1/ Di Học viện Chính trị Quốc gia Hồ Chí Minh, Akaok Quốc hội Nguyễn Thị Kim Ngân hu var ndom nyai song dom urang jakar khik ramik, patao pakai song roh duah ilamu thun 2017 ka Hukum Negar thun 2013 song dom kadha bahrau dalam bruk dak padang karja pháp quyền xã hội chủ nghĩa di Việt Nam.Akaok QH caong lac, aanak TAL, Học viện Chính trị Quốc gia Hồ Chí Minh  pambuak pagam song QH tapa dom danak dak pambuak bruk lac, yaok mbang ginum biai di QH meda hu dom urang jakar pato pakai di Học viện mai hu mbaok. Yau nan, langiu bruk roh duah lý luận ye dom panuac ndom puac dalam nghị trường meda pabak bruk pato pakai ka dom giảng viên.

2/ Di HN Ban chấp hành Trung ương, Ủy ban pasang iek peih nyaom meyai pakat negar pataom iek veik bruk pasang iek di Đảng thun 2016, peih tabiak jalan ngak ka thun 2017. Thun 2016 lac thun akaok nhiệm kỳ nyaom raya Đảng mbang 12. Dom kan kandah, tavak tavaiy njauk caik hatai lac bruk tham nhũng, palai pajoa, suy thoái ka tư tưởng, chính trị saong phẩm chất đạo đức, jalan diuk rai di sa bộ phận urang jakar, urang đảng. Kayua yau nan ye, dom pakat ủy, tổ chức Đảng, UB pasang iek dom pakat hu padang ngak, patabiak quy chế, jalan ngak, kế hoạch pasang iek, tui iek cambaih tui jalan. “pasang iek brei hu trọng tâm, trọng điểm”, “tui iek brei peih praong”, pambuak dak padang saong pacang cakak.

3/ Nhật bản urak ni lac negar dang akaok ka dom dự án buh jien tame ngak mbang di ban Đà Nẵng, ngan song 115 dự án saong yaom phun jien abih tih jiak 400 triệu đôla mỹ, rilo meng lac dom bruk công nghiệp chế biến chế tạo, công nghệ thông tin song truyền thông, dịch vụ.Dom Doanh nghiệp NB taong yaom glong labik ngak mbang di ĐN song cong khin pambuak bruk ngak mbang suai lavik, abih di nyu duah menuac ranaih umo piah DN Nhật Bản salih công nghệ bahrau dalam gah cơ khí chế tạo.

4/ Tập đoàn pablei rai Ca-phua barau brei thau lac padeih pablei ikan pra di VN di dom darak pasar hu siêu thị di tập đoàn ini yau di Prang, Bỉ, Tây Ban Nha. Bruk ini mai meng meta maong oh ka cambaih di dom taneh ia châu Âu pamaong tame sa dalam dom pandap thủy sản pablei laik abih di VN pak di Châu Âu. Hiệp hội ikan pra VN hu var ngak bruk saong gah pambuak bruk di đơn vị ini lac Tổ chức chứng nhận BAP, thành viên di liên minh thủy sản dunya saong di nyaom darak pasar thủy sản Brussels (Bỉ) dalam bilan 3-2017 meda ba tabiak dom thông tin cambaih, njauk tal urang blei mbang di Châu Âu jeng yau dom darak pasar praong ka ikan pra VN. 

5/ Tỉnh Quảng Trị urak ni hu labaih 180 labik pablei salih jru khik caga phun pala, dalam nan hu labaih 100 labik oh ka hu adat, rilo meng lac di bhum palei pala ngak kan kandah tal bruk tong yaom, parabha jani, tui iek chất lượng vật tư ngak nong, song dok mbuan ba tal bruk oh hacih saat pandap mbang. Gah ngak nong tỉnh Quảng trị hu pambuak bruk song dom gah chức năng patagok pasang iek, langyah rilo bruk ngak suan.

6/ Di ban sit Lạng Sơn, sở ilamu – TT saong DL tỉnh Lạng Sơn hu peih nyaom meyai Lạng Sơn – labik DL tâm linh 2017 piah yaih khan ka tiềm năng, pren khang, pandap DL tâm linh di tỉnh.  Dalam tỉnh Lạng Sơn hu labaih  600 labik saong hu labaih 300 lễ hội; dalam nan, rilo labik meda peih hu DL tâm linh. 

7/ Adit Đông y mbang ka 3 thun ni hu peih tabiak di phố Đông y, phường 10, quận 5 ban raya HCM. Bruk ni pachreih hu labaih 300 gian hàng song jiak 200 đơn vị ngak bruk gah y dược cổ truyền dalam song lagiu ban raya mai hu mbaok

Patui di ini dom khau tin dunya:

8/ Chánh văn phòng rajaei Nhật Bản Sư-ga brei thau, NB phản đối Nga ka bruk brei pabak rilo jang urang lin di pulao merak gauk. Ini lac bruk barau abih dalam bruk  meriak gauk ka lãnh thổ ngak oh siam talei pambuak bruk Nga – NB meng hadei di tuk kalin kan dunya mbang ka 2. Di mbang họp báo, ong Sư-ga ndom lac, rajaei NB daok tui iek dom bruk ngak di Nga saong duah thau cambaih bruk nan. 

9/ Akaok mintri Kinh tế Mê-hi-cô I-đê-fon-sô Gua-ja-đô brei thau, negar ni meda pasang iek " kế hạch B", tong thuế tame pandap panda MỸ, meyah dom mbang ginum biai piah mek hu sa thỏa thuận pablei salih kein lagaih bahrau ka 2 gah oh jeng. Min ongI Đê fon sô Gua ja đô cong khin dom mbang ginum biai ka hiệp định pablei salih tự do Bắc Mỹ song  Mỹ haong Ca-na-đa hu peih tabiak dalam bilan hè ni song hu tamat di puac thun ni.

10/ Thủ tướng Trung Quốc Lý Khắc Cường hu panuac pachreih karja dom puk palei kreik pabah mbang darak pasar pablei menuk ada di dom labik gaok kan kandah kayua chủng virút cúm menuk ada H7N9. Rajaei Trung Quốc tabaik panuac lac meda patagok bruk tui iek jit cúm menuk ada saong bruk pajeng ba menuk ada diuk. Hu thau, jit cúm menuk ada di TQ  ngak ka 79 urang metai dalam bilan 1./.