#/ Patrun 20% phí BOT di labaih 30 trạm thu phí dalam negar tui jkanih radaih. Nan lac panuac khan di urang dang akaok Mintri Giao thông vận tải dalam var ngak bruk beir harei 11/8 song dom cục, vụ pagam tal song dom mban khik rakik dự án piah ngak tui tacei pato di rajaei ka bruk patrun phí jalan mbak. Tui nan, di 29 trạm mek tui quy định di thông tư 159 di mintri jien padai, dom RADAIH nyaom 4, nyaom 5 pajeng trak meng 18 tấn atau Container meng  20 feet tagok) hu patrun 20.000 đồng/mbang. Dok 5 trạm urak ni hu yaom thu phí golng di abih hu patrun 35.000 đồng/ mbang ngan song dom radeih di nyaom 1, nyaom 2 ( ala 30 labik dok, tải trọng ala 4 tấn song dom janih radeih bus)

# Di Lào Cai, harei 11/8, lambaok Công an tỉnh brei thau meda samal mek veik harak khan brei thau ka bruk bắt cóc raih mek nội tạng kayua hu rilo asal kadha brei thau suan bruk. Tui Đại tá Phạm Gia Chiến, akaok Phòng tham mưu Công an tỉnh Lào Cai : Văn bản khan brei thau di Công an huyện Si Ma Cai payua tal Công an dom xã saong dom sang bac dalam huyện ka bruk cảnh báo nguy cơ rah tabiak dom mbang bắt cóc piah raih mek nội tạng lac văn bản biak. Min, asal kadha ka dom bruk hu rah tabiak dalam Thông báo lac biak suan abih akyua oh ka mek hu mbang bắt cóc mek nội tạng halei. Piah plaih ngak srau kadau menuac sia, Công an tỉnh Lào Cai hu pandar Công an huyện Si Ma Cai samal mekveik Thông báo nan.

#/ Kuhria tal beir harei 11/8 hu labaih 390 ribau thí sinh tut angan tame palih ruah đại học, cao đẳng tapa  dom jalan di mintri pato megru. Abih tih anek saih hu điểm angaok điểm sàn thun ni lac labaih 404 ribau adei. Yau nan,, meyah kuhria tong abih dom anek saih nộp tapa bưu điện bo dom sang bac OH ka ba tame hệ thống ye meda lac tong abih anek saih hu kết quả điểm thi angaok điểm sàn jeng hu tut angan tame palih ruah. Mintri pato megru tong yaom, thun ni tỷ lệ anek saih hu điểm angaok tanut điểm sàn nộp tame tut angan palih ruah glong di abih dut song yaok thun. Dalam harei 12/8, dom thí sinh nộp hồ sơ tapak di sang bac, atau tapa bưu điện. Tong abih phiếu tut angan tame palih ruah mai te min hu dấu bưu điện meng harei 12/8 dahlau nan jeng hu palih ruah.

#Kadung jien pato megru  Marubeni (Nhật Bản) di Việt Nam pambuak bruk saong Tỉnh đoàn Phú Yên barau alin 100 phần thưởng ka anek saih kathaot yaom tagok kan kandah bac joi, yaok paok thưởng yaom 1 triệu đồng.  Langiu nan, daok alin 10 paok pandap, yaok paok yaom 1,5 triệu đồng ka 10 gru pato pato pakai joi daok ngak bruk di dom sang bac pakat sa saong trung học cơ sở dalam huyện Tuy An. Meng tuk dak padang di thun 1994 tal ini,  Quỹ pato megru Murubeni hu alin labaih 8.000 paok thưởng saong jien bac ka anek saih kathaot yam tagok kan kandah bac joi saong gru pato hu bac da a naih joi di dom tỉnh, ban dalam taneh ia.

#/ Urang kamei M’Nông di  bon Ol Bu Tung, xã Quảng Tín, huyện Ðắk R’lấp, tỉnh Đăk Nông daok kham merat khik bruk MEnyim khan bai meng kan. Langiu di bruk MEnyim dom pandap thổ cẩm ginup sambo màu yau phui, kadung, khan địu, khan aow meng kan pabak ka drak pasa, adei saai dok peih dom tal bac pato veik ka anek taco.

# Tan pato dom  ragu ragam, kadha daoh bhapbini mengkan di bangsa Dao di xã Yên Đổ, huyện Phú Lương, tỉnh Thái Nguyên meda peih ngak meng harei 17 tal 19/8. Tan bac kayua dom nghệ nhân di bhapbini pato ka dom dam dara di bangsa di puk palei piah pasiam veik saong rik daong khik ramik, patagok ilimo mengkan di dom bangsa takik,  abih di nyu nan lac dom bangsa hu biak takik menuac .

#/ Adit ilamu du lịch Mường Lò, tỉnh Yên Bái thun 2016 hu rah tabiak meng harei 16 tal harei 20/9 di ban sit Nghĩa Lộ. Dom bruk ngak prong di adit ilamu yau: Harei pataom diễn xướng ilamu bhap bini bangsa Thái bhum Tây Bắc song parang me-in di angaok jalan “Hadah  tanyak sambo màu Tây Bắc”; pakacah song parang main dom janih thể thao ka tuai damuai di dom labik du lịch dalam tỉnh.

Patui id ni dom Khaw tin dunya

# Mbiah tal urak ini, takik abih 1 urang metai saong 23 urang bị thương (rilo urang njauk bala lac urang taneh ia langiu) hadei di 2 mbang patuh bom di labik padhieh padhaiy Hua Hin, Thái Lan.

# Harei 11/8 Ai Cập mek hu thỏa thuận song IMF ka pok jien sre 12 tỷ USD dalam tuk vak 3 thun. Thống đốc gliang pariak TƯ Ai Cập Tarek Amer brei thau: pok jien sre meng IMF meda dong hu darak pasa ngoại hối dalam negar, tapa nan jhul patagok  sa tỷ giá siam jang ka jien bảng Ai Cập.

# Rajaei Australia harei 11/8 brei thau,  oh brei adat dom urang thầu Trung Quốc pah jalan menyek praong di ban Sydney kayua  bruk an ninh negar. Akaok mintri jien padai Australia Scott Morrison brei thau, Công ty Lưới điện negar taneh ia Trung Quốc saong Tập đoàn Cơ sở Hạ tầng Chung Công hu jabat ngak bruk di Hong Kong caong pah 50,4% cổ phẩn dalam Công ty lưới điện Australia dalam labaih 99 thun. Tui ông Morrison, bruk ini mbuan ba tal srau kadau, oh lagaih saong kein laba taneh ia di Australia, min ông oh ndom cambaih dom kein laba halei./.