1# Thủ tướng rajaei tacei pato mintri jien padai brei buh tabiak oh mek jien 120,87 tấn brah meng kadung caik piah negar ka tỉnh Lào Cai piah daong klah eik ka bhapbini gaok kan kandah kayua ribuk ka sa saong ka dua thun 2016. Thủ tướng rajaei pandar Uỷ ban bhapbini tỉnh Lào Cai ttaduan mek saong pandar brah hu brei nan piah daong drak samal, njauk menuac, njauk urang tui quy định.

2/ Di HN, mintri kế hoạch saong đầu tư pambuak bruk saong mintri ngoại giao HQ barau peih mbang nyaom ka 15  Ủy ban 2 rajaei ka talei pambuak bruk kinh tế saong ilamu kỹ thuật VN – HQ. Di mbang nyaom, dua gah hu ginum meyai  jalan jhul pakhang talei pambuak bruk dalam dom gah : pablei salih, đầu tư, pambuak bruk patagok, lao động, taneh riya, cơ sở hâ tầng saong bruk hu mbaok di dua taneh ia dalam dom kadha pambuak bruk khu vực saong dunya.

3# Mintri Tài nguyên saong Môi trường pambuak bruk saong gilang pariak dunya barau peih ginum biaai peih ngak bruk ngak negar ka khik ramik chat luong không khí tal thun 2020, pamaong tal thun 2025. Brei panuac di nyaom biai, ông Võ Tuấn Nhân, Thứ trưởng mintri Tài nguyên saong Môi trường brei thau, nerak alam môi trường daok lac cuang kandah praong di rilo taneh ia di dunya. Di Việt Nam, dalam dom thun jaik ini, gam saong bruk công nghiệp hóa, đô thị hóa, nerak không khí jeng lac bruk pandiak, pachreih bruk sangka di bhapbini .

4/ Dalam 9 bialn tapa, ban Cần Thơ hu lanyah labaih 2000 mbang buôn lậu, bleik saleik  thương mại saong pandap ja (raro jang 50% mbang duk saong thun dahlau. Tapa nan taong phạt hành chính labaih 46 tỷ đồng, ralo jang 32 tỷ duk saong   thun bloh. Dom pandap vi phạm  ralo meng lac  pakao hala, mỹ phẩm, phụ tùng radaih mac, xăng, menyek, vật tư ngak nông; khak drak, mot bảo hiểm oh hu chất lượng.

5# Ban tacei pato Tây Nam Bộ pambuak bruk saong Uỷ ban bhapbini  tỉnh Cà Mau, sang bac Đại học Bách khoa ban raya Hồ Chí Minh saong Tập đoàn thép JFE di Nhật Bản, peih nyaom biai pandar dom pandap thép saong kỹ thuật tiên tiến tame bruk dak padang cơ sở hạ tầng jalan nao mai ka bhum taneran kraong Cửu Long.  Bruk roh duah ini saong dak padang tatua thép di palei pala  bhum taneran kraong Cửu Long meda ngak salih ia mbaok bhum palei pala, duh siam raiduik dân sinh saong praong jang lac rik daong tame bruk padang ngak palei pala barau di dom puk palei .

6/ Mban chỉ huy pacang cakak bala meng lingik tasik – duah  daong urang njauk bala  ban sit Long Mỹ, tỉnh Hậu Giang brei thau, sa urang di puk palei ini barau njauk cakra klak metai. Harei 22/9, di ban sit long Mỹ hu hajan khang gam tui cakra. Tukvak nan, saai Phan Tấn Phong, ndih tapui thun 1997, daok di palei 3, xã Long Trị nao caik halam langiu hamu njauk cakra klak metai. Thau hu bruk nan, karja puk palei hu nao rivang, klah rabha saong daong baoh sang saai Phan Tấn Phong yaom jien 5.400.000 đồng.

7# Urak ini, bruk pablei salih lậu, gian lận pablei salih di ban raya Hồ Chí Minh rah tabaik rilo. Jaik 9 bilan ini, gah khik ramik darak pasal di ini hu pasang iek, xử phạt, pataom mek saong cuh klak dom pandap panda yaom labaih 110 tỷ đồng .  Lingiu di nan, gah chức năng jeng mek khik jaik 560 rabau pok pakao hala lậu saong labaih 290 sruh radaih patuh.

Patui di ini dom khau tin dunya:

8/ Gah cứ hộ Bănglađét brei thau, hu duah mboh 18 urang dalam mbang tableik kapal pajeng tuai rah tabiak dahlau nan sa harei angaok kraong Son Ha labik nao tapa Ba-ri-san, gah meraong taneh ia ini. Tui panuac meng gah cảnh sát puk palei, urak ini jeng daok 8 urang daok lahik.

9# Tui báo Di-di (Jiji) Nhật Bản tabiak harei 22/9, Tổng thống Phi-lip-pin Rô-đri-gô Đu-téc-tê daok kuhria tapa ravang Nhật Bản di puac bilan 10 tal. Ini lac mbang ravang Nhật Bản akaok mereip di ông Đu-téc-tê kuhria meng tuk ong tagok ngak Tổng thống Phi-líp-pin bahrau ini.

10/ Rajaei Anh brei thau, hu brei 40 triệu bảng Anh (samu 52 triệu đô la Mỹ ka bruk daong pahala di Irac hadei di tuk kuhria mboh dahlau lac, hu biak rilo menuac njauk panduan nao tuk bol bala rajaei Xyri peih bruk peih paha Mô-sun (Mosul), ban praong ka dua di Irắc./.