#/ Cục khik ramik urang ngak negar langiu di mintri LĐTB song XH bahrau hu harak brei thau bruk peih mbang pakacah sap Hàn ka 11 ka urang ngak khin nao ngak bruk di HQ tui danak dak brei adat ngak bruk ka urang negar langiu di HQ (EPS) dalam bilan 10 thun 2016.Tui nan, dom urang hu tapa mbang pakacah sap Hàn EPS-TOPIK kayua jabat patagok nguồn nhân lực HQ peih ngak di VN jeng ginup điều kiện nộp hồ sơ tut angan tame dự tuyển nao ngak bruk di HQ tui danak dak EPS.

# Cục khik iek merak gauk, mintri công thương barau tabiak harak taong phạt dua doanh nghiệp ngak suan bruk pablei pandap đa cấp, ngan saong yaom taong phạt abih tih jaik 1 tỷ đồng. Cambaih laih nan lac, taong phạt công ty cổ phần Japan Life Việt Nam  410 triệu đồng saong cty TNHH Absonutrix Việt Nam  460 triệu đồng.

#/ Chi cục Kiểm lâm tỉnh Quảng Bình brei thau, dalam mbang pasang iek bahrau ni, Pasak khik caga Thiên nhiên Việt song Liên hiệp Dom kapul ilamu kỹ thuật Việt Nam hu duah mboh sa janih linh trưởng di labik glai Động Châu – Khe nước Trong  di xã Kim Thủy, huyện Lệ Thủy, tỉnh Quảng Bình. Kapul tui iek hu 58 tapon vượn đen má trắng siki di 7  tiểu khu di bhum dự án Khe nước Trong, 2 tapon Vượn đen má trắng siki langiu di labik khu vực tui iek. Dom chuyên gia brei thau, ni lac labik hu số lượng tapon song cá thể vượn đen đen má trắng siki rilo di abih dut song dom labik karei di Bắc Trung Bộ.

# Urak ini, huyện Bảo Lâm, tỉnh Lâm Đồng daok 2.750 baoh sang bhap bini oh ka hu pandar điện negar, ralo meng lac di xã Lộc Nam, Thành, Tân, Tân Lạc, Đức saong Phú. Taong abih dom baoh sang daok pandar điện tui jalan klah rabha atau oh ka hu pandar điện negar jeng daok di dom labik atah di pasak hu đồi dốc, jalan mbak nao mai daok gaok ralo kan kandah. Kurang điện, dom baoh sang bhap bini daok gaok ralo kan kandah dalam bruk ngak mbang, ngak huak.

#/ Tal urak ni, tỉnh Phú Yên bahrau hu 17 xã hu pok brei angan xã mek hu tanut palei pala bahrau. Bruk peih ngak danak dak pakat negar padang ngak palei pala bahrau di tỉnh ni dok suai lavik dut song bruk ba tabiak. Meng akaok thun 2016 mbiah tal ni, Tỉnh Phú Yên bahrau parabha jiak 92 tỷ đồng ka bruk peih ngak danak dak ni. Piah mek hu tanut 34% xã mek hu tanut palei pala bahrau dalam thun ni, tỉnh Phú Yên tacei jalan ka dom puk palei jhul pakhang bruk pakacah gauk padang ngak palei pala bahrau.

#/ Uranaih njauk lõm lồng ngực ngak kan kandah tal hô hấp saong ba tal dom ruak  baoh hatai, dị tật di baoh hatai meyah oh hu can thiệp chip. Nan lac panuac di dom bác sỹ sang iek ruak Nhi đồng, ban raya HCM harei 28/7. Kuhria tal bilan 7, sang iek ruak hu blac ka labaih 80 uraniah, dalam tuk nan thun 2015, tok blac drah ka 50 uranaih. Makna nan lac meng hu panuac brei thau di dom gah, nan ye dom amaik ame samar ba uranaih nao khám chuyên khoa.

#/ Hadei di 6 harei pakacah gauk di pasak pasram thể thao pakat negar HN, giải Vô địch bắn cung ranaih umo pakat negar 2016 hu tamat bruk song 18 kỷ lục ranaih umo pakat negar peih  ngak. Angaok  bảng xếp hạng toàn đoàn, dom cung thủ Hà Nội brei mboh yam tapa di drei tuk mek hu labik dang akaok song 12 HCV, 10 HCB và 5 HCĐ. Labik  ka 2 di kapul Vĩnh Long hu 6 HCV song dang ka 3  lac kapul  Hải Phòng hu 4 HCV.

Patui di ini dom khau tin dunya:

#/ Viện patagok hành chính negar Thái Lan barau ba tabiak harak pathau khan brei mboh lac: tal urak ini ralo bhap bini taneh ia ini jeng oh ka thau lac pachreih tui atau oh dự thảo hukum negar barau, yaom lac daok labaih sa adit tra bruk trưng cầu ý dân rah tabiak. Bruk duah thau hatai sahneng di bhap bini hu peih ngak meng harei 25 tal harei 26/7,  hu mbaok di 1 ribau 5 rituh bhap bini,  umo meng 18 thun tagok, mgak dom bruk karei di gauk saong daok grauk labik dalam taneh ia. Labaih 59% dom urang hu tangi calei oh ka thau; labaih 33% lac pachreih tui, labaih 6% oh njauk hatai saong jaik 2% brei thau oh pachreih tui min oh phản đối.

#/ Urang jakar negar Anh brei tha, bruk Anh tabiak truh EU ( Brexit) dok ba mai kein laba ka gah padai brah di di negar ni, kayua đồng bảng laik yaom khang ngak tagok bruk meriak gauk di padai brah Anh di darak pasa dunya.

#/ Di ban Ri-ô Đề Gia-nây-rô (Bra-xin), palei Ô-lim-pích ngan saong labaih 3000 baoh sang hu peih pabah mbang taduan labaih 20 ribau vận động viên saong urang jakar gah thể thao dunya hu mbaok tame thế vận hội Ô-lim-pích 2016 saong Thế vận hội brei ka urang joh jo./.