khang saong njom mbak glaong, tỉnh daok samar peih ngak 26 công trình thủy lợi nội đồng piah khik caga padai đông xuân.

7/ Sở ngak nong song patagok palai pala ban raya HCM song pasak roh duah pablei salih song dong ba DN peih  bruk "Ndom biai padang bruk ngak nong- Jalan maong dalam saman bahrau".Jiak 300 dam dara dok ngak mbang pablei salih gah ngak nong di ban raya hu mbaok tame ndom biai.

Patui di ini dom khau tin dunya:

8/ Dalam nyaom meyai pambuak bruk pacang khủng bố IS di Oa-sinh- tơn  harei 23/3,  akaok mintri ngoại giao Ai Cập Sa-mi Su-cờ- rihu ndom cambaih bruk pacang khủng bố di taneh ia ini. Ong Su-cờ- ri ndom lac brei pandar ralo jalan ngak trí tuệ, tổ chức saong an ninh taong abih gah piah pacang cakak dom bruk khủng bố. Ai Cập hu nao dahlau dalam bruk pacang veik dom jalan sahneng cực đoan tapa dom agama.

9/ Liên minh châu Âu hu panuac ieu Bra-xin padeih bruk pablei tabiak tong abih dom janih pandap rilaow tal dom negar di Liên minh piah dom negar ini klah bruk ba tabiak sa lệnh cấm ngan song dom pandap rilaow di Bra-xin bo meda lihik rilo tuk vak piah yah klak./.

10/ Takik di abih 10 urang metai saong dom urang karei njauk rambuah dalam sa bala pambuak tal radaih pajeng pandap di quận Mi-men-xinh atah di ban ine Đắc-ca  di Băng-la-đét. Bala nan rah tabiak di 4 tuk harei 24/3 (tui mong puk palei) tuk sruh radaih pajeng xi măng  laik trun ribaong. Urang njauk bala ralo meng lac urang ngak./.