1/ Ngan song 19.300 héc ta  padai xuân, urak ni dom mblang padai di tỉnh Yên Bái, labik hu mblang hamu Mường Lò prong ka 2 di Tây Bắc, dok yam tame tuk tabiak dhar. Min dom harei tapa, kayua langik hu hajan sit, độ ẩm glong, ngak ka rilo janih halak halin di angaok padai tamuh tabiak. Urak ni tỉnh hu labaih 1200 ha padai njauk halak palai pajoa rilo - takik karei di gauk yau ruak đạo ôn jiak 360 ha, ruồi đục nõn 320 héc ta, bọ xít đen 180 héc ta, song labaih 170 héc ta njauk ruak khô vằn.  

2/ Labaih 100 doanh nghiệp Công nghệ thông tin  di ban Đà Nẵng daok gaok kan kandah dalam bruk ngak mbang pablei salih. Rilo doanh nghiệp kurang taneh peih praong labik ngak mbang pablei salih; ilamu urang ngak oh ka pabak hu bruk ngak, sinh viên công nghệ thông tin bac bloh daok yếu ngoại ngữ, doanh nghiệp njauk abih tukvak saong jien padai piah pato veik hadei di tuk pilih ruah tame ngak.

3/ Rilo boh sang di xã Hải Sơn, huyện Hải Hậu, tỉnh Nam Định hu pandar phụ phẩm nông nghiệp, khak piah rong giun quế, ngak pandap mbang ka menuk ada athur rong, salih ka dom janih pandap công nghiệp pamong tal pandap mbang hacih, dong patagok bruk rong glang, paglaong jien mek tame, peih tabiak jalan patagok KT bahrau ka urang nong palei pala tỉnh Nam Định.

4/ Hadei di jak jeng tuk camereip di radaih buýt samar BRT, Hà Nội daok salih barau radaih buýt, peih praong labik radaih buýt nduac, patagok parilo urang nao radaih buýt, pabak bruk nao mai dak harei dak ralo di bhap bini. Sở jalan mbak pajeng ba hu jao ka pasak khik eik saong điều hành jalan mbak đô thị patui pasang iek mek panuac di karja puk palei saong dom đơn vị pajeng ba labik hu jalan nao tapa piah peih jalan radaih buýt habar ka nyu lagaih saong bruk nao mai di tuai damuai.

5/ Amuk Đinh Thị Phương Khanh, Phó Giám đốc Sở ngak nong song patagok palei pala tỉnh Long An brei thau, urak ni mblang tabau thun 2016 – 2017 dalam tỉnh dok yam tame tuk kaoh mek abih. Tui urang pala tabau, thun ni yaom tabau phun hu urang mai blei di bein meng 950 - 1.100 đồng/kg. Tui yaom ni, urang pala tabau liba meng 10 đến 15 triệu đồng yaok ha.

6/ Dalam thun 2017, ban Cần Thơ daok peih ngak rilo dự án pasiam đô thị praong dalam ban meng phun jien mesraiy ODA, phun jien đối ứng meng kadung jien karja saong dom phun jien karei piah lagaih haong bruk biến đổi khí hậu, pasiam veik đô thị. Tal urak ini, dom jabat chức năng daok pataom tame ngak ka nyu salah bruk thiết kế, caga dom hồ sơ daa thau, dalam nan hu hạng mục tatua Quang Trung hu daa thầu di akaok bilan 4/2017. 

7/ Harei 30/3 lambaok po kapan Hải Thành 26 – BLC brei thau, labik kapan kram duah mboh di beir harei kabroi 29/3. Kapal 888 Trần Đại Nghĩa  di  Quân chủng Hải quân gam song thiết bị bahrau, pandar jam riak quét tia lase, hadei di tuk tal labik nan, jamriak quét duah mboh kapan Hải Thành 26 – BLC karam atah di labik njauk bala jiak 2 hải lý, dalam  28 mét.

Patui di ini dom khau tin dunya:

8/ Rajaei NB brei dui atah jang 2 thn tra dom lệnh trừng phạt di drei pamaong tame TT tui kuhria abih tukvak di bilan tal. Dom jalan ngak ini hu bruk oh brei taong abih dom bruk ngak mbang pablei salih saong TT jeng yau oh brei taong abih dom kapal tut angan TT pataok tame cảng NB.

9/ Takik di abih 17 urang metai dalam sa mbang tong bom rah tabiak harei 29/3 di sa labik tui iek di gah merong ban ine Bát-đa (Baghdad) di I-rắc.Dom mbang tong bom bhian rah tabiak di I Rắc dalam tuk bol lin I-rắc dok mesruh gauk song kapul thánh chiến ni piah mek veik quyền khik iek ban Mô-xun (Mosul).

10/ Harei 29/3, dom jabat cứu trợ dunya daong hu ka labaih 400 urang di cư mai meng Châu phi hadei di tuk mboh sa sruh gaiy gilai kayau pajeng dom urang nan seik lingiu tasik Libi. Ini lac sruh gaiy gilac kayau atah jaik 17m, pajeng menuac di cư meng Ma-rốc, An-giê-ri, Libi saong Găm-bi-a, Băng-la-đét./.