1 # Taduan panuac daa di Tổng thống Xinh-ga-po Tô-ni Tân Keng Giam, Akaok negar Cộng hoà Xã hội chủ nghĩa Việt Nam Trần Đại Quang saong hadiuk di gait nao rivang pakat Karja tal Xinh-ga-po meng harei 28-30/8/2016. Harei 29/8/2016, Akaok negar Trần Đại Quang hu ginum biai haong Tổng thống Tô-ni Tân saong ndom biai haong Thủ tướng Lý Hiển Long. Dua gah khang panuac lac talei rohim pambuak bruk nao mai dua gah daok patagok samar kuhria meng tuk padang talei rohim Đối tác chiến lược meng thun 2013. Bruk pablei salih nao mai dua gah hu patagok samar dalam 10 thun tapa, mek hu jaik 22 tỷ đô la Xinh-ga-po dalam thun 2015, haong jalan patagok 10,6% dalam thun 2015. Xinh-ga-po nan lac gah pambuak bruk pablei salih prong ka 6 di Việt Nam dalam tuk Việt Nam lac taneh ia pambuak bruk ngak mbang pablei salih prong ka  11 di Xinh-ga-po. Xinh-ga-po lac negar buh jien tame prong dang ka 3 pak Việt Nam ngan haong yaom phun jien đăng ký abih tih jaik 38 tỷ đô la Mỹ.

2/ Thủ tướng rajaei barau mbaoh tangin tame quyết định peih bruk tổng điều tra kinh tế 2017. Tổng điều tra kinh tế thun 2017 piah duah thau ka dom cơ sở kinh tế, jabat hành chính, đảng, kapul nyaom, hiệp hội, đơn vị sự nghiệp, dom dhar, duk ngak bruk lambaok di doanh nghiệp negar langiu, cơ sở tôn giáo, tín ngưỡng, dom kapul lingiu rajaei negar langiu hu brei harak adat ngak bruk di VN.

        3 # Dalam mbang nao rivang saong ngak bruk pak Lào meng harei 28/8 tal harei 01/9, melam 29/8, ong Phạm Minh Chính, Ủy viên Bộ Chính trị, Bí thư Trung ương Đảng, Akaok Ban Tổ chức Trung ương Đảng Cộng sản Việt Nam saong ong Chăn-xỉ Phô-xỉ-khăm (Chanxy Phosykhame), Ủy viên Bộ Chính trị, Bí thư Trung ương Đảng, Akaok Ban Tổ chức Trung ương Đảng Bhap bani Cách mạng Lào hu mboh tangin tame harak sanya oambuak bruk nao mai di dua ban tổ chức trung ương dua Đảng vaktu 2016-2020. Tui nan, dalam vaktu 2016-2020, dua gah daok patui jalan khan brei ka gauk thau bruk di yaok Đảng, yaok negar; patagok bruk klah rabha ilamo dalam dak padang Đảng. Dua gah jeng njauk gauk brei rilo kapul nao mai rivang gauk; ba brei ka gauk dom văn kiện, tạp chí, pandap panda roh duah piah duh ka bruk ngak yaok gah.

4/ Harei 29/8, di Thanh Hóa, kadung jien pachrieh bac Sữa đậu nành Việt Nam hu peih danak dak “Dinh dưỡng siam ka uranaih jat gheih praong samar thun 2016”. Tui nan, dalam học kì I thun bac 2016 – 2017, labaih 2,2 triệu suất sữa đậu nành Fami Kid (yaom labaih 7,4 tỷ đồng) hu alin ka 26.400 anek saih dalam 80 sang bac tiểu học di 8 tỉnh: Vĩnh Phúc, Hải Dương, Hưng Yên, Yên Bái, Bắc Giang, Thanh Hóa, Nghệ An và Quảng Ngãi.

        5 # Pasak Du lịch Phong Nha Kẻ Bàng, huyện Bố Trạch, tỉnh Quảng Bình meda pambuak haong Klup kapul daoh trù peih ma-in daoh trù angaok jalan rivang ma-in Sông Chày - Hang Tối dalam dom harei car, dit yaok adit. Tui nan, tuai damuai hadei di tuk nao rivang iek Hang Tối, hu maong iek danak dak daoh ca trù dalam  sang rường meng kan. Ini lac janih pandap du lịch biak karei bo Pasak Du lịch Phong Nha Kẻ Bàng ba tame duh ka tuai damuai.

6/ Di ban sit Đà  Lạt, tổng cty Viễn thông MobiFone saong Ủy ban bhap bini tỉnh Lâm Đồng hu peih danak dak “an sinh XH saong patagok cộng đồng”. Tui nan,  MobiFone hu peih dom danak dak an sinh XH saong patagok cộng đồng di tỉnh Lâm Đồng, saong yaom jien daong abih tih 2 tỷ đồng. Dalam nan, danak dak hu alin 1.200 paok jien bac (yaok paok yaom sa triệu đồng) ka anek saih kan kathaot kham merat yam tapa bac daa naih joi; daong 800 triệu đồng piah padang ngak sang anit ranam ka dom baoh sang sarak karja, gru pato di dom xã bhum atah bayah.

7 #Harei 29/8, tỉnh Hậu Giang peih bruk công nhận xã Đông Phú, huyện Châu Thành mek hu chuẩn palei pala bahrau. Đông Phú urak ini hu 250 ha pala phun cam sành, jaik 130 ha phun kruac aik oh hu asal, 145 ha pala kruac bhung năm roi hu kein laba rilo, jien mek tame kuhria rah tapa yaok sa ha hu 500 triệu đồng sa thun, glaong jaik 5 mbang dut haong thun 2010; jien mek tame kuhria tui akaok manuac labaih 34 triệu đồng sa thun. 

Patui di ini dom khau tin dunya:

8/ jabat ngak bruk Tổng thống karja Palestine harei 29/8 ndom lac Palestine halan hatian hu mbaok tame sáng kiến hòa bình halei piah ba mai “jalan ngak công bằng saong toàn diện”. Panuac ini hu ba tabiak dalam tuk mehit lac Nga daok kuhria peih sa nyaom meyai jhul patagok hòa bình Trung đông.

9 # Pahadar Harei dunya pacang cakak thử nghiệm hạt nhân, dom urang jakar pakat glaong di Liên hiệp quốc harei 29/8 pok sap iew dom negar mboh tangin tame saong phê chuẩn hiệp ước đa phương tui nan pakuac taong abih bruk patuh hạt nhân duh ka bruk dân sự jeng yau quân sự.. Urak ini daok 8 negar dalam phụ lục 2 oh ka phê chuẩn hiệp ước, nan lac Trung Quốc, Triều Tiên, Ai Cập, Ấn Độ, Iran, Israel, Pakistan saong Mỹ.

10/ harei 29/8, mintri y tế saong jabat Môi trường negar Singapore brei thau hu bahrau 15 urang njom virus Zika, patagok urang njom nan lac 56. Tui harak pathau khan,  dom urang njom virus Zika ralo meng lac urang ngak negar langiu ngak bruk di sa công trường xây dựng. Dom urang nan hu siam veik pren yava min dom bác sĩ ndom lac hu ralo urang kamei Singapore caong khin duk iek drah pambuak tal virus ini./.