1#Pagaiy harei 30/9, di Hà Nội, Thủ tướng Nguyễn Xuân Phúc hu mbaok dalam nyaom biai pakat negar peih ngak danakdak bruk ngak negar padang ngak palei pala barau saong ba tabiak bruk pakacah dalam taneh ia rik pren padang ngak palei pala barau tukvak 2016 - 2020. Bruk ngak di tukvak ini lac tal thun 2020, dalam taneh ia hu 50% dom xã ngak hu chuẩn palei pala barau. Tui kuhria, abih tih yaom jien gilang pariak daong tapak peih ngak dnakadak tukvak 2016 – 2020 lac labaih 193.000 tỷ đồng.

2/ Dalam mbang ngak bruk di dom tỉnh gah meraong, phaok akaok negar Đặng Thị Ngọc Thịnh hu ngak bruk saong urang dang akaok tỉnh NT ka bruk patagok kinh tế - XH 9 bilan di thun 2016 saong bruk ngak trọng tâm di tỉnh 3 bilan puac thun ini. Brei panuac di var ngak bruk, phaok akaok negar Đặng Thị Ngọc Thịnh caik hatai, dalam tukvak tal, tỉnh brei pataom tame patagok tiềm năng, kein laba piah patagok DL, năng lượng ngin, điện ia harei, paglaong chất lượng dom chỉ tiêu palei pala barau. Taphia di nan dak padang kapul urang jakar, công chức trong sạch, khang kajap, pambuak saong bruk jhul pakhang bac daa song ngak tui kreih camin hadah krah di HCM.

3# Thủ tướng rajaei barau brei panuac ka bruk salih bruk mek glai beir negar Cát Tiên piah peih ngak Dự án "ramik pasiam, dak apdang jalan nao mai di beir negar Cát Tiên". Cambaih laih, Thủ tướng rajaei brei adat salih jaik 4 ha glai đặc dụng di beir negar Cát Tiên tui caong khin di mintri ngak nong saong patagok palei pala. Thủ tướng rajaei jao mintri ngak nong saong patagok palei pala tacei pato beir negar Cát Tiên peih bruk jao bruk pandar  jaik 4 ha glai đặc dụng ini njauk bruk ba tabiak.

4/ Tal urak ini, tỉnh Quảng Trị  hu 30 sruh jit ruak pandiak tabiak drah ngan saong jaik 250 urang njauk ruak di 9 dalam 10 huyện, ban sit saong ban praong. Anak bruk ini, gah y tế hu pambuak bruk saong dom puk palei patagok bruk pasang iek, tui iek jit ruak saong peih dom jalan pacang cakak jit ruak yau pametai  bọ gậy, pruh hóa chất, tacei bhap bini jalan tram kamo hóa chất. Taphia di nan, gah y tế cơ sở patagok bruk tui iek saong duah mboh dom urang hu triệu chứng medil lac ruak pandiak tabiak drah piah iek ruak chip, yaik njom mbak ralo.

5# Tỉnh Hà Giang hu jaik 20 bangsa, rilo meng lac dom bangsa takik ye: Mông, Dao, Tày, Nùng. Bruk pato jalan diukrai saong ilimo mengkan ka anek saih phổ thông hu Hà Giang peih praong di dom sang bac, tapa nan rik daong khik patagok ilimo mengkan dom bangsa, paglaong hatai jum pataom dom bangsa di tỉnh bhum glaong gah brak.

6/ Tamat dom adat cambat tanarakun hu peih tabiak di bimaong, rija Kate 2016 hu mikva Chăm daok di tỉnh NT saong BT hu peih tabiak di dom palei, baoh sang. Meng harei 30/9 tal harei 1/10,dom puk palei hu ralo bhap bini chăm diuk rai jeng hu peih phần hội sambai pambak pagam bhap bini yau: pakacah menyim khan bai thổ cẩm, pakacah ngak lan am, pakacah ndua ia – dui brak saong jhul gai, danak dak daoh tamia – taom gaok mbang dom pandap mbang bhap bini.

7# Mikva Khmer di dom tỉnh bhum taneran kraong Cửu Long daok chreih chrai uan raok harei Sen Đôl-ta. Thun ini, Sene Đôl-ta di mikva rah tabiak di harei 30/9 saong harei 1, 2/10 saka ia harei. Ini lac sa dalam dom rija mengkan di bhapbini bangsa Khmer hu makna thau dhar phuan muk kei, ong muk metai bloh saong ilkau siam mekre ka urang daok diuk. Jeng ye dom thun, hu bruk sangka di Đảng saong karja, bruk yam tagok, kham merat ngak mbang di mikva bo raidiuk bhapbini Khmer oh padheih patagok, hadah hadai, kayua yau nan ye bo uan raok  Sen Dolta siam mekre saong haniem phul jang.

Patui di ini dom khau tin dunya:

8/ Pasak pacang cakak saong pasang iek jit ruak Mỹ harei 29/9 hu tabiak cảnh báo du lịch đặc biệt ka vi-rút Zi-ka ngan saong 11 taneh ia ĐNA, tui nan kakei urang kamei metian brei caik hatai tuk nao tal dom taneh ia ini. 11 taneh ia daok dalam cảnh báo du lịch di Mỹ nan lac Xinh-ga-po, Bru-nây, Mi-an-ma, Campuchia, In-đô-nê-xi-a, Lào, Malaixia, Phi-líp-pin, Thái Lan, Ti-mô Lét-tê saong Việt Nam.

9# Y-ê-men tabiak bruk trục xuất yaok ratuh urang di cư châu Phi mai taneh ia piah daong cakak bruk dom urang di cư suan hukum mbuan ba gauk tame ngak phiến quân saong kol khủng bố An Kê-đa di taneh ia ini. Bruk rilo urang di cư suan hukum tame Y-ê-men meng jalan tasik tukvak tapa mbuan ba tal srau kadau gah an ninh.

10/ Nga taih klak kết quả pasang iek bruk kapal haok MH17 di hãng kapal haok Ma-lai-xi-a (MAS) laik meng dua thun dahlau, taphia di nan ndom lac dom gah pasang iek dunya hu ngăn cản Mát-xcơ-va hu mbaok ginup tame tiến trình pasang iek. Dahlau nan, jabat pasang iek dunya kết luận lac, kapal haok MH17 njauk laik lac kayua njauk tên lửa Buk hu lait xê-ri 9M38, hu cuh nao meng gah timur U-crai-na./.