1/ 10 thun tapa, peih ngak hukum điện ảnh hu rik dong pachreih dui yaok kapul nyaom, menuac urang hu mbaok tame bruk điện ảnh dalam negar tui hukum. Kuhria tal tuk vak ni, dalam taneh ia hu 450 DN tư nhân hu brei adat ngak phim, dalam nan hu labaih 15 DN buh jien taibak gam gam song kham merat tame bruk ngak phim điện ảnh , ngak hu 50-60 % dom phim điện ảnh.

2/ UB bhap bini tỉnh Thừa Thiên - Huế barau brei buh tame 22,5 tỷ đồng peih ngak đề án patagok bruk ngak XH tukvak 2016 -2020. Tui nan, tỉnh peih bruk pato pasram ilamu ka 70% dom urang jakar, viên chức, nhân viên saong urang halan hatian ngak bruk XH daok ngak di dom xã, phường, ban sit; kham merat takik di abih 20% dom urang khuyết tật di dom xã , phường, ban sit saong taong abih dom urang khuyết tật daok hu iek glang, raong ba di dom cơ sở daong XH hu khik iek. Taphia di nan, ngak ka yaok xã, phường, ban sit hu takik di abih 1 tal 2 urang pambuak bruk ngak XH.    

          3/ Di sang bac đại học Lạc Hồng, labaih 400 ayhut ranaih umo di tỉnh ĐN hu mbaok tame danka dak taom gaok padang mbang ngui ka dam dara, SV thun 2016 kayua báo Diễn đàn Doanh nghiệp ( di Phòng pablei salih song công nghiệp Việt Nam – VCCI) peih ngak. Tui ong Đặng Văn Điềm, Kapul Doanh nhân  ranaih umo tỉnh Đồng Nai hu ieu pataom song padang tabiak sa Quỹ khởi nghiệp  yaom 2 tỷ đồng. Kadung jien hu dong ba, palagaih piah ka urang ranaih umo padang mbang ngui hu phun jien camereip pagam tui dom tanut karei di gau, dalam nan brei ngak dahlau dom bruk ngak hu  tính ứng dụng, công nghệ glong.

4/ UB bhap bini huyện Vũng Liêm, tỉnh Vĩnh Long daok pambuak saong pasak pachreih công tỉnh padang dự án daong jamriah saong padang angan ka palei ngak ciu Thanh Bình. Huyện jeng tacei pato Jabat ngak nông peih quy hoạch salih janih ngak nông. Taphia di nan, pachreih urang nông oh salih phun pala tilo ngak tayah bhum quy hoạch pala cói di dom xã: Thanh Bình, Quới Thiện saong Trung Thành Đông piah khik kajap bruk pabak nguyên liệu ka palei ngak.

5/ Huyện Tháp Mười, tỉnh Đồng Tháp hu taneh pala cariak jiak 300 ha, pataom pala rilo di xã Mỹ Quí, Mỹ Đông, Láng Biển, Mỹ An, Mỹ Hòa. Bahrau ni, cariak Tháp Mười hu pok brei angan kayua Cục Sở hữu trí tuệ ( di mintri Khoa học song  Công nghệ) chứng nhận. Meng ni dom boh sang pala cariak dalam huyện tame HTX piah bruk pablei cariak hu tani tanat. Jang yau, patagok peih prong tabiak rilo mblang taneh song abih di nyu nan lac padang hu angan  ka sản phẩm meng cariak.

6/ Tỉnh Tiền Giang hu abih tih tapon limo labaih 89.000 drei, rilo jang 2% bruk ba tabiak ka thun 2016 saong tagok 6,2% duk saong thun dahlau. Bruk raong limo daok tagok khang di dom huyện hu lingik tasik kan kandah di duyên hải gah timur tỉnh yau: Chợ Gạo, Gò Công Tây, Gò Công Đông, Châu Thành, dalam nan, eng huyện Chợ Gao hu tapon limo ralo di abih, labaih 43.000 drei. 

          7/ Ruak pandiak tabiak darah di tỉnh Trà Vinh dok rah tabiak khang. Meng akaok thun 2016 tal ni, dalam tỉnh hu labaih 1 ribau urang ruak pandiak tabiak drah, tagok jang 4 mbang dut song tuk vak ni thun 2015. Anak bruk n, gah Y tế tỉnh Trà Vinh kuhria caga ginup vật tư, jamriak phun song hóa chất piah pacang caga pandiak tabiak darah. Pasak Y tế dự phòng tỉnh peih bruk pandam jit di 5 palei mbuan si njom ruak pandiak tabiak drah glong, pathau khan bruk pacang caga jit ruak, biểu hiện ruak pandiak tabiak darah di angaok dom khau tin địa chúng.

Patui di ini dom khau tin dunya:

8/ Jaik 650 ribau bhap bini daok di ban Mô xun di tỉnh Ni-nê-vê di I-rắc daokdang anak bruk kurang ia menyum khang dalam tuk bruk mesruh gauk daok rah tabiak khang di rajaei saong gah phiến quân di kol IS. Tui ong An A-ba-, sa urang di Hội đồng tỉnh Ni-nê-vê brei thau, labik ini daok dang anak bruk khủng hoảng pahala kayua kurang điện pandar saong ia menyum.

9/ Takik di abih 8 urang metai dalam sa mbang patuh khang rah tabiak harei 2/12 di sa sang mac ngak pháo bingu di gah merong Nam Ấn Độ. Mbang patuh di sang mac dok di ban sit Xi-va-ka-xi (Sivakasi) di bang Ta-min Na-đu (Tamil Nadu) ngak ka 15 urang njauk rambuac, dalam nan hu sa urang padun apui trak. Dom urang gaok bala di mbang patuh hu ba tal sang iek ruak jiak di abih piah cấp cứu.

10/ Mintri Ngoại giao Hàn Quốc brei thau, urang đặc phái ka hạt nhân di Mỹ, HQ saong NB njauk gauk brei peih mbang ginum meyai di ban ine Xơ-un, Hàn Quốc di kreih bilan 12 tal. Tui urang brei panuac mintri ngoại giao HQ Chô Giôn Húc, mbang ginum meyai hu pataom tame bruk phê chuẩn sarak barau abih di Hội đồng Bảo an Liên hợp quốc pamaong tame TT jeng yau ba tabiak dom jalan trừng phạt meng 3 taneh ia pamaong tame TT./.