1# Harei 10/5, Thành ủy ban raya Hồ Chí Minh peih nyaom biai ba tabiak quyết định di mintri Chính trị ka bruk nhân sự. Di nyaom biai, ông Phạm Minh Chính khan brei thau Quyết định harei 9/5/2017 di mintri Chính trị. Tui nan, ông  Đinh La Thăng, Ủy viên Trung ương Đảng, Bí thư Thành ủy ban raya Hồ Chí Minh tukvak 2015- 2020 padheih ngak Bí thư Thành ủy ban raya Hồ Chí Minh, nao ngak Phó Trưởng ban Ban Kinh tế Trung ương. Ông Nguyễn Thiện Nhân, dang ngak Bí thư Thành ủy ban raya Hồ Chí Minh.

2/ Di Hà Nội, Ủy ban bhap bini tỉnh Quảng Nam, mintri ilamu Thể thao saong Du lịch, mintri Ngoại giao barau peih họp báo yaih khan “Festival inem krung Quảng Nam” mbang ka 6. Hu rah tabiak meng harei 7 tal harei 14/6 tal di Quảng Nam. “Festival inem krung Quảng Nam” mbang ini hu dom bruk ilamu, thể thao saong du lịch hadah krah yau: harei nyaom pakacah “Hợp xướng dunya hu mbaok 1500 nghệ sĩ di 15 taneh ia, bhum lãnh thổ; “Festival tơ lụa, khan bai Việt Nam saong dunya”; harei pataom “pandap mbang dunya”; parang iek “Inem krung ilamu tasik, pulao Việt Nam”. 

3# Tỉnh Kiên Giang hu peih ngak rilo bruk pachreih tui adit an toàn jalan nao mai mbang yaka 4 kayua Liên hợp quốc ba tabiak ngan saong kadha “Tốc độ”. Tui nan, dom gah chức năng tỉnh Kiên Giang pambuak bruk saong dom huyện, thị xã saong ban jhul khang pathau khan quy định di adat hukum ka tốc độ rathiah nduac di jalan; bruk mbuan ba tal bala saong dom pandik harao meng bala di jalan nao mai kayua nduac suan tốc độ… taphia nan, dom gah, kapul nyaom jak ba dom urang jakar, công chức, viên chức, urang đoàn , hội viên… nao dahlau ngak tui quy định ka tốc độ tuk nduac radaih di jalan mbak.

4/ Gah chức năng huyện Ea Súp, tỉnh Đắk Lắk barau duah mboh sruh jit ka 3 cúm menuk ada H5N1 saong daok peih bruk am cuh klak, pacang cakak oh lui jit njom mbak. Sruh jit barau duah mboh angaok tapon ada di sang ong Hoàng Văn Na, daok di palei 17, xã Ea Lê, huyện Ea Súp, tỉnh Đắk Lắk. Karja palei pambuak saong blai raong glang saong thú y huyện Ea Súp hu ba nao am cuh klak labaih 900 drei ada njom ruak.   

5# Ông Phạm Tấn Xiếu, Chánh Văn phòng Uỷ ban bhapbini tỉnh Đồng Tháp brei thau, Uỷ ban bhapbini barau njauk hatai brei adat ka uy mban bhapbini huyện Thanh Bình padang 2 cụm dân cư piah brei ka dom sang di libik glut jaleih di xã Bình Thành, huyện Thanh Bình, tui yaom jien ngak jaik 6 tỷ đồng. 2 cụm dân cư hu padang ngak di libik taneh công taphia Cụm dân cư Bình Thành saong libik taneh mblang beir xã Bình Thành. Tapa nan, piah khik caga tính mạng drap ar di bhapbinini libik glut jaleih (ấp Bình Hòa, xã Bình Thành, huyện Thanh Bình) saong khik caga jalan roya 30 – canaih jalan praong meng ban sit Cao Lãnh nao Campuchia.

6/ barau ini, pasak bac megru, sinh hoạt thanh thiếu nhi Tây Ninh peih tal pasram megru pacang cakak xâm hại uranaih thun 2017. Ini lac sa dalam dom bruk ngak siam, tapa nan daong gru pato tổng phụ trách đội thau, mboh hu dom biểu hiện di anek saih piah ndom meyai nao mai, duah thau, klah rabha saong tacei pato ka dom adei.

7# Tui Phòng ngak nong saong patagok palei pala huyện Xuân Lộc, tỉnh Đồng , piah rik daong langyah bruk pablei ka urang raong pabui di tukvak kan kandah urak ini, huyện Xuân Lộc padang hu 3 cửa hàng pablei ralo pabui hacih di khu công nghiệp Xuân Lộc, libik pasak ban sit Giaray saong darak Giaray (di xã Xuân Trường). Amuk Lê Thị Hiệp, akaok phòng ngak nong saong patagok palei pala huyện Xuân Lộc brei thau, anak meta dom cửa hàng ini meda pablei hu abih dom pabui daok kandon di dom tổ hợp tác, hadei nan meda peih praong tapa dom gah raong glaong karei

Patui di ini dom khau tin dunya:

8/Harei 9/5, Tư lệnh Lục quân Thái Lan, Đại tướng Chà-lởm-chai Si-thi-sát brei thau, taneh ia ini meda blei gilac 34 radaih bọc thép saong11 radaih tăng VT-4 di Trung Quốc. Ini lac mbang blei radaih ka 3 di Thái Lan piah padang lữ đoàn tagok 49 sruh salih ka radaih tăng M41 di Mỹ oh daok lagaih tuk hu ba tame pandar meng thun 1962.

9# Dalami sa mbang brei panuac saong báo giới, Thủ tướng Nhật Bản Xin-dô A-bê brei thau hatai bui sambai ka kết quả di mbang pilih ruah Tổng thống Hàn Quốc barau rah tabiak, taphia nan, caong khin meda peih sa mbang nyaom thượng đỉnh drak samal abih saong Mun Chê-in, urang barau jayah di mbang pilih ruah barau blaoh, piah meda gam saong gauk ginum biai dom bruk hu kein ka dua gah.

10/ Đại úy Vi-a-chét-láp Tru-kha-chép urang dang akaok gah daong thông tin di Hạm đội Biển Đen brei thau, Hạm đội barau hu pabak dua kapal cao tốc pacang phá hoại hiện đại lac U-415 saong U-425 daok dalam dự án Dự án Raptor piah patagok bruk phản ứng samar tuk hu bruk rah tabiak./.