1/ Hadei di 8 thun, nyaom darak pasa chất lượng glong hu  mai veik HN song peih ngak di pasak  xúc tiến pablei salih ngak nong Hà Nội. Ngan song gah pandap mbang, kaya nong hacih, nyaom darak pasa hu rah tabiak tal harei 9/10. Nyaom darak pasa hu labaih 150 DN, đơn vị, song 200 gian hàng. Taphia di dom gian hàng pandap mbang công nghệ di 100 DN pandap VN chất lượng glong, dok hu mbaok di 50 HTX, tổ hợp tác, trang trại sản xuất hacih, thau cambaih asal di nyu

2/ Tỉnh uỷ Quảng Bình barau njauk hatai ka sarak miễn jien bac ka anek kamuan bhum tasik. Tui nan, UB bhap bini tỉnh Quảng bình dak padang hu sarak miễn jien bac ka anek saih bhum tasik njauk gaok kan kandah sự cố môi trường tasik piah pok tago hội đồng bhap bini tỉnh brei tapa di mbang nyaom ka 3 jaik tal.  

3/ UB bhap bini tỉnh Quảng Nam hu mbaoh tangin tame Dự án iek glang uranaih song urang jaoh jo di palei Hòa Bình Quảng Nam kayua kapul ChildCare Vietnam Inc (CCV) - Mỹ dong. Tui nan, dự án hu peih ngak di palei Hòa Bình Quảng Nam (palei Đàn Trung, xã Nam Đàn, huyện Phú Ninh) song yaom jien daong abih tih lac 1 tỷ đồng. Tuk vak peih ngak meng thun 2016 -2018.

4/ Tỉnh Phú Yên brei thau quyết định di bộ tư lệnh bộ đội biên phòng pabak brei kapal tuần tra cao tốc BP 10-98-01 ka Hải đội 2 Bộ đội Biên phòng tỉnh Phú Yên khik iek, khai thác. Kapal tuần tra cao tốc BP 10-98-01 hu kanduh ngak meng hộp kim nhôm, atah 25m5, praong 4m93, công suất 3000CV, tốc độ tối đa 31 hải lý sa tuk, hu pren pacang riyak pakat 6. Kapal hu dom thiết bị barau duh ka bruk tuần tra, pasang iek, khik caga labik taphia negar tasik di tỉnh saong pacang cakak bala langik tasik, daong duah urang njauk bala.

5/ Bilan padai Hè thu thun 2016, palei Cầu Lớn, xã Mỹ Lạc, huyện Thủ Thừa, hu pasak pachreih nong tỉnh Long An palih ruah ngak labik peih ngak mô hình pala padai tui jalan “ 3 trun 3 tagok” song kỹ thuật pala padai SRI, piah paglong chất lượng pandap, trun phát thải khí nhà kính.  Mô hình ni hu peih ngak meng bilan 5 thun 2016 mbiah tal harei ni di mblang taneh 60 ha, song 68 boh sang urang nong hu mbaok tame, Tong abih phun jien dong ka mô hình ni labaih 185 triệu đồng.  

6/ Tỉnh Cà Mau hu yaok rituh baoh sang urang nông patagok jien mek tame meng 10 tal 20 triệu đồng sa ha meng ikan chẻm, đối, chốt, rô phi dalam labik raong hadang. Dom janih ikan ini oh palao raong bo  nyu hu dalam taneh raong hadang quảng canh atau quảng canh cải tiến. Tui bruk di lingik tasik, labik raong hadang jeng hu dom janih ikan ini saong nyu praong biak samar. Kayua ini lac dom janih ikan ngak kan kandah tal bruk patagok di hadang nen ye yaok thun mikva hu cap ikan meng 1 tal 2 mbang saong yau nan hu jien mek tame meng ikan.

7/ Meng akaok thun tal ni, ban raya HCM hu labaih 3 ribau 900 mbang uranaih ruak tangin takai cambuai tame sang iek ruak, oh hu urang halei metai. Taphia di nan, jit pandiak tabiak darah dok rah tabiak kan kandah song jiak 2 ribau 400 urang tame sang iek ruak dalam bilan 9, patagok urang ruak meng akaok thun tal ni lac jiak 13 ribau urang, tagok 27% dut song tuk vak ni thun dahlau. Di ban raya hu 3 urang metai kayua ruak pandiak tabiak darah.

Patui di ini dom khau tin dunya:

8/  Cộng hòa dân chủ bhap bini Triều Tiên barau hu panuac chỉ trích dom bruk ngak di Mỹ patagok sức ép saong áp đặt dom jalan trừng phạt pamaong tame taneh ia ini. Urang brei panuac mintri ngoại giao TT ndom lac, dom jalan trừng phạt saong sức ép di Mỹ pamaong tame TT nan lac biak khang. Rajei Mỹ daok kham merat cô lập saong pacang cakak TT, meng bruk gây sức ép tagok dom taneh ia karei cakak klaoh atau patrun talei pambuak bruk saong TT.

9/ Akaok Mintri Quốc phòng Philipin Đê-phin Lô-rê-za-na (Delfin Lorenzana) brei thau, bol lin negar ni daok hu mbaok bo oh caong bruk dong di Mỹ. Tui ong Đê-phin Lô-rê-za-na, QH Philipin hu pabak jien ka bol lin blei pandap panda, song hu buh jien tame meyah lac bol lin oh hu dom kudung jien karei.

10/ Dom urang ngak praong Haiti brei thau, dom urang metai kayua ribuk Mat-Thiu  takik di abih lac 283 urang, dalam nan kuhria gam yaok pluh urang daok di sa ban sit tapen tasik. Urak ini gah daong duah urang njauk bala daok kham merat nao tal dom labik njauk gaok kan kandah kayua ribuk. Urak ini huac di abih lac jit aih caraoh meda rah tabiak di Haiti hadei di tuk ribuk. Urak ini ia saong pandap mbang daok kurang di dom pasak tị nạn./.