1 # Jabat mBan tacei pato Pacang cakak bala meng langik tasik saong duah daong urang njauk bala tỉnh Bình Định brei thau, hadei di tuk Cục Lãnh hải, Mentri Ngoại giao hu harak caong dom negar daong dom kapan gilai taong mek ikan angaok tasik tame plaih ribuk, 29 sruh kapan gilai di urang taong ikan tỉnh Bình Định taong mek ikan di bhum pulao tasik Trường Sa hu tame Philippines plaih ribuk ka 9 siam mekre.

2#/ Anak bruk kan thau dahlau jalan nao di ribuk ka 9, ba tal hajan khang di dom tỉnh tapen tasik meng Đà Nẵng đến Khánh Hòa,   tỉnh Bà Rịa – Vũng Tàu hu  peih ngak dom jalan pacang caga ribuk ka 9 meyah ribuk nao tapak tame boh taneh. Urak ni, di tỉnh Bà Rịa -Vũng Tàu hu labaih 2.700 kapan ikan gam song labaih 14 ribau urang tong ikan hu tame labik siam mekre. Dom kapan dok di tasik jiak 3.500 boh song labaih 24.200 urang jeng thau hu bruk rah tabiak di ribuk ka 9 meng po kapan song gah biên phòng.

          3  #  Pak sang bac Trung học phổ thông bal Điện Biên Phủ, Báo Tuổi trẻ Bal raya Hồ Chí Minh pambuak haong Tỉnh Đoàn Điện Biên peih  danak dak pok brei pok jien bac “Pacang cakak bruk klaak bac meteh dhi” thun 2016 ka dom adei kan kathaot dalam tỉnh. Tapa nan, mBan Tổ chức hu pok brei 100 pok jien bac (yaok pok yaom 2 triệu đồng) ka 100 anek saih Trung học cơ sở, Trung học phổ thông  kathaot kham merat yam tapa kan kandah dalam bac da-a di tỉnh.

4#/ Tỉnh Hà Tĩnh bahrau tabiak bruk dong jiak 247 tấn brah  ka anek saih bhum kan kandah tui sarak di rajaei. Ni lac mbang dong ka anek saih bhum kan kandah dalam mbang ka 2 học kỳ 1 thun bac 2016 – 2017 ka labaih 5.500 anek saih buhm kan kandah di tỉnh. Tỉnh jeng hu jao ka dom huyện, ban taduan mek, khik ramik, jao brei brah dong ka anek saih njauk sarak, njauk urang, njauk tuk vak.

          5 # pak bal Đà Nẵng, Ủy ban bhap bani bal Đà Nẵng pambuak haong Mentri Y tế peih mít tinh, diễu hành pacang cakak HIV/AIDS thun 2016 saong Harei Dunya pacang cakak HIV/AIDS (1/12). Pak Việt Nam urak ini hu labaih 80% dom urang njaom HIV hu xét nghiệm, chẩn đoán saong thau bruk njaom mbak di rup drei. Labaih sa meteh dalam dom urang nan daok điều trị kháng vi rút HIV.

6#/ Urak ni, di bhum tasik Vũng Sim, dalam huyện Vạn Ninh, tỉnh Khánh Hòa hu ikan metai rilo seik tame takai tasik, ngak ka rilo urang mboh dut hatai. Ikan metai labaih 10 tấn, rilo meng lac ikan dok ala mbat tasik yau ikan mú, ikan đục, kian chim, ikan hồng. Meng di tuk rah tabiak bruk ikan metai yau nan, karja song gah chức năng huyện Vạn Ninh hu peih bruk mek mẫu payua nao dut iek.  

          7 # Pak bal raya Hồ Chí Minh, Ủy ban An toàn giao thông pakat negar pambuak haong Tập đoàn Mai Linh saong dom jabat hu peih ngak danak dak “Giao lưu ilamo nao mai angaok jalan ka anek saih, sinh viên thun 2016” ngan haong bruk hu mbaok di jaik 4 ribau sinh viên, anek saih dom sang bac đại học, cao đẳng saong trung học dalam bal raya Hồ Chí Minh. Urak ini, bruk njauk bala angaok jalan mbak nao mai jeng daok hu ralo, yaok harei hu tal 24 urang metai kayua njauk bala angaok jalan mbak nao mai, ngak khat lahik jaik 275 tỷ đồng yaok harei. 

Patui di ni dom khau tin dunya:

8#/ Tui adat di karja bang Vích-to-ri-a (Victoria) của Ô-xtrây-li-a, tong abih uranaih dalam sang bac di bang ni njauk bac caluai ia dalhau di umo 12 thun. Tui adat bahrau ni, dom sang bac ba môn caluai ia tame patosong danka dak ni taduan hu bruk dong di rajaei . Dom anek saih tiểu học langui bruk hu pato caluai ia dok hu pabak ilamu siam mekre tuk trun ia, ilamu cứu hộ song bruk sinh tồn dalam ia. Bruk ngak nan di karja bang Vích-to-ri-a hu ba tabiak hadei di tuk thun bloh hu 43 urang metai palung ia , rilo jang dut saong 38 urang metai mblung ia yaok thun  dalam 10 thun tapa. 

             9  # Tổng thống Pháp Phrăng-xoa Ô-lăng (Francois Hollande) hu panuac iew  klaak abih lệnh pakuac pablei salih haong Cuba. Pok panuac tuk hu mbaok dalam Hội nghị Thượng đỉnh Pháp ngữ mbang ka 16 tại Ma-đa-ga-xca hadei di tuk urang pal akaok Cuba Phi-đen Ca-xtơ-rô lahik, Tổng thống Ô-lăng hu panuac lac, anak meta mboh lac lệnh pakuac nyu ngak kan kandah tal Cuba, njauk klaak taong abih. 

10#/ Tal urak ni Hungary hu am chuh klah labaih 400.000 drei menuk ada kuhria meng di tuk jit ruak menuk ada rah tabiak di Hungary dalam dom adit tapa. Ong Mi-clốt Sút, urang dahlau deih pan akaok jabat thú y Hangary lac, tong abih menuk ada am chuh klah jeng njauk jit ruak menuk ada yau bilau xù, sre ia meta, ia dhung song oh meda tui iek hu bruk ngak di nyu. Dom mẫu dut iek brei thau menuk ada njom   -rút H5N8 – chủng ba tal jit kum menuk ada di Hungary thun 2014 song urak ni dok njom mbak samar di Châu Âu./.