#/ Thủ tướng rajaei bahrau mbaoh tangin brei adat peih ngak dự án dong kỹ thuật  mạng thông tin bruk ngak pandar  jien dong oh bayar veik di rajaei Hàn Quốc. Dự án nan hu peih ngak ngan song phun jien jiak 3, 5 triệu đola Mỹ. Bruk đầu tư piah peih mạng thông tin bruk ngak song  bộ cơ sở dữ liệu meuac duah bruk ngak, bruk ngak duah menuac dok dalam negar piah dong ka dom pasak dịch vụ bruk ngak peih bruk langyah, dong duah bruk ngak, pabak urang ngak, langyah song dự báo darak pasa urang ngak.

# Mintri ilimo padhih saong Du lịch barau phê duyệt Dự án “Pambuak patagok kinh tế saong khik ramik, patagok ilimo dom bangsa takik tal thun 2020 saong yaom jien ngak abih labaih 54 tỉ đồng. Tui nan, urang bo dự án pambaong tal lac 53 bangsa takik dalam nan caik dahlau tal dom bangsa hu menuac ala 10.000 urang, ala 5.000 urang di dom tỉnh Hà Giang, Bắc Kạn, Lạng Sơn, Lào Cai, Lai Châu, Điện Biên, Son La, Yên Bái, Thanh Hóa, Nghệ An, Quảng Bình, Quảng Trị, Bình Định, Kon Tum, Đắk Lắk, Đắk Nông, An Giang, Sóc Trăng.

#/ 5 thun tapa, kapul urang nong huyện Chư Pah, tỉnh Gia Lai hu 2.953 boh sang hu pok brei angan “ Urang nong ngak mbang naih joi” dom pakat. Urak ni hu rilo boh sang buh jien tabiak ngak mbang quy mô prong, hu phun jien pablei salih yaok tỷ đồng, duah hu yaok thun meng 100 triệu đồng tal yaok tỷ đồng, dong bruk ngak ka rilo urang ngak puk palei. Taphia di nan, bruk urang nong ngak mbang pablei salih naih joi vdok rik dong padang ngak palei pala bahrau.

#Anak bruk urang nong pala bắp cải di tỉnh Lâm Đồng gaok laik yaom saong pablei suai, piah daong urang nong, Lotte Mart hu nao pambuak bruk, patagok bruk brei saong ba tabiak pablei dalam 13 siêu thị di drei. Akaok mereip , Lotte Mart peih bruk blei bắp cải di huyện Lạc Dương, sản lượng pablei tabiak kuhria hu jaik 25 tấn. jaik 3 bilan ini bắp cải di huyện Lạc Dương yaom tuk halei jeng di tanut bair, urak ini trun ala 1.000 đồng/sa kg ngak ka urang pala khat trak. Lotte Mart blei meng harei 11 mbiah tal harei 18/8.

#/ Meng akaok thun tal ni, Kapul pachreih bac tỉnh Bình Thuận pambuak bruk song Mban tacei jalan bruk jak ba “ Pabak pren ka adei nao bac” pachreih ba hu labaih 13 tỷ đồng. Meng phun jien nan, Kapul hu brei 5.847 pok jien bac ka anek saih kan kathaot bac megru naih joi ngan song pok jien labaih 4 tỷ đồng, dong hu 20.356 pok jien ka anek saih kan kathaot, kan kandah, labaih 49.000 pok jien pok meyaom anek saih, gru pato naih joi. Taphia di nan, pasiam veik sang bac 460 triệu đồng. Tỉnh hu 52 talei but pajaih tut angan tame “ talei but pajaih pachreih bac” song 179 palei, khu phố padang ngak “ Bhap bini bac megru “ dalam thun 2016.

#  Tapa 5 thun peih bruk jak ba “ dak padang sang 5 oh, 3 hacih”, dom pakat kapul urang kumei tỉnh Bến Tre hu ieu pataom saong dak apdang rilo mô hình hadah trah ye kalup kapul sang haniem phuan; kalup kapul “ sang 5 oh, 3 hacih”. Urak ini, dalam tỉnh hu 290.340 sang hội viên, urang kumei mek hu angan sang ilimo, hu dom pakat kapul pok brei angan lac sang ngak hu 4 chuẩn mực “sang drei sir, bình đẳng, tiến bộ, haniem phuan”; 186.640 sang hội viên, urang kumei hu dom pakat kapul  lac mek hu 8 tiêu chí di mbang jak ba “ dak apdang sang 5 oh, 3 hacih” hamiet meng thun 2011 tal ini .

#/ Bộ tapuk Hà Nội nửa đầu thế kỉ 20 (2 tập)  di urang roh duah Nguyễn Văn Uẩn hu mong lac bộ “tapuk sajarah Hà Nội piah ka urang khin thau Hà Nội puac, iek"  bahrau hu Công ty ilamu song Truyền thông Nhã Nam pambuak bruk song Nhà xuất bản Hà Nội ấn hành. 2 tập Hà Nội nửa đầu thế kỉ 20  hu parabha jeng 6 baoh, tui dom labik hành chính di ban ine. Tapuk hu phụ lục angan phố di HN, angan dom Toàn quyền Đông Dương meng thun 1884  tal  1945 song dom đơn vị hành chính di HN meng hadei thun 1945, bản đồ song dom tacei ba karei duh ka bruk roh duah. Bộ tapuk hu jao brei Giải thưởng Thăng Long năm 1996.

Patui di ni dom Khaw tin dunya

#  Harei 11/8, sa phi đội ahaok pal plaik bom Tu-22M3 di Nga taong tayah sa sang mac ngak vũ khí hóa học di kol  IS di labik jaik ban Rắc-ca, Xy-ri.  Dom sruh kapal plaik bom di Nga taong tayah abih sa sang mac ngak vũ khí hóa học di labik langiu pasak di gah Tây Bắc Rắc-ca, sa sang kho praong caik phao ndao, nhiên liệu, jaik Rắc-ca saong sa  khu trại huấn luyện di kol IS. Hadei mbang taong, taong abih dom sruh kapal haok jeng hu siam mekre mai veik veik căn cứ.

#/ Cảnh sát Bra-xin harei 11/8 chap hu 2 urang medhil lac dong ka kol (IS) kuhria taong tame Thế vận hội bilan hè  2016 (Olympic) di ban Ri-ô đờ Gian-nê-rô. 2 urang njauk chap mek nan,  lac urang Bra-xin min cảnh sát oh brei thau angan jang yau dom bruk karei karei. Yaom lac dalam sajarah dak rai oh hu mbang mesruh halei song kol phiến quân, min rajaei Braxin brei thau, Thế vận hội bilan hè 2016 dok rah tabiak di negar ni ngak ka Bra xin jeng sa labik mbuan njauk tấn công jang, abih di nyu nan lac tuk hu mbaok di dom negar mesruh pacang IS 

# Takik abih 4 urang metai saong rilo urang gaok kan kandah gah hô hấp tuk dom baok bom thùng hu khí độc,  lac khí clo gaok plaik trun di sa labik daok di ban A-lép-pô (Aleppo), gah Brak taneh ia ini di harei 10/8. Urang khik ramik sang iek ruak An Kut (Al Quds) di A-lép-pô brei thau, langiu urang metai nan daok hu 55 urang karei bị thương. Urak ini sang iek ruak ini daok khik dom mẫu khan ao di urang ruak jeng ye dom baok tacah di dom baok bom thùng piah ngak bằng chứng duh ka bruk duah thau, langyah ./.