1/ Sở ngak nong song patagok palei pala tỉnh Yên Bái hu peih ngak 8 đề án rami ramik veik; dalam nan hu đề án tagok bruk rong glang. Tui nan, tỉnh hu rilo jalan ngak piah pachreih ba, daong ka urang nong salih meng bruk rong sit sot, prai rai tapa rong praong piah pablei. Abih di nyu nan lac, padang dom bruk rong glang tui jalan trang trại. Tapa nan, dong ka labaih 300 labik rong praong kubao, limo tui jalan ngak ni.

2/ Tal urak ini, 770 ha padai padai đông xuân di tỉnh Quảng Trị njom ruak đạo ôn, ralo jang thun bloh. Dalam nan, 70 ha njauk njom trak,  daok veik bhian ruak meng 5% - 15%, labik glaong tagok meng 30% - 50%. Jit ruak daok rah tabiak praong saong njom mbak samar mbuan ngak brei padai ka-iu meyah oh samar langyah. Langiu ruak đạo ôn, takuh jeng daok hu rilo saong palai pajoa labaih 820 ha padai đông xuân.

3/ 5 thun tapa, di tỉnh Sơn La hu labaih 17 ribau boh sang urang nong hu pok brei angan urang nong ngak mbang pablei salih naih joi pakat tỉnh song TƯ

4/ meng thun 2010 tal urak ini, dom pakat kapul urang nông tỉnh Long An hu daong ka labaih 370.000 mbang urang hội dalam tỉnh meng ralo jalan ngak yau: tacei pato kỹ thuật, ilamu sản xuất, pajaih, phun jien; ba bruk ngak ka labaih 40.000 urang ngak, rik daong ba 5.800  baoh sang urang hội tabiak truh kan kathaot.

5/ Pasak pachreih nong tỉnh Cà Mau ngak iek hu siam bruk rong hadang thẻ ương dalam danao tauk bạt. Bruk ni hu tong yaom lac ba mai kein liba KT glong ka urang rong hadang. Di Cà Mau, bruk rong hadang thẻ dalam danao tauk bạt dok hu pambak prong. Thun 201, Cà Mau hu 14 ha song 60 danao rong, ye urak ni mblang taneh tagok tal 353 ha song 1.278 danao rong. 

6/ Barau ini, di quận Ô Môn- ban Cần Thơ, Hội đồng trị sự giáo hội Phật giáo Việt Nam hu peih bruk caik patau saong jak ba padang ngak học viện Phật giáo  Nam tông Khmer. Học viện hu padang di angaok taneh praong jaik  7ha, tui yaom jien labaih 450 tỷ đồng, tuk ngak salah bloh hu pabak bruk bac di Phật tử Khmer bhum taneran kraong Cửu Long saong taduan học viên di dom taneh ia yau Lào, Campuchia saong Thái Lan.

7/ Meng harei 24 tal harei 28/3, mbang akaok meti di huyện palao Bạch Long Vĩ (Hải Phòng) – hu parang iek bản đồ song yaih khan tư liệu "Hoàng Sa, Trường Sa di Việt Nam –Dom sajarah dak rai song hukum. Parang iek kayua mintri Thông tin song Truyền thông peih tabiak, dong ka urang lin song bhap bini jang yau dom urang tong chap IKAN di bhum tasik ni paglong akaok sahaneng, jum pataom gauk, thau hu bruk di drei dalam khik caga chủ quyền di VN di 2 palao kaoh  Hoàng Sa song Trường Sa.

Patui di ini dom khau tin dunya:

8/ Dom urang ilamu Đức barau peih bruk “ia harei MENUAC NGAK praong abih dunya” ngan saong hatai caong khin ia harei khang ini hu pandar piah ngak tabiak nhiên liệu siam ka môi trường. Thí nghiệm hu angan Sin-lai hu peih ngak di Giu-lích, atah ban Cô-lô-nhơ di Đức jaik 30 ki-lô-mét mai gah pai. 

9/ Arập Xêut brei padeih bruk BLEI menuk da duik, boh kram song menuk ada nek meng Ten-nơ-si (Tennessee), bang  gah đông nam di negar Mỹ, hadei di tuk sa jit ruak menuk ada độc lực glong hu duah mboh di bang ni. Mintri môi trường, ia song ngak nong negar ni brei tha, bruk nan hu ba tabiak lagaih song panuac khan di Gah thú y dunya mbiah tal tuk abih jit ruak

10/ # Iran harei 26/3 hu pandar lệnh trừng phạt ngan saong 15 công ty Mỹ. Ini hu iek lac bruk đáp trả saong dom hạn chế bo karja tổng thống Trăm pandar ngan saong dom công ty saong menuac urang njauk cáo buộc hu pambuak tal danak dak tên lửa đạn đạo di atneh ia ini./.