1 # Harei 9/4, hadei di tuk mai rivang saong tadhau ayuh tết Chôl Chnăm Thmây lambaok dom ong bhik, urang jakar padeih hưu bhap bani Khmer, ong Nguyễn Thiện Nhân, Ủy viên Bộ chính trị, Akaok Ủy ban Trung ương Mặt trận negar Việt Nam hu van ngak bruk haong Ủy ban Mặt trận negar Việt Nam tỉnh Trà Vinh saong dom kapul nyaom di tỉnh ka bruk ngak Mặt trận saong bruk kinh tế - xã hội di tỉnh quý 1 meng blaoh. Pak van ngak bruk, ong Nguyễn Thiện Nhân pandar dom pakat mặt trận dalam tỉnh njauk pataom tame peih ngak siam bruk pasang iek, phản biện xã hội saong hu mbaok tame brei panuac dak padang Đảng, dak padang karja. 

2/ Mesup harei 10/4, di ban raya HCM, kapul ngak bruk di mban Dân vận Trung ương kayua amuk Trương Thị Mai - Ủy viên mintri chính trị, akaok Ban Dân vận Trung ương pan akaok kapul gam saong urang lambaok Ban dân vận ban raya Hồ Chí Minh hu nao rivang urang pan bruk agama di ban raya. Di labik mai rivang, amuk Trương Thị Mai tangi sua pren yava dom urang pan bruk agama saong bruk ngak agama di đơn vị. Tuk lễ phục sinh, lambaok mban dân vận TƯ tadhau yuh dom urang pan bruk agama hu siam mekre, tuk halei jeng ba akaok nao dahlau dalam dalam bruk jak ba dom tín đồ diuk rai jum pataom, sa hatai haong gauk, hu mbaok tame dom bruk pakacah gauk anit ranam taneh ia, dom bruk ngak hu kein laba ka taneh ia, ka agama, ngak brei XH dak harei dak siam mekre, taneh ia saong ban raya patagok khang kajap.

3 # Nghệ An daok peih ngak ralo jalan ngak sangka iek glang tal rai diuk urang buh pren ka cách mạng saong gauk gar di dom urang nan urak ini daok diuk rai dalam tỉnh. Meng thun 2017 tuh nao, Nghệ An ieu pataom dom pren khang gam haong kadung jien karja piah tal thun 2020, taong abih baoh sang urang buh pren ka cách mạng hu daong pasiam veik, padang ngak bahrau sang daok;  taong abih baoh sang urang buh pren ka cách mạng hu diuk rai samu atau glaong jang  rai diuk trung bình di bhap bani daok pak labik nan.

4/ Tui Chi cục Kiểm lâm tỉnh Đắk Lắk, dalam tỉnh urak ini hu labaih 340 ribau ha glai mbuan khuah, dalam nan glai tự nhiên jaik 300 ribau ha, lac dom janih glai khộp, glai hỗn giao, yau glai le, tre, nứa, lồ ô…Peiah pacang cakak khuah glai, Chi cục Kiểm lâm tỉnh Đắk Lắk hu brei labaih 100 kiểm lâm di tỉnh mai dom xã hu glai piah gam saong urang jakar tacei pato bhap bini di dom puk, palei daok jaik glai peih dom jalan ngak khik caga saong pacang cakak khuah glai.  

5 # Pak sang bac đại học Đồng Nai, Hội Sinh viên tỉnh hu peih danak dak "Harei pataom ilamo hữu nghị Việt Nam - Lào - Campuchia thun 2017" brei ka sinh viên tỉnh Đồng Nai saong anek saih Lào, Campuchia daok bac di dom sang bac đại học, cao đẳng dalam tỉnh. Ini jeng lac tuk piah ka sinh viên 3 negar hu taom gaok, ndom biai nao mai, duah thau ka adat cambat, tanarakun, ilamo meng kan di klau negar tapa nan daong pabak talei gul pataom, hữu nghị di sinh viên jeng yau bhap bani 3 negar.

6/ Harei 10/4, di baha  Soài So, xã Núi Tô, Tri Tôn, tỉnh An Giang peih harei pataom ilamu - Thể thao saong Du lịch bhap bini banagsa Khmer mbang ka XI. Dalam dom bruk pakacah TT saong me-in kadha bhap bini di harei pataom ilamu, kadha pakacah ndua cà om mek ia lac biak pachreih  tuai damuai, abih di nyu nan lac dom urang barau hu mboh mbang akaok meti  kayua nyu biak gheih, biak mekre tok bhap bini Khmer meng hu.

7 # Dom mbang hajan suan bilan dalam ralo harei tapa ngak ka dom mblang taneh pala njam pataom baoh kraoh dalam huyện Hòa Thành, tỉnh Tây Ninh njauk khut khat trak. Ralo bein njam tal harei paik njauk klaak sraoh kayua ia dauk.

Patui di ini dom khau tin dunya:

8/ Tui kuhria mboh di mintri Du lịch Mexico, dalam thun 2016, gah du lịch taneh ia ini taduan hu 35 triệu tuai damuai dunya saong mek hu 19.571 tỷ USD, tagok 9% saong 10,4% duk saong thun 2015.

9 # Tui sa roh duah hu Liên hợp quốc bahrau brei thau, bruk cakrok khang di virus Zika meng thun 2015 tal ini pak bhum Mỹ Latinh daok ngak khat lihik prong gah kinh tế di bhum taneh daok cakrok patagok ini. Bruk roh duah di Danak dak patagok Liên hợp quốc (UNDP) saong Hội Chữ thập đỏ dunya kuhria mboh lac abih tih dom khat lahik bo janih virus metai manuac ini ba mai ka bhum taneh Mỹ Latinh dalam tuk vak 2015 – 2017 nna lac meng 7 tal 18 tỷ USD. 

10/ Kadung jien uraniah Liên hợp quốc (UNICEF) brei thau, uranaih daok di dua gah di bruk srau kadau  di gah timur Ucraina caong hu daong chip piah pasiam chấn thương hadei di labaih 3 thun daok dalam bạo lực./.