#/ Harei 5/10, Kapul urang QH ban raya Hồ Chí Minh - đơn vị ka 9, khóa  XIV kayua ong Đinh La Thăng, Ủy viên mintri  Chính trị, Bí thư Thành ủy pan akaok kapul hu taom gaok cử tri huyện Củ Chi. Tapa nan, cử tri huyện Củ Chi hu payua dom caong khin, dom hatai sahneng tal QH ka dom bruk pandiak dok rah tabiak dalam puk palei drei yau : brei hu sarak, chế độ ưu đãi ka trưởng ấp, urang umo taha, urang padeih hưu, pablei salih pandap oh hacih saat, peih bruk chap mek dom urang nghiện ma túy oh hu labik daok tame dom cơ sở, pasak cai nghiện ban raya. Lambaok Kapul  urang Quốc hội ban raya, ong Đinh La Thăng, ủy viên mintri chính trị, Bí thư Thành ủy hu taduan mek panuac di cử tri song sinya ngak siam bruk di drei, saong hu panuac tacei dom urang dang akaok dom mban, dom  gah samar roh duah , ieu pataom pren khang piah dong ka puk palei samar langyah dom bruk dok kandong veik.

#/ Trung ương kapul  Chữ thập đỏ Việt Nam saong Công ty Procter & Gamble Việt Nam peih dự án  “Daong ia hacih tapa pabak paok tapung halang ia P&G” piah pabak ia hacih ka labaih 200.000 baoh sang bhap bini 6 tỉnh bhum kreih negar saong gah meraong. Bruk ngak nan piah daong  patrun dom urang njauk ruak pambuak talhalau ia bhum gaok kan kandah kayua bala meng lingik tasik. Abih tih yaom jien di dự án labaih 11 tỷ đồng, tukvak peih ngak meng bilan 10/2016 tal bilan 3/2019.

#/ Harei patom ilamu dam dara dom bangsa takik tỉnh Nghệ An thun 2016 bahrau peih ngak di huyện Con Cuông. Harei patom ilamu lac tuk piah ka dom urang đoàn, dam dara dom bangsa takik hu taom gaok, bac megru, patagok bruk ngak di dam dara dalam khik ramik, pasiam saong patagok ilamu di bhap bini dom bangsa takik.

#/ Tui Cục thuế  Đắc Lắc, tal abih bilan 9, abih tih jien mek tame kadung jien karja tỉnh lac 2.700 tỷ đồng, jaik 66% dự toán hội đồng bhap bini tỉnh jao. Taphia 2 labik ngak salah dahlau 3 bilan (lac huyện M’Đrắk saong Jabat Thuế thu nhập cá nhân) ye huyện Ea H’Leo tal urak ini jeng oh ka mek hu 60% bruk ba tabiak dalam thun. Njauk caik hatai nan lac bruk tavak sraiy thuế di Đắc Lắc daok tagok dalam rilo thun tapa.

# Kuhria tal harei 3/10, urang nong tỉnh An Giang trun pajaih bloh labaih  180.000 ha padai thu đông 2016 ( padai vụ 3), samu bruk ba tabiak. .Taneh trun pajaih vụ ni tagok jang 13.000 ha dut song vụ dahlau song samar jang dut song thun dahlau. Tuk vak trun pajaih abih vụ padai thu đông thun ni hu palagaih ka bruk khik caga padai tuk bilan ia sua te bahrau mai tal.

#/ Di tỉnh Tiền Giang, meng akaok thun tal ini, dalam tỉnh hu labaih 1.600 urang njauk ruak pandiak tabiak drah, trun jaik meteh duk saong thun 2015. Min, di dom puk palei, dom urang njauk ruak jeng daok di tanut glaong yau huyện Cái Bè, Gò Công Đông saong ban sit Mỹ Tho. Piah pacang cakak ruak pandiak tabiak drah, gah y tế tỉnh Tiền Giang patagok bruk pathau khan paglaong akaok saneng di bhap bini ka jalan pacang cakak ruak; taphia di nan puh ramik hacih saat môi trường, jah tak phun kayau hareik harom, oh lui jamuok caih anek dalam labik daok di bhap bini.

#/ Tui Kapul pa-ok blait Bình Phước,, yaom asar paaok blait tamo dok tagok biak glaong, tal  50.000 đồng/kg, tagok meng 10.000 - 15.000 đồng sa kg dut song dom vụ dahlau song tui kuhria dok tagok jang, dalam tuk urak ni dom sang mac dok kurang asar pa-ok blait piah ngak min urang ong oh dok paoak blait khik piah blei. Thun ni, kayua pandiak bhang trak ngak trun năng suất paoak blait 

Patui di ini dom khau tin dunya:

#/ Akaok mintri kinh tế Đức Xích-ma Ga-bri-en ieu I-ran ngak abih pren yava di drei piah jhul pakhang sa lệnh padeih cuh di Xyri. Dalam mbang nao rivang 2 harei di Tê-hê-ran, ong Ga-bri-en ndom lac, thei daong rajaei Xyri, dalam nan hu Iran, jeng njauk kham merat ngak brei padeih bruk mesruh gauk di Xyri.

#/  Cảnh sát Mê-hi-cô hu dong ka 122 urang di cư meng Trung Mỹ tame suan adat tapa gah barak Mê-hi-cô. Tui kuhria, tong abih hu 69 urang Xan-va-đo, 50 urang Goa-tê-ma-la, 3 urang Hôn-đun-rát.Urak ni dom urang tame suan adat dok hu iek glang di dom cơ so73y tế song kuhria caga jao ka jabat di trú piah trục xuất

#/ Quỹ  Nhi đồng LHQ (UNICEF) brei thau, labaih 4 triệu uranaih Haiti daok gaok kan kandah kayua ribuk ia sua Mat Thi. Ruak njom mbak tapa halau ia lac kan kandah akaok meti saong bruk njauk ngak dahlau di  UNICEF lac khik kajap bruk pabak ginup ia menyum siam ka uranaih./.