1/ Tỉnh Quảng Ninh hu jalan negar song Trung Quốc song hu rilo pambah mbang nega, nan ye mbuan si njom jit ku1m biak glong. Tỉnh Qninh hu caga pacang jit kum njom tapa jalan tapen negar tame VN, hu panuac ieu dom mban, ngành dom gah chúc năng tỉnh khik caga khang tong abih jalan tapen negar piah pacang cakak bruk nhập lậu menuk ada suan adat tapa nega, tui iek dom bruk sik ngak, pablei salih menuk ada, pandap ngak meng ralo menuk da dalam tỉnh.

2/ Di pasak nyaom darak pasar parang iek pakat dunya ban Hải Phòng hu peih adit pandap TL 2017. Ini lac mbang ka 5 danak dak hu rah tabiak di ban Cảng. Hu 60 công ty Việt Nam saong labaih 70 gian hàng parang iek saong pablei rilo janih pandap meng thực phẩm saong ia menyum, baoh kayau that, pandap pandar dalam sang, menyim jhik, trang sức.

3/ Phó GĐ sở ngak nong song patagok palei pala tỉnh Bình Định  brei thau, hu ginup ia pruh  bilan hè thu song samar pacang caga bilan thu thun ni, Tỉnh BĐ hu ba tabiak rilo bruk pruh ia patak patom tui jalan “ pasah thu pablah gauk”, pruh ia hajan song pruh sit sit ka phun pala. Tui kuhria meyah meng bilan 6 tal puac bilan 8 oh hu hajan ye tame tuk vak tabung glong hu tal 8000 boh sang kurang ia pandar.

4/ Sở pato megru tỉnh Ninh Thuận peih bruk tamat harei pataom pakacah gru pato naih joi pakat mầm non thun bac 2016-2017. Hu mbaok tame harei pataom pakacah hu 105 gru pato pakat mầm non di 7 huyện, ban dalam tỉnh. Tamat harei pakacah hu 43 gru pato hu brei angan gru pato joi pakat tỉnh. Dalam nan, hu sa gru pato mek hu giải sa, 2 gru pato mek hu giải 2, 3 gru pato mek hu giải 3 saong 4 gru pato mek hu giải khuyến khích.  

5/ Pamong tal dom bruk ngak pahadar 86 thun harei padang kapul dam dara cộng sản Hồ Chí Minh (26/3/1931-26/3/2017), bahrau ni, di sang bac Trung học phổ thông Hoàng Văn Thụ, Huyện đoàn Châu Thành, tỉnh Tây Ninh peih diễn đàn dam dara hu angan “ urang ranaih umo song hatai anit ranam taneh ia” Hu 1200 urang đoàn, dam dara hu mbaok tame. Tapa mbang ginum biai piah dong ka dom ayhut thau dom sarak hukum di Đảng song karja drei, jang yau dong pato pakai, paglong akaok sahaneng ka urang đoàn, dam dara di sang bac, piah thau song jeng sa urang anit ranam taneh ia

 6/ Meng akaok thun tal ini, kapul urang nông huyện Phú Giáo, tỉnh Bình Dương pambuak saong kapul urang nông tỉnh peih 12 tal pasram ilamu pala saong iek glang phun amraih kalu, cao su ka labaih 550 mbang urang hội, urang nông dalam huyện. Taphia di nan, huyện Phú Giáo hu peih 7 tal pato bruk ngak ka urang ngak palei pala; pambuak saong gilang pariak sarak karja huyện pasang iek saong brei mesraiy labaih 1,5 tỷ đồng ka 76 baoh sang, patagok yaom jien brei mesraiy tal urak ini lac labaih 77 tỷ đồng ka 4.573 mbang baoh sang mesraiy.

7/ Huyện Vĩnh Cửu, tỉnh Đồng Nai peih bruk alin hadiah pabe binai ka 19 boh sang kan di xã Mã Đà song 20 boh sang hu jao phun jien piah rong ba ba, abih tih phun jien nan lac 300 triệu đồng, yaok boh sang hu dong 15 triệu đồng blei anek pajaih. Tong abih yaom jien nan kayua Công ty Taekwang Vina dong brei.

Patui di ini dom khau tin dunay:

8/ Mintri pablei salih Thái Lan, ong Su-thát-sa-nibrei thau: Thái Lan lac sa dalam dom taneh ia pablei brah tabiak negar langiu dang akaok dunya ngan saong sản lượng xay xát jaik 20 triệu tấn sa thun, min oh ka hu pasak đầu mối giao dịch atau labik ngak dreih yau nan.  Darak pasar pasak brah xay xát hu brei adat dom gah xuất khẩu, xay xát saong urang nông gaok tapak đối tác tiềm năng saong so sánh yaom. Ini lac labik brei adat urang nông pablei brah tapak tal tuai damuai tiềm năng.

9/ Akaok mintri Nội vụ Áo Vôn-phơ-gang Xô-bốt-ca harei kabroi hu ba tabiak sáng kiến bahrau pagam tal jien ndua piah pachreih urang tị nạn di negar Áo halan hatain mai veik palei negar. Tui akaok mintri Xô-bốt-ca, negar ni hu dong 1 ribau ơ-rô ka yaok urang dalam sa ribau urang tị nạn camereip halan hatain tabiak truh Áo.

10/ Tui kuhria di gah ngak pahala UB Hội chữ thập đỏ dunya, hu labaih 20 triệu menuac daok dang anak bruk eik lipa di Yê-men, Xô-ma-li, Nam Xu-đăng saong Đông Bắc Ni-giê-ri-a. Gam saong bruk eik lipa, jit ruak jeng daok tamuh tabiak khang di dom taneh ia ini, abih di nyu nan lac jit tả. Tui kuhria mboh di Yê-men, yaok harei hu 20 urang metai kayua jit ruak saong vết thươngdi bruk mesruh metak./.