1/ # Thủ tướng rajaei Nguyễn Xuân Phúc hu panuac pandar Uỷ ban bhap bini tỉnh Quảng Bình tacei pato dom jabat chức năng pataom tame langyah ka nyu tamat abih bruk kaoh mek, chế biến, pablei salih suan adat phun hương giáng di tỉnh; bhian nao tui iek, langyah tui hukum bruk kaoh mek, pablei salih, pajeng ba kayau glai suan adat.

2/ Sở Thông tin saong Truyền thông tỉnh Hòa Bình hu peih parang iek bản đồ saong parang iek tư liệu ngan saong kadha: “Hoàng Sa, Trường Sa di Việt Nam – dom bằng chứng sajarah dak rai saong pháp lý”. Ngan saong labaih 170 tư liệu, pandap hu parang iek lac sa binah dalam dom bằng chứng sajarah dak rai saong pháp lý duah pataom hu dalam taneh ia saong meng dom taneh ia angaok dunya, dalam nan hu Trung Quốc, rik daong brei mboh quyền ngak pô di Việt Nam ngan saong pulao Hoàng Sa saong Trường Sa.

3/ # Piah jhul pakhang bruk gak mbang, pala drak, patagok kinh tế di dom bhum kan kandah, abih di nyu nan lac labik di danak dak 30a, bhum biak kan kandah , tỉnh Quảng Nam hu quy hoạch, rong pala song jhul khang bruk patagok phun  quế tui jalan chuyên canh. Tui nan, , hu 4 palei  hu quy hoạch patagok phun  quế lac Bắc Trà My, Nam Trà My, Tiên Phước song Phước Sơn; dalam nan, mek Nam Trà My lac labik chủ lực di bruk patagok phun quế.

4/ Bruk ikan lồng metai di bhum gah angaok kraong Đà di lòng hồ thủy điện Lai Châu, dalam huyện taphia negar Mường Tè, tỉnh Lai Châu. Urak ini hu labaih 3 tấn ikan lăng, ikan chiên di 6 baoh sang raong nyu metai, dalam nan hu ralo lồng ikan chiên praong meng 4 tal 5 kg/drei, tui kuhria khat lahik jaik 2 tỷ đồng. Tui jabat chức năng puk palei, makna tuk camereip ba tal ikan metai lac kayua ia kraong Đà trun khang, vik saong gluh ralo ba tal kurang ôxy, ngak brei ikan metai. 

5/ # Lambaok  Hiệp hội rong glang tỉnh Đồng Nai brei thau, urak ni Hiệp hội peih hu 8 labik 8 labik palbie rilao pabui tani tanat yaom kaom song yaom blei glong jang yaom darka pasa dalam tuk yaom pablei rai beir jang. Yaok harei di dom labik pablei riloaw pabui tani tanat yaom kaom, pablei  hu labaih 200 drei pabui, samu 2 tấn rilaow,  tapa nan meda ngak ka yaom pabui tagok , patrun khat lihik ka urang rong.

6/ Sở Y tế Cần Thơ pambuak saong Tổ chức pacang cakak sup meta dunya  (Orbis) barau peih danak dak sang iek ruak Bay 2017. Tui nan, meng harei 7/5 tal harei 19/5, sang iek ruak Bay saong sang iek meta - Răng Hàm Mặt Cần Thơ hu khám sàng lọc, hadei di nan sang iek ruak Bay gam saong kapul y, bác sĩ saong chuyên gia dang akaok chẩn đoán, blac daraih saong iek ruak saoh dom ruak gah meta brei ka dom urang ruak lac uranaih  umo meng 3 tal 15 thun.

Patui di ini dom khau tin dunya:

7/ # Gah An ninh Somalia brei thau, takik di abih  6 urang metai song yaok pluh urang karei njauk rambuac dalam sa mbang tong  bom radeih harei 8/5 di sa jalan prong di pasak ban ine Mogadishu ba tal dinh Tổng thống. Tui panuac khan nan, mbang patuh rah tabiak tuk hu rilo menuac di labik nan song 6 urang metai.

8/ AKAOK Mintri pablei salih saong Công nghiệp Philippines Ra-môn Lô-pết harei 8/5 pachreih dom gah hu mbaok tame ginum meyai Hiệp định pambuak bruk kinh tế toàn diện khu vực (RCEP) jhul samar dom bruk thương lượng, saong daok hu panuac ndom veik lac brei ngak hu bruk mbaoh tangin tame harak hiệp định pablei salih tự do dalam thun ini.   

9 # Cao ủy Liên hợp quốc ka urang tị nạn (UNHCR) brei thau, 11 urang di cư metai song jiak  200 urang lihik tuk 2 boh kapan pajeng dom urang nan kram di langiu tasik  Libya. Dom urang dok duik brei thau dalam dom urang lihik HU urang kamei song uranaih./.