# / Pak jabat Raja-ei, Thủ tướng Nguyễn Xuân Phúc bahrau dang tabiak peih mbang nyaom di Ủy ban daong duah urang njauk bala ka bruk tacei pato daong duah urang njauk bala thun 2015 tal ini saong dom bilan puac thun. Meng akaok mbang nyaom, Thủ tướng tacei pandar dom lực lượng daong duah urang njauk bala samar ba dom phương tiện, nghiệp vụ piah daong duah phi công dalam mbang sruh kapal haok Su-30 MK2 laik pak bhum tasik Nghệ An. Tui PATHAU KHAN di Uỷ ban Negar daong duah urang njauk bala, haarei 16/6, hu ieu pataom 32 sruh gilai quân sự, 144 gilai taong ikan di bhap bani dom tỉnh, Thái Bình, Thanh Hóa, Nghệ An saong dom tỉnh gah meraong, 6 kapal haok hu mbaok tame bruk daong duah sruh kapal haok saong phi công njauk bala.

#/ Di jabat rajaei,  Phó Thủ tướng  Vương Đình Huệ bahrau taduan raok kapul DN Canada mai duah thau bruk ngak mbang di VN. Ni lac sa dalam dom tập đoàn prong gah jien padai, gilang pariak yau Tập đoàn jien padai Northstar song  Montreal Bank.  Phó Thủ tướng ndom lac bruk ngak ni brei mboh dom DN Canada caik hatai jia tame pren khang saong bruk ngak mbang di VN, abih di nyu nan lac dalam tuk hiệp định Đối tác xuyên Thái Bình Dương (TPP) dok hu QH song dom negar phê chuẩn.

#/ Kapul nyaom Điện lực Việt Nam hu caga blaoh dom jalan ngak piah pabak ginup điện dalam dom kan kandah di langik tasik. Tui nan, meda pataom taong abih dom gah phát điện urak ini hu dalam hệ thống điện negar, kuhria gam nduac menjek diezel. Tập đoàn Điện lực Việt Nam hu kakei urang pandar điện patak pataom meng dom bruk ngak yau padam tuk oh pandar, takik pandar tuk cao điểm,  pacang caga dom bruk mbuan ngak brei patuh khuah điện; oh vi phạm khoảng cách an toàn tal jalan talei thiết bị lưới điện, mbuan ba tal bala ka rup drei saong ka rahra.

#/ Pamong tal harei boh sang VN ( 28/6) meng ni tal harei 28/6, Pasak parang iek ilamu nghệ thuật VN pambuak bruk song mbao điện tử boh sang VN song Công ty Trách nhiệm hữu hạn Begodi Toàn cầu peih dom bruk “ Hu sa labik piah mai, nan lac boh sang” . Kadha ni hu rilo bruk ngak yau danak dak “Blai pambuak talei anit ranam” di 3 labik dalam HN lac mblang kapan haoh Nội Bài bờ hồ Hoàn Kiếm song labik parang iek Vân Hồ.

#/ Ủy ban bhap bani bal Hà Nội bahrau peih pakak Cổng thông tin điện tử saong phần mềm daong tuyển sinh tapak tame dom sang bac  mầm non, tal 1, tal 6 thun bac 2016-2017. Tui Sở Pato megru Hà Nội, piah tut angan tame tuyển sinh tapak, amaik ame saong anek saih  truy cập tame địa chỉ http://tsdaucap.hanoi.gov.vn palih ruah mục tut angan tuyển sinh angaok blah brei thau bruk tuyển sinh tapak di Sở, thông tin tuyển sinh di dom quận huyện dalam bal.        

#/ Di ban sit Vinh, tỉnh Nghệ An, Trung ương Đoàn thanh niên Cộng sản Hồ Chí Minh bahrau peih lbruk pok meyaom dam dara naih gheih ngak tui panuac Wa cụm pakacah gauk Bắc Trung bộ. Tapa nan, dom urang lambaok hu pang dom panuac klah rabha di dom dam dara naih gheih ngak tui panuac Wa ka bruk kan kandah dalam tuk padang mbang ngui, kham merat oh padeih piah hu jak jeng, rik dong tame bruk dak padang taneh ia palei negar.

# Tui Chi cục Thú y tỉnh Ninh Thuận, dom puk palei dalam tỉnh hu ngak blaoh bruk kluak vắc xin pacang caga tụ huyết trùng, laka cambuai tapok kakau di tapol limo, kubao. Dom balai thú y hu thống kê tapol anek athur raong, mek mẫu pasang iek hadei di tuk kluak jru pacang caga di akaok thun 2016 piah tui iek kein laba di vắc xin, tacei pato mikva kluak pacang caga njauk janih jru, njauk ilamu piah oh palai pajua. Taphia di nan tacei pato baoh sang raong glang bhian puh ramik van ro pruh jru pametai anek ruak. 

Patui di ni dom khau tin dunya:

#/ Mintri Quốc phòng Đức bahrau tah klak panuac ndom lac, gah đặc nhiệm negar ni dok hu mbaok di gah barak Xyri. Hãng tin Roi-tơ di Anh ba panuac urang  di Mintri Quốc phòng Đức ndom lac, oh hu lực lượng đặc nhiệm halei di đức daok di Xyri. Ini  jeng lac sa panuac ndom oh njauk.

#/ Ngoại trưởng Đức saong Pháp brei thau dahlau lac, meyah Anh tabiak truh EU meda ngak sreu dhau saong ba tal tayah tayac Liên minh châu Âu. Brei panuac dalam sa mbang họp báo haong Ngoại trưởng Pháp Giăng Mác Ai-rô (Jean Marc Ayrault) pak Béc lin, Ngoại trưởng Đức Oan-tơ Xtên-mây-ơ (Frank-Walter Steinmeier) ndom lac, bruk Anh palih ruah jalan tabiak nao oh njauk lac bruk EU lahik nao sa thành viên bo daok lac ngak kanjah jhak tal dom hagait bo EU buh ralo pren yava tabiak dak padang meng dom pluh thun tapa.

#/ Tui Tân hoa xã, takik di abih 13 urang metai song 15 urang karei lahik hadei di mbang hajan khang ngak glut jaleih taneh trak di dom tỉnh gah timun Trung Quốc. Tui jabat khí tượng TQ, dom mbang hajan khang dalam rilo harei tapa di gah timun ngak ka ia ndik ia sua trak./.