#/ Labaih 200 anek saih sang kan kandah thau yam tapa mek hu jak jeng dalam bruk bac da-a, gam song 50 sinh viên yam tapa kan kandah hadah krah njauk palih tame dom sang bac ĐH di tỉnh Tuyên Quang bahrau hu kapul pachreih bac tỉnh jao brei pok jien bac “Tân Trào dong pren tal sang bac”. Pok jien bac ““Tân Trào dong pren tal sang bac” tal urak ni peih ngak hu 8 thun song labaih 400 sinh viên bahrau hu taduan hu pok jien bac ngan song yaom jien labaih 800 triệu đồng. Pok jien bac ni hu dong jien tame bac, dong pren, pachreih ba dom adei sahaneng hatai, khang takai yam tame dom sang bac ĐH.

#/ angaok kraong Đa Cô, phường Hòa Minh, quận Liên Chiểu, ban Đà Nẵng hu ikan metai ndong patih kraong. Bruk ikan metai rah tabiak di harei 1/10. Hadei di tuk mboh yau nan, bhap bini hu khan brei karja palei thau. Ong Lê Thế Nhân, akaok UB bhap bini phướng Hòa Minh brei thau, hadei di tuk thau bruk nan, phường hu pathau khan tagok UB bhap bini quận Liên Chiểu, sở Tài nguyên môi trường ka bruk ikan metai ralo ini.

#/ Ngan song kadha “ dam dara Kon Tum jum patom pren padang palei pala kaya meda, văn minh, salih bahrau anit ranam” tỉnh Kon Tum bahrau peih danak dak taom gaok, ginum biai mbang ka 4 meng urang pan akaok tỉnh song labaih 300  urang đoàn dam dara. Dalam không khí cởi mở di mbang taom gaok, ginum biai, yaok pluh lượt ý kiến di urang đoàn, dam dara ndom nyai cambaih laih rilo hatai khin, pabak mbuan lagaih phun jien mesraiy patagok ngak mbang pablei salih, langyah bruk pablei tabiak ka pandap ngak nong di bhum atah bayah, parabha bruk ngak ka urang jakar abih umo đoàn, caik hatai sangka tal an ninh trật tự di labik  ký túc xá sinh viên

#/ Di tỉnh Gia Lai, hadei di 5 thun peih ngak danak dak bruk ngak pakat negar padang ngak palei pala barau, kapul urang đoàn, dam dara tỉnh padang ngak hu jaik 1.900 công trình, bruk ngak, kuhria tabiak yaom jien abih tih labaih 30 tỷ đồng. Yau bruk dam dara halan hatian rik pren, drap ar padang ngak 120 sang anit ranam, pasiam veik 87 sang rông meng kan, 50 baoh sang ka dom baoh sang gaok kan kandah.

# Chi cục rong glang song thú y tỉnh  Hậu Giang brei thau: jit ruak pabui tanye hijao di huyện Châu Thành A labaih 1 bilan tapa hu cakak song tui iek siam, oh hu bruk pabui ruak atau metai kayua ruak tanye hajao.

#/ Di tỉnh Kiên Giang, kuhria tal tukvak puac bilan 9 thun ini, huyện Phú Quốc hu jaik 35.000 urang hu brei harak BHYT, samu 85%, daok jaik 15% oh ka hu brei harak. Bruk nan mai meng dom baoh sang bhap bini oh ka kê khai thông tin, thông tin sung atau dom urang klak puk palei nao oh ka cakak hộ khẩu.

#/ Dom harei tapa, hu dom mbang hajan khang ngak ka rilo taneh padai, njam patam, khóm di tỉnh Tiền Giang duah ia, ngak jaleih khut khat trak. Ong  Dương Khải Định, urang nong xã Bình Phục Nhứt, huyện Chợ Gạo, tỉnh Tiền Giang  brei thau:

Hajan yau ni lihik abih oh dok hagait. Khak, pren, pacang bạc ngak abih ye, Hulin buh jien tabiak abih 80% di mblang padai ni labaih 30 triệu đồng. Hadei di 30 harei tra paik mek min urak ni khut abih.

Patui di ini dom khau tin dunya:

#/ Urang vak di rayo sap ndom VN daok di TL khan lac, urang brei panuac di rajaei TL Sản-sển brei thau, taneh ia ini daok ba tabiak dom pandap du lịch barau di taong abih dom puk palei dalam negar. dom pandap nan hu vak lac “njauk iek”, tapa nan nyu pachreih hu bhap bini dalam palei jang yau tuai du lich.

#/ Liên minh Châu Âu hu ba tabiak sa jalan ngak pahla bahrau, pambuak bruk song Liên hợp quốc,  pabak pandap dong ka urang Xyri daok di ban A-lép-pô, gah barak  Xyri. Tui jalan ba tabiak, pandap mbang, jru tavao, ia menyum meng dom gilang dong di EU daok di gah pai A-lép-pô kayua rajaei tui iek hu jao ka jiak 130 ribau urang di gah tamun A-lép-pô – labik dok njauk gah nổi dậy meblah mek.

#/ Tui khau tin meng gah ngoại giao Inđônêsia , rajaei taneh ia ini sanya giải cứu dom con tin daok njauk kol phiến quân Abu Say-dát di gah meraong taneh ia jaik taphia Philíppin cap kreik. Panuac ini hu ba tabiak hadei di tuk 3 con tin urang Inđônêsia hu daong giải cứu tabiak truh kol phiến quân./.