#/ Di HN dok peih bruk parang iek “ Ilamu song nghệ thuật Thái Lan” piah pahadar 40 thun harei padang talei  rohim VN –TL (1976 - 2016) song dom harei ilamu Thái Lan di  Việt Nam.Parang iek dom pandap  thủ công mỹ nghệ meng 4 bhum palei di taneh ia TL, dalam nan hu nghệ thuật ngak con rối, kadung bingi thu tranh vải batik, điêu khắc angaok boh kayau,njam patam boh karaoh, nghệ thuật cắm bingi that song sap drap hala patei. Ni lac bruk  ilamu hu makna yaih khan tal bhap bini VN song ayhut dunya dom janih ilamu di taneh ia TL, tapa nan, dong patagok bruk taom gaok ilamu, nghệ thuật di 2 negar.

# Harei 28/7, di ban sit Tam Kỳ, kapul nghệ sĩ nhiếp ảnh VN pambuak bruk saong UB bhap bini tỉnh Quảng Nam peih harei pataom thaot nghệ thuật Nam Trung bộ - Tây Nguyên mbang ka 21. Harei pataom thaot nghệ thuật Nam Trung bộ - Tây Nguyên mbang ka 21 pachreih hu 2.026 tác phẩm di 289 tác giả hu mbaok tame. Tapa 3 vòng chấm, hội đồng giám khảo palih ruah hu 15 tác phẩm hu chất lượng nghệ thuật glaong piah jao giải thưởng di harei pataom thaot nghệ thuật mbang ini.

#/ Meng thun 2002 mbiah tal ni, Kapul Chữ thập đỏ Mỹ hu dong VN peih ngak 14 danak dak, dự án pahla, di 22 tỉnh, ban dalam taneh ia, ngan song tong abih tih labaih 20 triệu USD. Dom danak dak, dự án hu pataom tame dom bruk iek glang pren yava, dong ka urang jaoh jo song pacang caga bala, lagaih haong bruk biến đổi khí hậu.

#/ Biar harei 28/7, kapul thanh tra di mintri y tế barau duah mboh công ty coca cola VN hu dom vi phạm ka an toàn thực phẩm nan ye taong phạt hành chính abih tih  labaih 433 triệu đồng. Thanh tra mintri y tế jeng pandar công ty coca cola VN pataom mek taong abih lô pandap hu chất lượng oh njauk saong tanut chuẩn.

# Bilac Thú y huyện Quảng Ninh, tỉnh Quảng Bình bahrau dar jiak 100 drei pabui metai kayua ruak jit tả. Pabui metai ni hu urang klaak ba glai ban klo ngak ô nhiễm môi trường trak. Bruk njauk duh hatai lac urak ni rilo boh sang rong hu pabui ruak, metai dok kanduak oh khan ka jabat chức năng thau nan ye mbuan si ngak brei njom mbak jit ruak.

# Meng akaok thun tal ini, di tỉnh Quãng Ngãi hu jaik 3.500 urang njauk sau, mengeu kaik hu nao klauk jru pacang cakak gila. Nan lac dom urang nao klauk jru pacang cakak, daok dom urang njauk sau mengeu kaik oh nao klauk pacang cakak daok hu ralo jang. Bruk sau raong palao saong kaik menuac nyu rah tabiak ralo. Tui bác sỹ Võ Văn Phú, Phaok Giám đốc pasak Y tế dự phòng tỉnh Quảng Ngãi, makna ba tal metai kayua sau gila kaik ralo meng lac oh nao klauk jru pacang cakak, saong labik kaik biak trak: “Klauk pacang cakak vacxin ngan saong urang njauk sau medil lac gila kaik ini lac bruk nduac pakacah gauk di vi rut vaccin saong vi rut hoang dại. Gahchuyên môn, urang kakei taong abih dom urang halei njauk sau kaik labaih dua adit bo hu klauk jru ginup ye bruk metai kan rah tabiak”. 

#/ Ruak pandiak tabiak darah  dok rah tabiak di tỉnh Bình Định hu sa urang metai. Tal tuk vak ni, tỉnh BĐ hu 2.948 mbang ruak pandiak tabiak drah, sa urang metai di huyện huyện Hoài Nhơn. Dom urang ruak di tong abih 11 huyện , ban sit, ban prong dalam tỉnh, rilo di abih nan lac di ban sit Quy Nhơn ngan song 835 mbang, ban sit An Nhơn 446 mbang, dom huyện Phú Cát , Tây Sơn, Tuy Phước labaih  300 mbang.

Patui di ini dom khau tin dunya:

#/ Chiến dịch hu angan paglaong akaok saneng ka urang nhập cư hu peih tabiak harei kabroi angaok internet, rayo papar binguk, rayo papar sap, saong dom phương tiện truyền thông XH karei. Chiến dịch pacang cakak urang tị nạn ini lac dự án kayua rajaei Italia saong Tổ chức Di dân dunya (IOM)  peih tabiak, pamaong tame bhap bini di 15 taneh ia di Tây Phi  saong Bắc Phi, labik daok rah tabiak mesruh metak, srau kadau. Dự án hu phun jien tagok tala 1,5 triệu ơ rô (samu 1,7 triệu đô la Mỹ) 

 #/ Piah patui bruk menuac sia daok taha nao, bilan 8 anak, Mintri LĐ Thái Lan hu peih dom pasak rami ramik bruk ngak ka dom urang umo prong thun, min dok khin ngak bruk. Tui kuhria mboh, dalam thun 2014, TL hu labaih 10 triệu urang umo prong, samu 15% tong abih urang dalam negar ni. Bruk ni meda tagok tal 30% dalam 20 thun tal song rajaei brei iek glang dom urang umo prong ni.

# / Cu-ba brei thau hu mbaoh tangin tame sa harak pambuak bruk blei 75 đầu máy radaih pui di Nga dalam 5 thun tal, piah pasiam dom radaih pui saong pajeng ba tabau saradang di Cuba./.