1/ Meng akaok thun tal ni, Kadung jien khik iek song patagok glai tỉnh Sơn La hu buh bayar dịch vụ môi trường glai 114 tỷ đồng ka jiak 47.000 po glai lac urang bangsa takik dok di bhum gloang tapen negar, bhum atah bayah di tỉnh Sơn La, meblah labaih 95% bruk ba tabiak. Ong Lương Thái Hùng, Giám đốcKadung jien khik iek song patagok glai Sơn La brei tha, sarak ka bruk khik iek glai song patagok glai gam song bruk bayah jien dịch vụ môi trường glai di rajaei song tỉnh Sơn La hu tame dalam rai duik, pambuak kein laba meng urang pandar dịch vụ môi trường glai song urang khik iek glai.

2/ Hadei 3 bilan ban Đà Nẵng peih bruk pakacah jalan pakacah ý tưởng quy hoạch saong padang cảnh quan dua gah takai kraong Hàn, harei 24/11, hội đồng pakacah peih bruk ka dom kapul hu mbaok pakacah ba tabiak ý tưởng saong jalan padang ngak piah palih ruah jao giải. Mban tổ chức bruk pakacah taduan hu 39 hồ sơ di dom đơn vị tư vấn dalam taneh ia saong dunya hu mbaok tame. Mban peih bruk hu palih ruah, jao giải 1 - yaom 50.000 đô la Mỹ ka đơn vị hu thiết kế hu taong yaom glaong, sa giải 2 yaom 20.000 đô la Mỹ saong sa giải thưởng hu jao brei kapul pakacah hu bhap bini palih ruah ralo di abih. 

 3/ Meng akaok thun tal ni, tỉnh Ninh Thuận hu pataom  rilo pren khang song peih ngak chip dom sarak piah dong mik va urang bangsa takik song bhum ceik hu patagok bruk sx, KT, XH bhum urang bangsa takik dak harei dak tagok. Boh sang kathaot urang bangsa takik  trun 2% dalam thun 2016. Bác Ái lac huyện hu 95% urang bangsa Rag Lai di tỉnh NT, lac sa dalam 62 huyện kan kathaot dalam negar, daok dalam danak dak 30a di rajaei. Urak ni Bác Ái hu rilo danak dak, dự án hu peih ngak njauk tuk, dom sarak an sinh XH hu peih ngak rik dong khik caga tani tanat XH

4/ Phaok akaok Ủy Ban bhap bini tỉnh Đồng Nai brei thau, mintri ngak nông saong patagok palei pala brei palih ruah Đ.Nai lac tỉnh akaok meti dalam taneh ia ngak labik xuất khẩu pandap mbang menyum an toàn. Dalam nan, mintri kuhria  palih ruah ralo menuk di ĐN pablei tabiak darak NB. Kayua bruk pacang cakak jit ka tapon menuk hu peih ngak samu gauk nann ye bruk jit ruak di tapon menuk di tỉnh hu pasang iek.

 5/Tui pathau khan di glang pariak karja XH dhar tỉnh Vĩnh Long, meng tuk peih ngak danak dak brei mesraiy ka anek saih, SV meng thun 2007 tal urak ni, dhar hu brei mesraiy jiak 582 tỷ đồng ka 49.499 anek saih, sinh viên, mek hu 335 tỷ đồng, mesraiy tal tuk vak ni hu 257 tỷ đồng song 12.424 boh sang dok brei mesraiy ka 14.407 anek saih, SV hu  mesray ưu đãi.

6/ Tui sở ngak nông saong patagok palei pala tỉnh An Giang, peih bruk pala drak bilan ĐX 2016 – 2017 avar thun ini hu lagaih kayua ia di hamu daok ralo, nan ye urang nông daok ramik taneh dahlau tuk pala drak. Urak ini, urang nông dalam tỉnh An Giang hu trun pajaih padai bilan ĐX 2016 – 2017 hu labaih  13.492 ha, samu saong taneh trun pajaih padai di thun dahlau.

7/ Tui panuac khan di pasak pacang caga HIV/AIDS tỉnh Thanh Hóa, , dalam tỉnh urak ni hu 3.211  URANG njom HIV  daok iek ruak tui ARV, dalam nan hu 985 urang njom HIV hu thẻ BHYT. Urang njiel jru pheil klauk matuy di tỉnh hu labaih 13.771, urang ngak kamei main hu labaih 1.324 urang. Ni lac dom urang mbuan si njom mbak HIV glong min takik urang hu thẻ BHYT. Dalam tuk vak anak tal, Pasak pacang caga  HIV/AIDS tỉnh Thanh Hóa peih domjalan ngak piah paglong bruk pacang caga HIV/AIDS, jak ba urang ruak HIV blei BHYT.

Patui di ini dom khau tin dunya:

8/ Mintri ngak nông Đức brei thau hu sa sruh jit cúm menuk ada ngan saong chủng virut H5N8 di sa trang trại di mban Lâu-ơ Sa-xô-ni ngak ka jaik  16 ribau drei menuk prang di labik ini njauk ba nao am cuh klak. Sruh jit  rah tabiak di Clop-pen-bớc, gah brak taneh ia Đức saong ini lac sruh jit akaok meti di sa trang trại menuk ada di Lâu-ơ Sa-xô-ni, sa dalam dom bhum raong menuk ada praong abih châu Âu.

9/ Dom urang ngak praong pakat glong gah quân sự di Ai Cập song Mỹ hu var taom gaok di ban ine Cai-rô piah ginum biai jhul pakhang talei pambuak bruk, dong quân sự di 2 negar. 2 gah hu ginum biai dom kadha daok hu dua gah caik hatai ka bruk Trung Đông, klah rabha dom khau tin, ilamu dalam bruk langyah dom kadha quân sự, abih di nyu nan lac dom bruk đe dọa di khủng bố. 2 gah hu ginum biai jhul pakhang talei pambuak bruk, dong ba song pato pakai dom lực lượng quân sự 2 negar./.

10/ Ôxtrâylia brei thau, meda pabak 220 triệu đôla Ôxtrâylia (samu 160 triệu đôla Mỹ) daong pahala ka urang tị nạn Xyri. Thủ tướng Ôxtrâylia Man-côm Tơn-bun brei thau, yaom jien daong barau lac yaom pabak ka 213 triệu đôla Ôxtrâylia bo taneh ia ini hu daong ka Xyri meng thun 2011./.