1/   # Meng akaok thun tal ni, danak dak iek ruak ngak pahla song iek glang pren yava bhap bini di  Trung ương Hội Chữ thập đỏ Việt Nam, mintri  Y tế, Tổng cục Chính trị Quân đội bhap bini Việt Nam song Trung ương kapul urang gru jru  ranaih Việt Nam pambuak gauk hu jak ba, peih bruk iek ruak, brei jru, brei pandap abih tih jiak 120 tỷ đồng. Tui nan, danak dak hu iek ruak song brei jru ka jiak 470.000 urang, pasram  sơ cấp cứu ka labaih 20.500 urang.

2/ Tui kapul urang njauk jru mek klik kruoc dioxin, tỉnh Tiền Giang urak ini ha labaih 10.000 urang njauk jru mek klik kruoc dioxin. Ralo baoh sang hu meng 5 tal 6 anek jeng njauk jru mek klik kruoc dioxin daok gaok dom pandik harao meng rup pabhap tal tinh thần. Tui ong  Lê Quốc Bảo, akaok kapul urang njauk jru mek klik kruoc dioxin tỉnh Tiền Giang, tỉnh daok peih ngak ralo bruk piah iek glang, daong urang njauk jru mek klik kruoc dioxin yam tapa kan kandah, tani tanat rai diuk.  

      3/ # Meng harei 8 -10/8, di palei  A Đăng, xã Tà Rụt, huyện Đakrông, tỉnh Quảng Trị, hu peih ngak adat Ariêuping (Lễ hội nhà mồ) – sa adat meng kan di urang bangsa Pakô daok di ceik Trường Sơn. Amuk  Hoàng Thị Thu Hương, Phó Giám đốc Sở ilamu, Thể thao song  Du lịch tỉnh Quảng Trị brei thau: Ariêuping lac sa adat meng kan di bhap bini bangsa Pakô. Adat ini hadei di tuk hu padang ngak veik, hu klak dom kadha oh daok lagaih, khik veik dom ilamu siam, lac tuk piah ka bhap bini  Pakô brei mboh hatai thau dar phol but pajaih, muk kei, jang yau patagok talei jum pataom dalam bhap bini.

4/ Sở lao động – thương binh saong XH tỉnh Vỉnh Long peih bruk alin hadaih 40 drei limo pajaih menek ka dom baoh sang kan kathaot urang bangsa Khmer di dua xã Tân Mỹ saong Trà Côn, huyện Trà Ôn, tỉnh Vĩnh Long. Ini lac mbang alin hadiah limo pajaih akaok meti dalam abih tih 340 drei limo di dự án “daong baoh sang kan kathaot raong limo pajaih, paglaong rai diuk” piah daong baoh sang kan kathaot dalam tỉnh paglaong jien mek tame, khik ka buk ngak mbang hu khang kajap.

     5/# Tui khau tin meng mintri pato megru  hu 242 ribau anek saih trúng tuyển mbang 1 ngak harak tame bac, samu jiak 70% chỉ tiêu tuyển sinh. Urak ni jeng dok hu dom anek saih brei thau ac drei tame bac meng bruk payua harak kết quả pakacah tapa jalan bưu điện, min dom sang bac  oh  ka yaok pataom hu abih nan ye dom anek saih tame bac meda hu rilo jang dalam dom harei tal. Yau nan, dom sang bac dok kurang chỉ tiêu dalam mbang 1 meda peih bruk palih ruah pabak mbang ka 2 meng 13/8 tal.

6/ Gilang tapuk miuyim tỉnh Đồng Nai saong kapul dam dara Sở ilamu – thể thao saong du lịch barau peih bruk alin tu tapuk ka bhap bini bangsa Chơro di xã Phú Lý, huyện Vĩnh Cửu. Tu tapuk hu 1.700 baoh tapuk ralo janih yau hukum, ilamu, XH, thiếu nhi…. Hu UB bhap bini xã Phú Lý caik di pasak ilamu – TT saong bac daa bhap bini xã piah lagaih ka bruk khik ramik, jeng yau duh ka bruk puac tapuk di bhap bini dalam palei.

7/ # Tỉnh Bến Tre peih ngak Đề án patagok rilo bruk ngak mbang, tabiak truh kathaot khang kajap tuk vak 2016 - 2020 song rilo danak dak dongjalan ngak mbang, dong ka urang kan dalam TỈNH tabiak truh kathaot khang kajap. Hadei di sa thun peih ngak, dalam tỉnh hu 8.928 boh sang kan song jiak si kan hu mbaok tame danak dak.  Amuk Nguyễn Thị Kim Thoa, Phó Chủ tịch Hội Liên hiệp urang kamei tỉnh Bến Tre brei thau: Tuk vak tapa, dom pakat kapul hu dong 754/1.243 boh sang urang kamei kan kathaot tut angan tame  đề án saong yaom jien abih tih jiak 19 tỷ đồng.

Patui di ini dom khau tin dunya:

8/ Dalam kham merat langyah bruk urang ngak mai meng taneh ia karei, mintri Lao động Thái Lan hu brei adat ka dom urang ngak mai meng dom taneh ia hu hong gauk jalan taphia negar khin tapa TL ngak bruk. Tui panuac khan di mintri lao động harei 8/8, hadei di dua adit peih ngak hu 772 ribau urang hu brei adat, dalam nan, ralo abih lac mai meng Mi-an-ma.     

9/ # Harei 9/8, Trung Quốc hu sa mbang megei boh taneh khang tra, hadei di mbang megei boh taneh khang rah tabiak melam dahlau di Tứ Xuyên. Tui gah khik iek bruk megei boh taneh  di  Trung Quốc, hu 107 mbang dư chấn song meda hu dom mbang megei boh taneh khang labaih 6 độ rích-te di labik ni dalam dom harei tal. 

10/ Dưa lưới (daok ieu lac dưa kanyik) hu ralo vi-ta-min , khoáng chất saong chất dinh dưỡng daong rup pabhap pacang cakak ruak yau ung thư saong đột quỵ. Ini lac bruk hu thau tapa ruah duah barau hu sa kapul dom urang khoa học mai meng Mỹ brei thau. Jeng tui ruah duah ini, dom urang khoa học hu tacei tabiak lac, 100 gram dưa lưới hu pabak meng 20 tal 30%  vi-ta-min C ka rup pabhap di anek menuac yaok harei./.