1 # Thủ tướng Raja-ei bahrau hu panuac brei thau ka bruk peih ngak dự án padang ngak công trình panduan ba bhap bani chip tabiak truh labik daok glut jaleih taneh, labik njauk bala meng langik tasik, ribuk aia sua pak palei 19, xã Lang Quán, huyện Yên Sơn, tỉnh Tuyên Quang. Tui nan, Thủ tướng Raja-ei jao ka Mentri Kế hoạch saong Đầu tư dang tabiak, pambuak haong Mentri Ngak nong saong patagok palei pala saong dom jabat pambuak pagam pasang iek, brei thau ka  tính chất cấp bách di dự án, tacei ba puk palei peih ngak njauk tui adat di Hukum Đầu tư công.

2/ Mintri pato megru barau hu harak payua dom sở pato megru ka bruk tacei pato dom sang bac peih khai giảng thun bac 2016 – 2017. Tui nan, dalam taneh ia njauk gauk peih lễ khai giảng thun bac 2016 – 2017 di mesup harei 5/9/2016 – harei taong abih bhap bini ba uranaih nao bac.

3 # Kuhria caga thun bac bahrau 2016-2017, tỉnh Bình Định buh tabiak labaih 74,6 tỷ đồng piah padang ngak bahrau saong pasiam veik sang bac; dalam nan, tỉnh peih ngak 4 dự án meng phun ODA ngan haong taong abih phun jien 28 tỷ đồng piah padang ngak 4 sang bac. Uỷ ban Bhap bani tỉnh buh tabiak 46,6 tỷ đồng piah pasiam veik saong paglaong hệ thống sang bac, duk balik bac tayah tayac saong blei tame pandap panda pabak hatai caong khin ka bruk pato saong bac di gru pato saong anek saih.

4/ Piah paglaong chất lượng iek glang pren yava tuk camereip, daong lagaih abih piah bhap bini hu tiếp cận dịch vụ y tế, hu kein lagaih abih saong patak pataom jien, meng ini tal thun 2020 tỉnh Tuyên quang hu đầu tư labaih 228 tỷ đồng piah ngak salah bloh hệ thống y tế xã, phường, dalam nan, tỉnh caik 198 tỷ đồng đầu tư padang ngak barau 56 blai y tế, labaih 30 tỷ đồng piah blei trang thiết bị saong pasiam veik 39 blai y tế.

5 # Kuhria tal harei 24 tal 25/8/2016, pak bal sit Gia Nghĩa meda rah tabiak  Hội nghị Xúc tiến đầu tư saong meyaih khan bruk rivang ma-in tỉnh Đắk Nông, piah khan brei thau thaik binguk ka pren khang di Đắk Nông, jhul pakhang bruk xúc tiến, pachreih dom urang buh jien tame ngak dom dự án gah rivang ma-in, pambuak patagok bruk rivang ma-in Đắk Nông haong grauk labik dalam negar.

6/ Mesup harei 24/8, Tổng Công ty Điện lực Miền Nam hu peih lễ mừng công dự án pabak điện ka jaik 35 ribau baoh sang bhap bini oh ka hu điện ralo meng lac bhap bini Khmer di tỉnh Trà Vinh. Ini lac dự án praong hu thủ tướng rajaei mbaoh tangin tame, peih ngak: daong lagaih ka bruk patagok kinh tế, patruh eik patrun kathaot, bhap bini hu điều kiện peih praong sảnx uất, giải trí saong tiếp cận thông tin ralo jang, paglaong rai diuk mbang ngui daok dang di bhap bini abih di nyu nan lac bhap bini Khmer”.

7 # Dalam 8 bilan akaok thun 2016, dom lực lượng chức năng tỉnh Long An duah mboh hu 1.250 mbang pablei salih, pajeng ba pandap lậu saong labaih 1.000 mbang bleik saleik dalam bruk pablei salih. Tui số liệu meng Ban tacei pato pacang cakak buôn lậu, bleik saleik dalam bruk pablei salih saong pandap ja tỉnh Long An, dom janih pandap buôn lậu mboh ralo nan lac pakao hala, saradang, jru tavao… dalam nan, pakao hala saong saradang nan lac dua janih pandap pandiak kayua chênh lệch yaom glaong.

Patui di ini dom khau tin dunya:

8/ TT daok pasang mbaok saong dom trừng phạt khang abih di LHQ hadei di tuk cuh iek hạt nhân ka 4 meng bilan 1 thun ini saong hadei di nan lac dom mbang cuh tên lửa chiến lược daok ngak catang tagok dalam khu vực.

9 # Pháp saong Đức brei thau ka sa hukum bahrau pandar ka taong abih Châu Âu, pandar dom jabat điều hành dịch vụ tin nhắn angaok điện thoại di động brei adat ka dom gah chức năng taom gaok haong dom tin nhắn hu mã hóa blaoh piah daong ka bruk điều tra tội phạm khủng bố. Kadha brei thau ini hu ba tabiak dalam tukvak dua negar bahrau kandok dom mbang tấn công khủng bố bak darah kuhria meng puac thun dahlau.

10/ Urang ngak praong mban Phlo-ri-đa, Mỹ harei 24/8  brei thau 5 urang njom barau Zika, patagok dom urang njom Zika di mban ini lac 42 urang./.