1 # Piah cụ thể hóa Nghị quyết 35 di Raja-ei, pak Bal raya ồ HồHồ Chí Minh, urang pal akaok di 32 tỉnh, bal meng Thừa Thiên Huế tal Cà Mau hu mboh tangin sanya haong urang pal akaok Phòng Công nghiệp saong Thương mại Việt Nam ka bruk palaghaih môi trường kinh doanh ka doanh nghiệp. Tui nan, jhul pakhang bruk cải cách thủ tục hành chính, dui katut panak tukvak đăng ký dak padang doanh nghiệp, takik abih 1 thun 2 mbang ndom biai nao mai haong doanh nghiệp, brei thau cambaih laih thông tin. Pok sap ndom di van taceipato lễ mboh tangin sanya, Phaok Thủ tướng Vương Đình Huệ, khang panuac lac: Tal tuk njauk salih bahrau saong paglaong mô hình tăng trưởng, chất lượng ngak bruk, pren meriak gauk di doanh nghiệp, meng bruk palaghaih môi trường kinh doanh ka doanh nghiệp.    

2/ Meng biar harei sup saong melam 26/6 di Bắc bộ hu hajan dong gam tui ngin khang. Harei 27/8 hajan dông, ngin khang nao tal labik Bắc Trung Bộ. Abih ia hajan meng 50 tal 100mm, hu labik labaih 100mmm. Mbuan rah tabiak lốc, xoáy, hajan patau saong ngin khang di dom tỉnh Bắc Bộ saong B8ac1 trng bộ. Pasak dự báo khí tượng thủy văn cảnh báo: ia sua di dom kraong craoh, jaleih taneh di bhum ceik gah brak, dauk di labik biar, abih di nyu nan lac dom tỉnh Lai Châu, Sơn La, Hà Giang, Bắc Kạn, Cao Bằng, Quảng Ninh.

3 # Pasak Rivang ma-in Phong Nha Kẻ Bảng (huyện Bố Trạch, tỉnh Quảng Bình) brei thau: meng harei 27.8, pasak rivang ma-in Phong Nha – Kẻ Bàng pambuak haong Klup kapul Daoh trù Đồng Dương (huyện Quảng Trạch, Quảng Bình) peih bruk biểu diễn daoh trù pak tuyến du lịch Sông Chày - Hang Tối dalam dom harei Car, Dit yaok adit. Hadei di nao mong iek Hang Tối, tuai damuai meda hu thưởng thức danak dak nghệ thuật biak karei kayua dom urang nghệ nhân daoh trù dalam không gian sang rường meng kan, tapa nan ngak brei ka daoh trù Quảng Bình nao tal haong bhap bani, tuai damuai. Danak dak angaok nan hu angan iew lac “Daoh trù Quảng Bình, sưởi ấm mùa đông Di sản”. 

4/ Hadei di 5 thun peih danak dak sang daok ka urang ngak kan kathaot (tukvak 2012 – 2016), tal urak ini, Quảng Ngãi hu 229 baoh sang urang đoàn, urang ngak kan kathaot gaok kan kandah ka sang daok, daok daok dalam sang taik tahak hu tổ chức công đoàn daong padang ngak barau, ngak pasiam veik, tapap nan daong hatai caong di urang ngak kan kathaot hu jeng biak.

5 # Piah patrun dom khat lahik kayua ruak đốm nâu, Sở Ngak nong saong Patagok palei pala tỉnh Bình Thuận bahrau peih ngak mbang tabung glaong pacang caga ruak đốm nâu angaok phun thanh long grauk labik dalam tỉnh. Tukvak peih ngak mbang tabung glaong meng harei 25/8 tal 31/10. Pak dom puk palei dalam tỉnh, meng page mesup, ralo urang nong tabiak beik ngak vệ sinh. Yau jah tak harek hareim dalam bein; kuac kuah ribaong, palahgaih bruk tathuak aia samar ka bein thanh long.

