1/ Mesup harei 29/11, tui mong di Cuba, Akaok QH Nguyễn Thị Kim Ngân hu caik bingu di rup patau Chủ tịch Hồ Chí Minh, di mblang bein Hòa Bình, pasak ban ine La Habana, Cuba.Rup  patau   Chủ tịch Hồ Chí Minh yau brei mboh ka talei rohim khang kajap di 2 bangsa Việt Nam song Cuba. Kiến trúc sư Giô Đi-a (Joel Diaz) lac urang thiết kế song tacei pato bruk padang ngak labik caik rup patau ni song hu peih pakak di thun 2003, nan lac bruk ngak praong, abih hatai jai di ong dalam luac 50 thun ngak kiến trúc

2/ Dalam harei 29/11, mbang nyaom rajaei bilan 11 pataom tame ginum meyai dom jalan ngak ka nyu salah bruk di thun 2016, ba tabiak jalan ngak ka thun 2017. Jeng di mbang nyaom  ini, Thủ tướng jao ka dom mintri, dom gah chức năng, dom tỉnh, ban caga siam dom janih pandap pablei Tết nguyên đán 2017, ih lui rah tabiak bruk suai bayar jien bilan, tavak jien bilan, iek glang daong ka urang kan kathaot, urang gaok kan kandah piah yaok urang, yaok sang jeng hu tết.

3/ Mban Khik ramik dự án dom công trình điện gah kreik negar (CPMB) brei thau    tukvak 17 tuk 14 minite harei 29/11 (CPMB) hu pambuak bruk song dom gah thiết kế, thí nghiệm hiệu chỉnh, gah thầu padang ngak song khik ramik vận hành hu peih điện ba tame  Trạm biến áp 220kV Bảo Lâm , dahlau jang sa bilan dut song bruk ba tabiak thun 2016. Trạm hu padang ngak di palei Nà Mạt, xã Lý Bôn, huyện Bảo Lâm, tỉnh Cao Bằng, meng phun jien mesraiy di gilang pariak song phun jien di EVN NPT

4/ Kayua  lingik li-ar nan ye MENG mesup harei 30/11, di tỉnh Lai Châu           li-ar biak khang gam saong hajan sit, ia kakua di ralo labik, ngak kan kandah tal bruk ngak mbang, nao mai, phun pala saong athur raong. Nhiệt độ duk hu di mesup 30/11 di ralo labik bhum ceik glaong labaih 1.500 mét di dom huyện Sìn Hồ, Phong Thổ, Tam Đường... trun tagok meng 12 tal 15 độ C. Dalam 3 harei tal, nhiệt độ di bhum ceik glaong meda trun ala 13 độ C, gam saong ia kakua, hajan pasak, ngak brei li-ar khang. Tỉnh Lai Châu hu tacei pato dom gah, dom puk palei  caga dom jalan ngak pacang cakak li-ar ka anek saih, urang taha, phun pala saong khik caga siam mekre ka tapon athur raong di puk palei.

5/ Meng harei 29/11, dom huyện di tỉnh Bắc Kạn mboh langik liar, gam song hajan sit, ia kakua di rilo labik. Langik liar khang ngak brei nhiệt độ di Ngân Sơn trun biar di abih daok 7 độ C. Dom harei anak tal, langik pandiak di tuk harei, liar tuk melam song mesup, dom puk palei dalam tỉnh daok hu dom jalan ngak piah khik siam ka limo kabau tuk lingik li-ar khang. Tỉnh Bắc Cạn hu tacei pato dom gah, dom puk palei caga dom jalan ngak piah pacang liar ka anek saih, urang taha, phun pala song khik siam mekre ka tapon athur rong di puk palei abih di nyu nan lac dom huyện di bhum glong.

6/ Harei 29/11, Thứ trưởng mintri Công Thương Hồ Thị Kim Thoa hu var ngak bruk saong UB bhap bini ban raya HCM ka bruk caga pabak dom pandap mbang menyum tết anek sak menuk 2017 di ban raya. Di var ngak bruk, Thứ trưởng Hồ Thị Kim Thoa taong yaom glaong bruk  caga pandap tết di ban raya HCM hu mbaok ngak samu gauk di dom gah pambuak tal. 

 7/ Di nyaom biai pambuak bruk yaik khan pandap du lịch Quảng Ninh - Cần Thơ baharau rah tabiak DI tỉnh Quảng Ninh, lambaok di 2 TINH hu yaik khan dom bruk ngak, pandap du lịch di yaok bhum palei yau Chợ nổi Cái Răng,   Bến Ninh Kiều di Cần Thơ song Vịnh Hạ Long di tỉnh Quảng Ninh. Lambaok dom DN du lịch tỉnh QN song ban Cần Thơ  Jeng Hu Brei Rilo Panuac, Rilo Hatai Sahneng dalam bruk PAMBUAK GAUK yaik khan, padang pandap du lịch, paglnog chất lượng dịch vụ piah pachreih dui tuai mai tal qn saong c.thơ.

Patui di ini dom khau tin dunya:

8/ Harei 29/11, gah cảnh sát châu Âu (Europol) brei thau cảnh sát barau  taong tayah sa jalan talei buôn lậu ma túy saong rao jien tapa dom negar di châu Âu, cap kreik 36 urang, chap mek hu rilo ameh, côcain, phao ndao saong yaok triệu euro. Tui panuac khan di gah cảnh sát châu Âu, piah ngak hu bruk nan, puac adit bloh jaik 450 cảnh sát hu ralo mbang nao pagui chap di 3 taneh ia Prang, Bỉ saong Hà Lan.

9/ Mbang khuak glai dok rah tabiak khang di tiểu bang Ten-nét-xi (Tenessee) di Mỹ, ngak khat lihik trak dom cơ sở vật chất song ngak ka yaok pluh ribau urang njauk nao plaih chip. Urang jakar ngak praong di mbang ini brei thau, mbang pandiak bhang dui atah rilo adit tapa ba tal dom mbang khuak khang, pambak samar tal dom labik hu rilo menuac daok. Ban Gat-linh-bớt ( Gattlinburg) song Pi-giừn  Phóc ( Pigean Forge) song labik du lịch hu angan, mblang bein bhum ceik pakat negar  Grit ( Great Smocky 2 harei tapa brei ba labaih 14 ribau menuac song tuia du lịch nao labik karei. Sở Cứu hỏa bang Ten-nét-xi brei thau, gah cứu hộ dok mesruh song 20 labik khuak, urak ni apui khuah ralai abih jiak 600 ha mblang hareik di bhum Đông nam negar Mỹ. Labaih 30 boh sang prong dalam nan hu  khách sạn, khu chung cư di pasak ban Gát-linh-bớt njauk apui khuak ngak khut jaik abih.

10/ Urang brei panuac di Đại sứ quán Nga tại Ca-na-đa, ông Ki-rin Ka-li-nin harei 29/11 brei thau, Nga meda  đáp trả bruk Ca-na-đa ba tabiak lệnh trừng phạt dom  menuac di Nga, dalam nan hu 6 urang dalam Đuma quốc gia (nan lac Hạ viện) Nga  lambaok ka bhum Crưm. Panuac ndom cambaih, dom jalan trừng phạt barau di Ca-na-đa ngan saong Nga oh njauk saong oh hu makna hagait, ngak kan kandah tal talei pambuak bruk dua gah barau hu padang veik jaik di ini./.