#/ Caga taduan thun bac bahrau 2016-2017, piah langyah abih bruk labaih gru pato, UB bhap bini tỉnh Thanh Hóa brei padang 4 kapul pasang iek, hu hadom anek saih, sang bac, tal bac song thau cambaih urang ngak bruk di dom sang bac mầm non, tiểu học,  trung học cơ sở dalam tỉnh. Tui nan, meng harei 25 tal 28/7 dom kapul brei pasang iek, brei thau cambaih ka hadom sang bac, tal bac, anek saih, bruk parabha anek saih dalam tal bac, gru pato di yaok pakat bac di puk palei, tui jalan định mức quy định, số liệu thẩm tra, piah ba tabiak biên chế urang jakar khik ramik, gru pato, urang ngak bruk hành chính thun bac 2016- 2017.

#/ Meng thun 2010 tal ini, huyện Cát Tiên, tỉnh Lâm Đồng hu buh tame labaih 200 tỉ đồng piah patagok bhum urang bangsa takik pak di labik. Dalam nan, puk palei pataom tame dom phun jien định canh, định cư, danak dak 134, 135, danak dak patrun kathaot samar saong khang kajap… Tapa nan, mbaok meta bhum bangsa dalam huyện hu salih barau biak rilo

#/ 5 thun tapa, dalam tỉnh An Giang hu 8.776 mô hình “Jak ba gheih” hu padang tabiak song patagok kein laba. Meng bruk “Jak ba gheih” hu mboh rilo urang ngak mbang hu kein laba dalam bruk salih janih phun pala, athur rong, patagok bruk ngak, rik patom dong ka mik va njauk bala, jit ruak, mik va kathaot. Tui nan, dom pakat, dom gah patom tame tacei jalan, pathau khan, jak ba bhap bini peih ngak rilo bruk hu kein laba yau padang ngak “Khu dân cư tự quản”, “  Kapul urang kamei patom mek, parabha rác thải” “ Boh sang 5 oh, 3 hacih”…hu urang njauk hatai pachreih tui dalam rai duik ilamu bahrau, dong gauk patruh eik patrun kathaot.

#/ Biar harei 27/7, di labik dự án Dream Home Luxury - Gò Vấp daok di jalan 59,  Phường 14, Quận Gò Vấp, ban raya Hồ Chí Minh kayua Công ty Trách nhiệm hữu hạn Nhà Mơ ngak po đầu tư nyu jaleih giàn giáo ngak ka 1 urang metai. Urang metai nan lac công nhân Phạm Hữu Giang (umo18 thun, palei daok di tỉnh Đắk Lắk). Langiu di nan daok hu dua urang kakei njauk rambuah trak urak ini daok hu cấp cứu. Hadei di tuk bala rah tabiak, công trình brei padeih ngak piah điều tra. Tal mesup harei 28/7, gah chức năng jeng daok phong tỏa, khám nghiệm hiện trường, duah thau cambaih makna ba tal bala.

#/ Meng akaok thun tal ni, dalam negar hu 39.298 mbang urang njauk ruak di 46 tỉnh, ban, dalam nan hu 12 urang metai. Dut song tuk vak ini thun 2015  (hu 13.750 mbang urang njauk ruak), ye urang ruak thun ni rilo jang jaik 3 mbang. Piah pacang caga ruak pandiak tabiak darah, ong Trần Đắc Phu, Cục trưởng Cục Y tế dự phòng (mintri Y tế) hu panuac ieu urang dang akaok dom puk palei tacei pato, khik ramik, peih ngak khang bruk pametai lăng quăng, bọ gậy di dom labik mbuan tamuh ruak dalam tỉnh. Saong brei peih bruk pruh jru hóa chất tong abih dom boh sang di dom sruh jit.

#/ Viện Dinh dưỡng negar (mintri y tế) barau brei thau ka bruk lavang lavaih di uranaih umo ala 5 thun dalam negar thun 2015. Cambaih laih nan lac: lavang lavaih hanjul kilo  trun 0,4%, lavang lavaih thấp còi trun 0,3%. Bruk lavang lavaih di uranaih hu karei di gauk di dom bhum sinh thái, dom bhum palei. Dalam nan, glaong abih lac labik bhum Tây Nguyên (uranaih lavang lavaih hanjul kilo lac 21,6%, lavang lavaih thấp còi lac 34,2%); patui di nan lac bhum trung du saong bhum ceik gah brak (uraniah lavang lavaih hanjul kilo lac 19,5%, lavang lavaih thấp còi lac 30,3%).  

# Tal tuk vak ni, tong abih dom urang mbuan njauk ruak dalam bhum jit ruak bạch hầu di tỉnh Bình phước jeng hu brei saoh jru piah pacang caga ruak, jit ruak dok pacang hu. Meng harei 22/6 mbiah tal ni, tỉnh BP hu 11 urang njauk ruak bạch hầu, dalam nan hu 3 urang metai. Hu 52 urang hu tui iek ruak saong brei daok karei, dalam nan hu 49/52 mbang dut iek mboh âm tính, 3 mbang dok cang dut iek drah di Viện Pasteur ban raya Hồ Chí Minh.

Patui di ini dom khau tin dunya:

#/ Jabat y tế bang Florida, Mỹ harei 27/7 brei thau daok duah thau bruk 2 urang njom virút Zika oh pambuak tal bruk nao DL tal bhum hu jit, ngak patagok bruk njom mbak jit Zika dalam taneh ia Mỹ. Piah thau lacc Zika nyu njom mbak dalam taneh ia bo oh lac kayua njom tame meng gah langiu, dom chuyên gia dịch tễ brei pasang iek sang nan saong dom baoh sang dalam bán kính 135 mét vir taom dar labik daok di urang njom Zika. Kuhria tal urak ini, bang Phlo-ri-đa mboh hu 328 urang njom Zika hu pambuak tal bruk nao DL saong daok tui iek 53 urang kamei daok metian njom Zika.

Thủ tướng Hi Lạp A-lếch-xit Tơ-si-prát harei 27/7 brei thau, negar ni hu pah yaok rituh gru pato piah dong yaok ribau uranaih di cư hu mbaok di dom sang bac công dalam bilan Thu tal. Dalam 57 ribau urang di cư, rilo meng lac mai meng Xyri dok gar veik di Hy Lạp kayua bruk kreik pabah mbang negar di bilan 3 ye hu tal 1/3 lac uranaih. AKAOK Mintri pato megru Hy Lạp Ni-côtx Phi-lit brei thau dom uranaih di cư dalam umo nao bac lac 22 ribau adei. Gah pato megru Hy Lạp kham merat dong ka dom uranaih tỵ nạn, pato dom adei sap Hy Lạp atau sap bo dom adei palih ruah. Dom uranaih halei dok atah ban meda hu bac tapak dalam dom trại tỵ nạn.

#/ Ấn Độ barau mbaoh tangin saong hãng Boeing sa hợp đồng hu yaom jaik 1 tỷ USD piah blei gilac 4 kapal haok do thám angaok tasik P-8I piah patagok năng lực ka hãi quân taneh ia ini. Ấn Độ hu 8 kapal haok tầm atah, hu ba tame ka hải quân meng bilan 5/2013 tal bilan 10/2015, piah tui iek kapal ngầm di Ấn Độ Dương. Tui kuhria  4 sruh barau  hu jao dalam 3 thun tal. Urang brei panuac di Boeing brei thau dom kapal haok P-8I meda hu pandar ka dom bruk tuần tra hàng hải tầm atah saong hu tên lửa Harpoon pacang tàu ngầm./.