6/ Peih ngak danak dak bruk ngak thun 2016, di ban raya HCM công đoàn xây dựng VN hu peih bruk pasram megru hukum an toàn vệ sinh lao động ka dom đơn vị labik gah meraong. Nyaom meyai hu pang 3 nghị định tacei pato nan lac: Nghị định 37/2016/NĐ-CP qui định ka Bảo hiểm bala lao động, ruak nghề nghiệp bắt buộc; Nghị định 39/2016/NĐ-CP qui định chi tiết dom paka di hukum ATVSLĐ, Nghị định 44/2016/NĐ-CP qui định ka bruk ngak kiểm định kỹ thuật an toàn lao động, pasram megru  an toàn lao động, vệ sinh lao động saong quan trắc môi trường.

7 #  Phòng Cảnh sát điều tra tội phạm ka ma túy - Công an bal raya ồ HồHồ Chí Minh brei thau bahrau cap mek hu sa mbang pablei salih, pajeng ba suan adat hukum jru phien ma túy, cap khik 14 kg ma túy patau, sa mbaik phao gam haong ralo pandap panda karei.

Patui di ini dom khau tin dunya:

8/ Thủ tướng Đức An-giê-la Méc-ken hu mbang nao rivang Cộng hòa séc sa harei dalam mbang nao rivang dom taneh ia Châu Âu. Amuk hu mbang ginum meyai saong Thủ tướng Cộng hòa Séc Bô-hu-slap Sô-bốt-ka piah ginum meyai ka bruk khủng hoảng urang di cư tame châu Âu, tương lai di liên minh châu Âu hậu tukvak Anh tabiak truh khối, saong pambuak bruk dua gah dalam dom lĩnh vực. Dua thủ tướng jeng ndom lac brei patagok talei pambuak bruk di dom taneh ia, dalam nan hu TNK, dalam bruk mesruh pacang khủng bố, abih di nyu nan lac pacang veik IS.

9 # Ngoại trưởng Mỹ Giôn Ke-ri (John Kerry) hu ba tabiak sa sáng kiến hòa bình bahrau ka Yêmen (Yemen), ngan haong mục đích dak padang raja-ei gul pataom piah langyah bruk methuh gauk dui atah 17 bilan tapa pak negar Trung Đông ini. Sáng kiến hòa bình di Ngoại trưởng Giôn Ke-ri taduan mek hu bruk pachreih tui meng dom negar vùng Vịnh. Tui nan, panuac sanya bahrau hu bruk peih ngak samu gauk dom jalan ngak ka an ninh saong chính trị piah pamong tal sa jalan ngak toàn diện ka Yêmen, dalam nan pandar nyaom Hồi giáo Hu-thi (Houthi) njauk rút quân tabiak truh bal ine Xa-na (Sanaa) saong dom bal prong, taphia di nan panduan jao taong abih phao ndao saong lực lượng liên minh haong nyu ka sa gah ka klau. Yêmen laik tame mbang srau dhau hadei di mbang chính biến pajaleih urang dahlau diah ngak Tổng thống Áp-đu-la Xa-lê (Ali Abdullah Saleh) dalam thun 2012.

10/ Tổng thống Nga Vla-đi-mia Pu-tin hu tabiak lệnh peih dom bruk tập trận quân sự piah pasang iek khả năng halan hatian chiến đấu di bol bala di sườn gah pai di taneh ia, jaik U-crai-na saong dom taneh ia Ban-tích . Bộ trưởng Quốc phòng Nga Soi-gu brei thau, dom bài tập hu pasang iek khả năng di tapol nyaom bol pan phao kraong đóng di gah meraong taneh ia Nga dalam bruk triển khai piah langyah dom bruk khủng hoảng. Taphia di nan, lực lượng di dom quân khu gah pai saong bhum kreih negar hu payua viện binh mai gah selatan meyah cần thiết./.