1/ # Hadei di bruk nerak môi trường tasik di 4 tỉnh bhum kreh negar, dam dara  tỉnh Quảng Trị hu patagok bruk ba akaok nao dahlau, yam tapa kan kandah, thau sahaneng, thau ngak piah padang ngak  mô hình dam dara padang mbang ngui hu kein laba glong.  Yau bruk rong ikan lồng di saai Lê Văn Công ( umo 28 thun , di khu phố 4, ban sit Cửa Việt). Meng 40 triệu patom hu dalam dom thun ngak bruk,  saai  Công nao mesraiy di glang pariak ngak lồng palao rong ikan vược, cikan hồng. Ni lac mô hình rong ikan hồng, cikan vược camereip di tỉnh Quảng Trị.

2# Di puk palei hu labaih 95% menuac sia lac sang kathaot, kapul Liên hiệp urang kumei xã Mường Hoong, huyện Đăk Glei, tỉnh Kon Tum, hu pandar rilo  mô hình patagok kinh tế, patruh eik patrun kathaot ka bhapbini di ini. Sang saai Y Bia di xã Mường Hoong dahlau thiah sang kathaot, min dua thun jaik ini hu bruk daong di kapul, saai hu pala  2 sào sâm dây. Hadei tuk kaoh jien buh tabiak, mbang paik mek barau blaoh saai laba hu jaik 10 triệu đồng. 

3/ # Hadei di labaih 4 thun peih ngak Dự án dong panduan ba rahra tui bruk định canh, định cư ka mik va bangsa takik du canh du cư, urak ni, tỉnh Gia Lai hu ngak salah bloh 10 dự án định canh, định cư praong patom sa labik song 94 dự án định canh, định cư sit daok pablak gauk ka jiak 3.000 mik va bangsa takik tani tanat rai duik. 

4# Ông Hồ Tấn Cường – Phó Giám đốc Sở ilimo , Thể thao saong Du lịch Quảng Nam brei thau, dom puk palei dalam tỉnh, abih di nyu nan lac ban sit Hội An hu kuhria caga ginup cơ sở vật chất, haduk padheih padiay tiêu chuẩn piah raok labaih 28.000 mbang tuai dalam taneh ia saong dunya yaok melam di tukvak rak tabiak Festival inem krung Quảng Nam mbang yaka VI thun 2017 meng 7/6 tal  14/6.  Urak ini, labaih 10.000 haduk daok di ban sit Hội An, dalam nan hu labaih  55%  dom haduk mek hu tiêu chuẩn meng 3 patuk tagok hu ngak blaoh bruk niêm yết yaom tui adat .

5/ # Tui Phó giám đốc Sở Du lịch Thừa Thiên - Huế Lê Hữu Minh, kuhira tal Puac bilan 5 tỉnh taduan hu labaih 1.434 ribau tuai damuai. Tui kuhria  6 bilan akaok thun ni tagok hu labaih 1.750 ribau mbang, tagok 1,9% dut song tuk vak ni thun dahlau, jien mek tame labaih 1.735 tỷ đồng.

6# mBan jak ba halan hatian brei darah tỉnh Ninh Thuận brei thau, dalam tỉnh urak ini hu 25 mBan jak ba brei darah di dom sở, ngành, kapul nyaom; 72 mBan tacei pato brei darah di grauk dom huyện, xã; labaih 360 tình nguyện viên brei darah dự bị, 90 urang di kapul ngân hàng darah điện tử, 4 kalup kapul sang saong 20 urang halan hatian brei darah tuk hu caong khin brei darah.

7/ # Sở Giao thông Vận tải ban raya Hồ Chí Minh bahrau pok tagok Ủy ban bhap bini ban raya đề án mek jien thu phí pandar lòng đường, hè phố dalam ban raya.  Tui nan, yaom jien phí pandar hè phố ngak labik khik radeih hu thu phí song piah pablei salih dịch vụ, pablei salih pandap panda hu yaom takik di abih  meng 20.000 đồng yaok mét vuông sa bilan (quận Thủ Đức, Tân Bình…) tal yaom glong di abih 100.000 đồng yaok  mét vuông sa bilan (quận 1). 

Patui di ni dom khau tin dunya:

8# Di mbang ravang Tokyo meng harei  4 tal 6/6 tal, Phó Thủ tướng Thái Lan Somkid Jatusripitak meda mbaoh tangin tame pambuak bruk saong Nhật Bản peih ngak 8 dự án patagok praong, dalam nan njauk caik hatai lac Dự án padang jalan pathei cao tốc Bangkok-Chiang Mai tui công nghệ Nhật Bản.

9/ # Tổng thống Moon Jae-in, Hàn Quốc bahrau tacei 4 nghị sỹ di đảng Dân chủ cầm quyền ngak akaok mnitri  dalam nội các bahrau di ông. Dom urang hu tacei brei ngak akaok mintri ni brei tapa mbang điều trần di Quốc hội min oh cang QH brei tapa. Yau nan, urak ni Tổng thống Moon bahrau chỉ định 6 akaok mintri bahrau dalam abih tih 18 akaok mintri.

10# Sa thợ sơn mboh biak kateik drei tuk mboh dom vật thể praong vil dreih yau sruh darko di tầng gác mái dalam baok sang 400 thun klak saoh di palei  Baughurst, ban sit Basingstoke, hạt Hampshire (Anh). Tui Daily Mail, urang ini samal ieu thợ mek halak bọ Shane Jones (48 tuổi) nao xử lý. Hadei tuk ndik tagok tabung sang, ông Shane mboh hu tal 10 sruh darko praong ndam tame dhar saong tabung sang. Dom sruh darko vik kich thuoc karei di gauk, sruh praong abih hu kich thuoc duong kinh tagok tal 1m. Maong lac dom sruh darko saoh abih, hu sa sruh lac daok yaok rabau drei darko daok diuk dalam nan.