1/ Harei 27/3 Cụm pakacah dom tỉnh Tây Nam Bộ peih nyaom biai ba tabiak bruk ngak thun 2017. Brei panuac tacei pato di nyaom biai, Phó akaok negar Đặng Thị Ngọc Thịnh pandar dom tỉnh dalam Cụm patui bruk pathau khan, thau cambaih, peih ngak dom sarak, jalan ba di Đảng song karja, dom harak tacei pato pambuak tal bruk pakacah, pok meyaom, jhul pakhang bruk peih ngak dom bruk pakacah gauk anit ranam taneh ia, peih bruk yaih khan, pok meyaom dom urang naih gheih.  

2/ Taduan panuac daa di Đảng Lao động (PT) Mê-hi-cô, kapul lambaok Đảng drei kayua ong Nguyễn Huy Tăng, Phaok akaok Ban Đối ngoại Trung ương ba akaok hu mbaok tame nyaom meyai dunya yaok thun “dom chính đảng saong sa XH barau” mbang ka 21 rah tabiak di ban ine Mê-hi-cô. Nyaom meyai pachreih hu labaih 800 urang lambaok di 150 đảng, tổ chức chính trị mai meng 40 taneh ia Mỹ La-tinh saong dunya. 

3/ Gah y tế tỉnh Sơn La dok patagok bruk pasang iek, samar mboh dom janih ruak njom mbak angaok menuac mbuan si tamuh tabiak dalam tuk langik pandiak, abih di nyu nan lac dom jit ruak daok tagok glaong dalam dom thun dahlau yau: jit eik chrao, tangin takai cambuai, viêm não vi rút, dịch dại . Taeng 3 bilan akaok thun ni, Sơn La hu 14 urang njom ruak  viêm não vi rút, rilo jang 12 mbang dut song tuk vak ni thun dahlau.

4/ Gilang pariak cổ phần Ngoại thương Việt Nam (Vietcombank) barau peih pakak saong jao công trình dãy sang tal bac glaong 3 tal  12 duk sang bac Tiểu học Thụy Vân – ban Việt Trì, tỉnh Phú Thọ. Sang bac Tiểu học Thụy Vân  ngak abih jaik 6 tỷ đồng lac sa dalam dom bruk praong dalam jalan daong ka pato megru di Vietcombank thun 2016.

5/ Harei 27/3 di ban ine Praha, Kapul urang lambaok Ub bhap bini tỉnh Gia Lai hu var yaih khan tiềm năng, pren khang song jalan pambuak bruk di puk palei song jabat ngak nong Séc. Lac sa tỉnh Tây Nguyên dok dalam bhum 3 kieng patagok Việt Nam-Lào-Campuchia, Gia Lai hu taneh riya, lingik tasik biak lagaih ka bruk pala song ngak dom janih phun công nghiệp. Dom DN VN yau  Tập đoàn Cao su, Tập đoàn Hoàng Anh Gia Lai atau gilang pariak Vietinbank hu ginum biai rilo bruk pambuak gauk ngak mbang ,  daong jien ndo saong dom bruk karei karei haong dom gah pambuak bruk di Sec

6/ Tỉnh Bình Thuận urak ini hu 28 đơn vị ngak mbang gah dịch vụ thể thao angaok tasik ngan saong dom janih duh ka tuai damuai dalam saong langiu tỉnh mai rivang me-in, padeih padei. Min, bruk ngak ini oh ka patagok hu tpren khang kayua daok ralo tavak tavaiy. Makna lac bruk taong cap hadang hùm di urang taong ikan; bruk xâm thực jeng pambak tal labik mblang tasik. Langiu di nan, bruk padang bến cảng, labik pataok di kapal oh ka hu, nan ye gaok kan kandah tal dom khu vực, labik me-in thể thao giải trí angaok tasik. Ong Nguyễn Ngọc Hạnh – Phaok Giám đốc Sở ilamu,Thể thao saong Du lịch tỉnh Bình Thuận brei thau: “Gah TT jeng hu tham mưu ka UB bhap bini tỉnh tabiak chỉ thị 01 ka bruk rami ramik veik dom labik halei lac labik menei ia tasik, labik halei lac labik TT giải trí, labik halei lac labik taong cap hadang. Pagap yau dalam sa thun hu dom bilan taong cap hadang, daok vek brei ka bruk TT giải trí angaok tasik”.

7/ Piah pabak bruk nao mai dak harei dak glong, pacang bruk gar jalan, Công ty BOT tatua Rạch Miễu song Công ty cổ phần Đầu tư  tatua-jalan CII bahrau peih ngak dự án “pasiam veik, peih prong, padang ngak jalan roya 60 labik meng tatua Rạch Miễu tal tatua Cổ Chiên, tỉnh Bến Tre”.Dự án hu yaom jien buh tame ngak abih tih labaih 1.700 tỷ đồng kayua công ty Đầu tư cầu đường CII ngak po đầu tư, tui kuhria hu ngak salah bloh di thun 2018, tui nan, pasiam jalan roya 60 labik tỉnh Bến Tre meng pakat 4 bhum taneran tagok pakat 3 bhum taneran

Patui di ini dom khau tin dunya:

8/ Takik di abih 150 urang metai kayua pandiak dom di Dim-ba-buê dalam dua bilan tapa, ngan saong jaik 90 ribau urang njom ruak. Jabat pacang cakak pandiak dom di mintri y tế Dim-ba-buê brei thau, taneh ia ini hu urang ruak pandiak dom biak rilo dalam thun ini tuk gam gam hu dom mbang hajan khang, ngak brei hu ralo jamuok. Dalam dom urang metai nan hu ralo menuac lac kayua suai nao iek ruak. Dom labik gaok kan kandah kayua jit ruak rilo meng daok gah meraong taneh ia ini, labik ia sua pacang cakak  jalan nao tal dom labik y tế.        

9/ Harei 27/3, urang Thổ Nhĩ Kỳ dok di negar langiu hu nao plaik phiếu duah thau hatai sahneng di bhap bini ka bruk pasiam veik hukum negar, tui nan meda tagok quyền lực ka tổng thống, samar jang meteh bilan dut song bruk trưng cầu chính thức rah tabiak di Thổ Nhĩ Kỳ harei 16 bilan 4 anak tal. Tui dự thảo Hukum negar pasiam veik, cử tri meda palih ruah bruk njauk hatai atau oh njauk hatai anak bruk brei tagok quyền hành pháp ka tổng thống song brei klah chức vụ Thủ tướng.

10/  Ribuk nhiệt đới khang  Đép-bi lac ribuk pakat 4, daok tuh tame bhum takai tasik bang Quin-xlen,  gah ia –san Ôxtrâylia. Ribuk hu ngin khang labaih  260km/h, daok nao tapa pulao Uýt-xăn-đây. Ribuk Đép-bi daok nao gah pai ngan saong tốc độ jaik 6km/h  hadei di tuk salih jalan nao gah lục địa  ngan saong tốc độ 10km/h. Labaih 3 ribau 500 bhap bini Ôxtrâylia hu panduan nao dahlau di tuk ribuk ini tame mai. Bol bala daok caga piah daong ka bhap bini hadei di tuk ribuk nao tapa. Dom công ty nhiên liệu saong năng lượng jeng daok kham merat khik mepiah dom nguôn cung ka bhap bini./.